2 Dw 1:4 - BAEBOLO ANZƐƐ BULUKU NWUANZANWUANZA

⁴ Ɔyɛle me fɛ kpole kɛ menwunle kɛ ɛ mra ne mɔ bie mɔ li nɔhalɛ ne anzi, kɛmɔ Nyamenle Selɛ ne zele yɛ la.

2 Dw 1:4 ပူးပေါင်းရင်းမြစ်များ

Hozia Buluku ne 14:9

Bɛdabɛ mɔɔ bɛze nrɛlɛbɛ la, bɛde edwɛkɛ ɛhye mɔ abo; bɛdabɛ mɔɔ bɛlɛ deɛnwunlɛ la, bɛnwu ninyɛne ɛhye mɔ. Ɔluakɛ Ɛdɛnkɛma ndenle ne mɔ le fɔɔnwo, tenlenema fa bɔ bɛ ɛbɛla, yɛɛ ɛtanevolɛma tu nwolɛ koti.

Malakae Buluku ne 2:6

Ye ngilehilelɛ le fɔɔnwo yɛɛ yeambɔ adalɛ biala. Ɔ nee me luale anzonudwolɛ nu na ɔbɔle ɛbɛla mɔɔ tenrɛ la, na ɔmanle menli dɔɔnwo gyakyile ɛtaneyɛlɛ.

1 Kɔl 13:6

ɛhulolɛ anye ɛnlie ninyɛndane nwo, ɔdi fɛlɛko wɔ mɔɔ le nɔhalɛ la anwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:14

Na menwunle kɛ bɛnlua nɔhalɛ adenle ne azo, kɛmɔ Edwɛkpa ne kile la, menzele Pita wɔ bɛ kɔsɔɔti bɛ nyunlu ɛkɛ ne kɛ, “Ɛle Dwuunli, noko wɔ ɛbɛla ne ɛngile kɛ ɛle Dwuunli. Na duzu ati a akee ɛkpondɛ kɛ bɛmɛ mɔɔ bɛnle Dwuuma la bɛkakyi bɛyɛ Dwuuma mgbemgbene nu ɛ?”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:8

Dɛba ne ɛnee bɛwɔ awozinli nu, na ɛnɛ bɛyɛ Awulae menli; ɛhye ati bɛwɔ wienyi nu. Ɔwɔ kɛ bɛbɔ bɛ ɛbɛla kɛ menli mɔɔ wɔ wienyi nu la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:10

Medi fɛlɛko kpole wɔ Awulae ati kɛ mekɛ tendenle ye anzi, eza bɛnyia adenle bɛlɛkile kɛ bɛdwenle me nwo a. Menga kɛ bɛgyakyi me nwo ɛdwenlenlɛ, na ɛnee bɛnnyia adenle.

1 Dw 2:6

Ɔwɔ kɛ awie biala mɔɔ nee Nyamenle le agɔnwolɛ la bɔ ye ɛbɛla kɛ Kelaese ɛdeɛ ne la.