2 Edk 1:15 - BAEBOLO ANZƐƐ BULUKU NWUANZANWUANZA

¹⁵ Belemgbunli Sɔlɔmɔn manle ezukoa nvutuke nee dwɛtɛ fufule bule kɛ awolɛ la wɔ Gyɛlusalɛm, na ɔmanle sida mbaka bule kɛ Hyifɛla sikamɔ mbaka la.

2 Edk 1:15 ပူးပေါင်းရင်းမြစ်များ

2 Edk 1:12

meva nrɛlɛbɛ nee ndelebɛbo ne memaa wɔ. Mebamaa wɔ anwonyia nee agyadeɛ, na eza wɔanyia duma kpole mɔɔ arelemgbunli mɔɔ li ɛ nyunlu nee mɔɔ bavinde ɛ nzi la ɛnrɛnyia bie ɛlɛ a.”

2 Edk 9:27

Na Sɔlɔmɔn manle dwɛtɛ fufule bule yɛle kɛ awolɛ la wɔ Gyɛlusalɛm, yɛɛ sida mbaka bule kɛ Hyifɛla sikamɔ mbaka.

Ayezaya Buluku ne 60:17

“Kɛ menwɔva kɔbele la, mebava ezukoa nvutuke, Kɛ menwɔva bulalɛ la, mebava dwɛtɛ fufule, Kɛ menwɔva mbaka la, mebava kɔbele, Yɛɛ kɛ menwɔva awolɛ la, mebava mbulalɛ mearɛlɛ bɛ. Mebamaa bɛ mgbanyinli mɔɔ nea bɛ nwo zo la anzonudwolɛ, Na bɛ gyima zo neavolɛma ayɛ tenlenema.

Ayezaya Buluku ne 9:10

“Belekese ne mɔ yɛɛ ɛdudu ɛgua a, na yɛbava awolɛ mɔɔ bɛze la yeazi yɛ azua ne mɔ. Bɛdudu sekamɔ baka mgbunla ne mɔ, na yɛbava sida mbaka yɛaziezie bɛ bo zo ne mɔ.”

Emɔzo Buluku ne 7:14

Na Emɔso buale Amazaya kɛ, “Menle Nyamenle kpɔmanvolɛ, yɛɛ menle Nyamenle kpɔmanvolɛ ra. Meka mboane, yɛɛ feege mbaka ɛnleanlɛ gyima a meyɛ a.

Edwɛkpa ne kɛmɔ Luku hɛlɛle la 19:4

Yemɔti ɔnriandile ɔlumuale ɛlɔne ne anyunlu na ɔhɔvole baka bie mɔɔ bɛfɛlɛ ye “sekamɔ” la azo saa ɔkɛnwu ye a, ɔluakɛ ɛkɛ ne ala a Gyisɛse bape a.

Mɛla 17:17

Ɔnle kɛ ɔgya mraalɛ dɔɔnwo, ɔboalekɛ ɛhye bamaa ɔ rɛle avi Ɛdɛnkɛma ye Nyamenle ne, yɛɛ eza ɔnle kɛ ɔ nye bolo dwɛtɛ fufule nee ezukoa nvutuke dɔɔnwo ɛnyianlɛ.