2 Dw 1:5 - BAEBOLO ANZƐƐ BULUKU NWUANZANWUANZA

⁵ Yemɔti, Raalɛkpa, mesɛlɛ wɔ, mɔɔ meka meahile wɔ la a le kɛ bɛmaa yɛ muala yɛhulo yɛ nwo ngoko ngoko. Mengɛlɛ mɛla fofolɛ membɛlɛ bɛ, kɛ mɛla dɛba ne mɔɔ mɔlebɛbo ne yɛ sa hanle ye la ala.

2 Dw 1:5 ပူးပေါင်းရင်းမြစ်များ

Dw 15:12

Me mɛla ne a le ɛhye: Bɛhulo bɛ nwo ngoko ngoko, kɛmɔ mehulo bɛ la.

Dw 15:17

Ɛhye ati, mɔɔ meka meahile bɛ la a le kɛ; bɛhulo bɛ nwo ngoko ngoko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

1 Tɛs 4:9

Ɔngyia kɛ awie kɛhɛlɛ bɛ kɛ anrɛɛ bɛhulo bɛ gɔnwo mɔ diedima, ɔluakɛ Nyamenle ɔdaye yehilehile bɛ kɛ bɛzi bɛhulo bɛ nwo ngoko la.

Kɛlata mɔɔ bɛhɛlɛle bɛhɔmanle Hibuluma la 13:1

Bɛhɔ zo bɛhulo bɛ nwo ngoko ngoko kɛ mediema mɔɔ nee Kelaese a lua la.

1 Pit 4:8

Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.

2 Pit 1:7

bɛva mediema ɛyɛlɛ bɛboka bɛ nyamenlezonlenlɛ nwo na bɛva ɛhulolɛ bɛboka bɛ mediema ɛyɛlɛ nwo.

1 Dw 3:11

Nrɛlaleɛ mɔɔ mɔlebɛbo ne ala bɛdele la a le ɛhye: ɔwɔ kɛ yɛkulo yɛ nwo ngoko ngoko.

1 Dw 3:23

Ye mɛla ne a le kɛ yɛlie ɔ Ra Gyisɛse Kelaese yɛli na yɛhulo yɛ nwo ngoko ngoko, kɛmɔ Kelaese ɔdaye ɔzele yɛ la.

1 Dw 4:20

Saa awie ka kɛ, “Mekulo Nyamenle”, na ɔkpɔ ɔ diema a, ɛnee ɔle adalɛ, ɔluakɛ awie mɔɔ ɛngulo ɔ diema mɔɔ ɔ nye dua ye la ɛnrɛhola ɛnrɛhulo Nyamenle mɔɔ ɔtɛnwunle ye ɛlɛ la.

2 Dw 1:1

Kɛlata ɛhye vi medame Nrenya Kpanyinli ne ɛkɛ. Melɛ mekamaa Raalɛkpa ne nee ɔ mra ne mɔ. Mekulo bɛ nɔhalɛ nu kpole kpalɛ. Tɛ me ngome a mekulo bɛ a, awie biala mɔɔ ze nɔhalɛ ne la kulo bɛ,