2 Edk 1:1 - BAEBOLO ANZƐƐ BULUKU NWUANZANWUANZA

¹ Devidi ara Sɔlɔmɔn agyakɛ dwule aze na ɔ sa yiale ye belemgbunli maanle ne. Ɛdɛnkɛma ye Nyamenle ne nee ye luale na ɔmanle ɔyɛle sonlakpole.

2 Edk 1:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:22

Mekɛ ne anu Belemgbunli Abemɛlɛke nee Faekɔlo, ye safohyenlema kpanyinli ne mɔɔ nea ye ɛlɔnema ne anwo zo la, hɔle Ebileham ɛkɛ hɔzele ye kɛ, “Nyamenle boa wɔ wɔ debie biala mɔɔ ɛkɛze kɛ ɛyɛ la anu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:2

Ɛnee Ɛdɛnkɛma nee Dwosefi a lua a, yemɔti ɔkpazile. Ɔdɛnlanle ɔ menle Yigyibitinli ne sua nu,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:21

Na ɛnee Ɛdɛnkɛma nee Dwosefi lua. Ɔhilele ɛhulolɛ dɔɔnwo wɔ ɔ nwo, na ɔmanle ɔzɔle nrenya ne mɔɔ nea pilizama ne mɔ anwo zo la anye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:3

na ɔ menle ne nwunle kɛ Ɛdɛnkɛma li Dwosefi anzi, na ɔmanle debie biala mɔɔ ɔvale ɔ sa ɔhanle ye la yɛle kpalɛ.

1 Arl 2:12

Sɔlɔmɔn lile ɔ ze Devidi agya na ye belemgbunlililɛ ne hɔle zolɛ.

1 Arl 2:46

Nzinlii belemgbunli manle Bɛnaya tumi kɛ ɔhɔhu Hyemɛyae, na ɔhɔhunle ye. Yemɔti tumi kɔsɔɔti akee ralile Belemgbunli Sɔlɔmɔn asa anu.

1 Edk 17:8

Ɛleka biala mɔɔ ɛhɔle la me nee wɔ a hɔle a. Memaa wɔli wɔ kpɔvolɛma amuala anwo zo konim. Akee mebamaa wɔanyia duma kpole kɛ menli mgbole mgbole mɔɔ wɔ ewiade ye anu la.

1 Edk 22:11

“Zɔhane ati, me ra, Ɛdɛnkɛma nee wɔ ɛdɛnla, amaa wɔahola wɔazi Ɛdɛnkɛma wɔ Nyamenle ne Ɛzonlenlɛ Sua ne wɔawie, kɛmɔ yeha ye wɔ ɛ nwo la.

1 Edk 22:16

Dwinvolɛma ɛhye mɔ kola fa ezukoa nvutuke, dwɛtɛ fufule, kɔbele, yɛɛ mbulalɛ yɛ gyima. Zɔhane ati bɔ gyima ne abo, Ɛdɛnkɛma nee wɔ ɛdɛnla.”

1 Edk 29:23

Yemɔti Sɔlɔmɔn lile ɔ ze Devidi agya wɔ belemgbunli ebia ne mɔɔ Ɛdɛnkɛma ɔdaye yehyehyɛ la azo. Ɔyɛle belemgbunli kpole, na Yizilayɛma kɔsɔɔti yɛle tieyɛ manle ye.

1 Edk 29:25

Ɛdɛnkɛma manle Sɔlɔmɔn anwo yɛle maanlema ne kɔsɔɔti ɛzulolɛ, na ɔmanle ɔnyianle ɔ nyunlu ɔdɛlale Yizilayɛ belemgbunli biala.

1 Edk 29:30

Mbuluku ne mɔ kile kɛ ɔzile ɔlile ye belemgbunli ne, tumi mɔɔ ɔnyianle ye, nee debie biala mɔɔ zile ɔ nwo zo, nee mɔɔ zile Yizilayɛma nee maanle maanle mɔɔ zuozua bɛ la anwo zo la.

2 Edk 32:23

Menli dɔɔnwo vale ahyɛlɛ ninyɛne rɛlɛle Ɛdɛnkɛma wɔ Gyɛlusalɛm. Eza bɛvale ninyɛne mɔɔ sonle bolɛ la bɛrahyɛle Dwuda Belemgbunli Hɛzikaya. Na ɔvi mekɛ zɔhane mɔɔ kɔ la, ɔnyianle ɔ nyunlu kpole kpalɛ wɔ maanle maanle avinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:12

Nyamenle zele ye kɛ, “Me nee wɔ balua, na ɛhye bayɛ sɛkɛlɛneɛ amaa wɔ kɛ medame a mezoa wɔ a. Mekɛ mɔɔ ɛ nee menli ne kɛvi Yigyibiti la, bɛbarazonle Nyamenle wɔ boka ɛhye azo.”

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Dwɔhyua Buluku ne 3:7

Ɛdɛnkɛma zele Dwɔhyua kɛ, “Ɛnɛ kenle ye mebayɛ wɔ sonlakpole meamaa Yizilayɛma amuala abɔ ɔ bo ali wɔ eni na bɛanwu ye wienyi kɛ me nee wɔ lua, kɛmɔ me nee Mosisi luale la.