2 Dw 1:6 - BAEBOLO ANZƐƐ BULUKU NWUANZANWUANZA

⁶ Ɛhulolɛ ɛhye a le kɛ yɛkɛli Nyamenle mɛla ne mɔ azo. Mɛla ne, kɛmɔ mɔlebɛbo ne bɛ muala bɛdele la, yemɔ a le kɛ bɛkɛdɛnla ɛhulolɛ nu.

2 Dw 1:6 ပူးပေါင်းရင်းမြစ်များ

Dw 14:15

“Saa bɛkulo me a, bɛbali me mɛla ne mɔ azo.

Dw 14:21

“Awie biala mɔɔ kɛlie me mɛla ne mɔ na ɔkɛli zolɛ la, yemɔ a kulo me a. Egya bahulo awie biala mɔɔ kulo me la, na medame noko mebahulo ye na meaye me nwo meahile ye.”

Dw 14:23

Gyisɛse buale ye kɛ, “Awie biala mɔɔ kulo me la bali me ngilehilelɛ zo. Egya bahulo ye, na me nee Egya yɛbara ɔ nwo ɛkɛ yɛ nee ye aradɛnla.

Dw 15:10

Saa bɛdi me mɛla ne mɔ azo a ɛnee bɛde me ɛhulolɛ ne anu, kɛmɔ meli Selɛ ne mɛla zo na mede ye ɛhulolɛ ne anu la.

Dw 15:14

Saa bɛyɛ mɔɔ meha mehile bɛ la a, ɛnee bɛle me gɔnwo mɔ.

Mɛla 13:4

Bɛdoa Ɛdɛnkɛma bɛ Nyamenle ne abo zo na bɛzulo ye, bɛli ye mɛla ne mɔ azo, bɛdie ɔ ne, bɛzonle ye na bɛva bɛ nwo amuala bɛmaa ye.

1 Dw 2:24

Zɔhane ati, bɛmaa mɔɔ mɔlebɛbo ne bɛdele la ɛdɛnla bɛ nu. Saa bɛmaa mɔɔ mɔlebɛbo ne bɛdele la tɛnla bɛ nu a, bɛ nee Ralɛ ne nee Selɛ ne kɛbɔ nu kɛdɛnla.

1 Dw 2:5

Sonla mɔɔ di Nyamenle edwɛkɛ ne azo la, yemɔ a le sonla ne mɔɔ Nyamenle ɛhulolɛ ne di munli wɔ ye nu la. Adenle ɛhye azo a yɛdua yɛnwu ye kpalɛ kɛ yɛ nee Nyamenle le agɔnwolɛ a.

1 Dw 2:7

Ayi mɔ, mengɛlɛ mɛla fofolɛ biala membɛlɛ bɛ; dɛba ko ne ala mɔɔ mɔlebɛbo ne bɛnyianle ye la a melɛ melɛbɛlɛ bɛ a. Mɛla dɛba ne a le nrɛlaleɛ ne mɔɔ bɛde ye dɛba la.

1 Dw 5:15

Na kɛmɔ yɛze kɛ yɛbiza ye debie a ɔtie yɛ la ati, eza yɛze kɛ yɛ sa ka mɔɔ yɛbiza yɛfi ye ɛkɛ ne la.

1 Dw 5:3

Ɔluakɛ saa yɛdi Nyamenle mɛla ne mɔ azo a ɛnee yɛkulo Nyamenle, yɛɛ ye mɛla ne mɔ noko ɛnyɛ ɛnlomboɛ mɔɔ bu sonla kɔme a,

2 Dw 1:5

Yemɔti, Raalɛkpa, mesɛlɛ wɔ, mɔɔ meka meahile wɔ la a le kɛ bɛmaa yɛ muala yɛhulo yɛ nwo ngoko ngoko. Mengɛlɛ mɛla fofolɛ membɛlɛ bɛ, kɛ mɛla dɛba ne mɔɔ mɔlebɛbo ne yɛ sa hanle ye la ala.