2 Edk 1:14 - BAEBOLO ANZƐƐ BULUKU NWUANZANWUANZA

¹⁴ Sɔlɔmɔn boɔboale konle ehwili nloa na ɔnyianle menli mɔɔ ka mgbɔnwɔ la; ɔnyianle konle ehwili apenle ko ɛya nna, yɛɛ menli mɔɔ ka mgbɔnwɔ la apenle ngoko bulu nee nwiɔ, na ɔyele bɛ ɔziele azuamgbole ne mɔ mɔɔ ɔwɔ kɛ bɛsie konle ehwili zolɛ la azo, yɛɛ eza bie woale belemgbunli ne anwo ɛkɛ ne wɔ Gyɛlusalɛm.

2 Edk 1:14 ပူးပေါင်းရင်းမြစ်များ

1 Arl 10:16

Belemgbunli Sɔlɔmɔn manle bɛyɛle bɛ sa nu enyinlike mgbole ɛya nwiɔ na ɔmanle bɛholole ezukoa nvutuke mɔɔ asɛɛ to tone nu kilo nsuu la bɛguale ko biala anwo.

1 Arl 4:26

Sɔlɔmɔn lɛ mgbɔnwɔ mɔɔ twe konle ehwili la apenle ngoko abulanla yɛɛ ɔlɛ mgbɔnwɔ mɔɔ ɔtɛnla zolɛ la apenle ngoko bulu nee nwiɔ.

1 Arl 5:6

Yemɔti maa bɛpɛ Lɛbanɔn sida mbaka bɛmaa me. Me sonvolɛma baraboka wɔ menli ɛdeɛ ne mɔ mɔɔ ɛmaa bɛapɛ mbaka ne bɛamaa me la anwo. Mebadua wɔ menli ne mɔ ɛkpabɔlɛ kakɛ biala mɔɔ ɛkɛpɛ ɛkɛmaa me la; ɔluakɛ yɛ maanle ye anu, ɛdawɔ ɛze kɛ yɛnlɛ awie biala mɔɔ ze dubinli mbaka ɛpɛlɛ nye zo la kɛ Saedɛnema ala.”

1 Arl 9:19

yɛɛ azua mɔɔ Sɔlɔmɔn zieziele ye ninyɛne zolɛ la. Bie mɔ mɔɔ eza ɔkyekyele la a le azua mɔɔ ɔziele ye konle ehwili ne mɔ wɔ zolɛ nee azua mɔɔ ye mgbɔnwɔ ɛlɔnema wɔ zolɛ la, yɛɛ debie biala mɔɔ ɔhulole kɛ bɛkɛyɛ wɔ Gyɛlusalɛm, Lɛbanɔn nee ye belemgbunli maanle ne anu ɛleka biala la.

2 Edk 8:6

Ɔkyekyele Beeyalate nee azuamgbole mɔɔ ɔdaye Sɔlɔmɔn ɔfa ye ninyɛne ɔkɔsiezie zolɛ, azuamgbole mɔɔ ɔfa ye konle ehwili ɔkɔsiezie zolɛ, azuamgbole mɔɔ menli mɔɔ ka konle ehwili la wɔ zolɛ, yɛɛ azuamgbole mɔɔ menli mɔɔ ka mgbɔnwɔ la wɔ zolɛ la. Akee ɔyɛle debie biala mɔɔ ɔhulole kɛ ɔkɛyɛ wɔ Gyɛlusalɛm, Lɛbanɔn, yɛɛ ye maanle ne anu ɛleka biala la.

2 Edk 9:25

Belemgbunli Sɔlɔmɔn ɛnee eza lɛ mgbɔnwɔ tunli apenle nna mɔɔ ɔsie mgbɔnwɔ nu a, ɔlɛ konle ehwili dɔɔnwo, yɛɛ menli mɔɔ ka mgbɔnwɔ la apenle ngoko bulu nee nwiɔ. Ɔvale bie mɔ ɔhɔle azuamgbole mɔɔ ye konle ehwili ne mɔ wɔ zolɛ la azo, yɛɛ bie mɔ noko wɔ ɔ nwo ɛkɛ ne wɔ Gyɛlusalɛm.

Mɛla 17:16

Belemgbunli ne, ɔnle kɛ ɔnyia mgbɔnwɔ dɔɔnwo. Ɔnle kɛ ɔfa adenle bie anu kɛ ɔmaa menli ne azia ahɔ Yigyibiti amaa bɛanyia mgbɔnwɔ dɔɔnwo, ɔluakɛ Ɛdɛnkɛma ɛze kɛ, ‘Bɛmmasia bɛ nzi bɛfa zɔhane adenle ne azo ɛlɛ kɛ bɛkɔ ɛkɛ.’