2 Dw 1:3 - BAEBOLO ANZƐƐ BULUKU NWUANZANWUANZA

³ Nyamenle Selɛ ne nee Gyisɛse Kelaese, Selɛ ne Ara ne, ɛlo yɛ, ɛnwu yɛ anwunvɔne, na ɔmaa yɛ nzo nu ɛdwo yɛ dahuu wɔ nɔhalɛ nee ɛhulolɛ nu.

2 Dw 1:3 ပူးပေါင်းရင်းမြစ်များ

Zɛkalaya Buluku ne 8:19

“Medame Tumivolɛ Ɛdɛnkɛma mese: Ɛhɔne ne mɔɔ bɛkye ye siane nna ne, siane nnu ne, siane nsuu ne yɛɛ siane bulu ne mɔ anu la bayɛ anyelielɛ nee fɛlɛkolilɛ mekɛ amaa Dwudama na bɛado ɛkponle anyelielɛ nu. Yemɔti bɛhulo nɔhalɛ nee anzonudwolɛ.”

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

1 Tem 1:14

Awulae noko lole me totohyia, na ɔmanle me diedi nee ɛhulolɛ mɔɔ le yɛ ɛdeɛ la wɔ Kelaese Gyisɛse ati.

1 Tem 1:2

Mefa meahɔmaa Temɔte, mɔɔ le me ra kpalɛ wɔ diedi ne anu la. Nyamenle Selɛ ne nee Kelaese Gyisɛse yɛ Awulae ne ɛlo wɔ, ɛnwu wɔ anwunvɔne na ɔmaa wɔ anzonudwolɛ.

2 Tem 1:13

Sɔ nɔhalɛ ne mɔɔ ɛdele ɛvile me ɛkɛ ne la anu boɛ, fa yɛ ndonwo di zo, na tɛnla diedi nee ɛhulolɛ ne mɔɔ Kelaese Gyisɛse ati ɔle yɛ ɛdeɛ la anu.

1 Dw 4:10

Ɛhulolɛ kɛ de la ɛne: tɛ yɛmɛ a yɛhulole Nyamenle a, yemɔ a ɔhulole yɛ na ɔzoanle ɔ Ra ne kɛ ɔrayɛ yɛ ɛtane ne mɔ anwo mgbɔdalɛdeɛ, amaa ɔlua ɔ nwo zo bɛava yɛ ɛtane ne mɔ bɛahyɛ yɛ.

2 Dw 1:1

Kɛlata ɛhye vi medame Nrenya Kpanyinli ne ɛkɛ. Melɛ mekamaa Raalɛkpa ne nee ɔ mra ne mɔ. Mekulo bɛ nɔhalɛ nu kpole kpalɛ. Tɛ me ngome a mekulo bɛ a, awie biala mɔɔ ze nɔhalɛ ne la kulo bɛ,