2 Arl 7:4 - BAEBOLO ANZƐƐ BULUKU NWUANZANWUANZA

⁴ Saa yɛse kɛ yɛkɔ suakpole ne azo lɔ a, ɛhɔne wɔ lɔ, yɛbawu; yɛɛ saa yɛde ɛke noko a ewule ko ne ala ɔ. Zɔhane ati bɛmaa yɛhɔ Selea ɛlɔnema ne azokoɛleɛ lɔ. Saa bɛnwu yɛ anwunvɔne a, yɛ ti ngoane ɔ, saa bɛku yɛ noko a, ɔ muala wie ewule ko ne ala.”

2 Arl 7:4 ပူးပေါင်းရင်းမြစ်များ

2 Sam 14:14

Ɔwɔ nuhua kɛ yɛ muala yɛbawu. Yɛle kɛ nzule mɔɔ ɛbɔ ɛkponde azɛlɛ nwo la, ɛsa ye bieko a ɔnyɛ boɛ. Nyamenle ɛngu sonla, na ɔfa adenle bie azo ɔmaa sonla mɔɔ ɔdaye Nyamenle yevoa ye la ɛnga ye sonlamgbane nu. Sonla mɔɔ ɛva sulosulo ɛdɔ ɛbɔ nu la noko, belemgbunli kola maa ɔsia ɔba sua nu bieko.

2 Arl 6:24

Nzinlii mɔɔ mekɛ guale nu ekyii la, Selea belemgbunli Bɛneheedade boɔboale ye ɛlɔnema amuala anloa na ɔhɔtetale Samɛlea. Ɔvale ye ɛlɔnema ne ɔnwinwinle Samɛlea mɔɔ ɛnee awie biala ɛnnyia adenle ɛnvi suakpole ne azo ɛnvinde yɛɛ awie ɛngɔ zolɛ.

2 Arl 7:5

Yemɔti mɔɔ maanle nu ɛlɛdudu la bɛdwazole kɛ bɛkɔ Seleama azokoɛleɛ ne. Bɛhɔdwule ɛkɛ ne la bɛnwunle kɛ awie biala ɛnle ɛkɛ.

1 Edk 12:19

Mekɛ bie Devidi nee ye ɛlɔnema hɔle kɛ bɛkaboa Filisitiama bɛamaa bɛaho bɛatia Sɔɔlo. Ɛlɔnema vi Manasɛ abusua ekpunli ne anu rale Devidi afoa. Noko akee Filisitiama ammaa Devidi amboa bɛ, ɔluakɛ Filisitia arelemgbunli zulole na bɛnyianle adwenle kɛ, “Ɔkɛbɔ yɛ tɔ! Sonla ɛyeka, ɛhyema ɛnee yezia yehɔ ɔ menle Sɔɔlo anwo lɔ.” Ɛhye ati bɛanlie ye.

Ɛseta Buluku ne 4:16

“Kɔ na kɔboɔboa Dwuuma mɔɔ wɔ Susa ɛke la amuala anloa, maa bɛhye ɛhɔne na bɛzɛlɛ bɛmaa me. Bɛmmadi debie biala yɛɛ bɛmmano nzule toonwo kenle nsa. Me nee me sonvolɛ mraalɛ ne mɔ yɛdayɛ yɛbayɛ zɔhane ala. Ɛhye anzi, mebahɔ belemgbunli ɛkɛ. Ɛhye tia mɛla ne bɔbɔ ɛdeɛ, noko saa ɔlua ɛhye ati na ɔwɔ kɛ mewu a, menwɔwu.”

Gyɛlɛmaya Buluku ne 14:18

Saa mebɔ me ti ɛbɔkunlu a, konle nu avunli ngome; meba suakpole ne azo a, ɛhɔne ɛlɛku menli ne agua bɛ lɔ. Nyamenle kpɔmanvolɛma nee sɛlɛvolɛma ɛlɛyɛ bɛ gyima, noko bɛnze mɔɔ bɛlɛyɛ la.”

Gyɛlɛmaya Buluku ne 8:14

Nyamenle menli ne bizale kɛ, “Duzu ati a yɛtɛte ɛke a? Bɛdwazo bɛmaa yɛhɔ azuamgbole ne mɔ mɔɔ bɛbɔ nwolɛ bane la azo yɛhɔwu yɛgua ɛkɛ. Ɛdɛnkɛma yɛ Nyamenle ne ɛbua yɛ ewule fɔlɛ kɛ yɛwu; yemaa yɛ pɔezen nzule kɛ yɛnlo, ɔboalekɛ yɛyɛ ɛtane yɛtia ye.

Dwona Buluku ne 3:9

Awie ɛnze; bie a ɛnee Nyamenle ɛnwu yɛ anwunvɔne, yehakyi ye adwenle na yegyakyi ye ɛya kpole ne, amaa yɛanwu.”

Kɛlata mɔɔ bɛhɛlɛle bɛhɔmanle Hibuluma la 9:27

Bɛhyehyɛ bɛmaa sonla biala kɛ ɔwu kokye, na ewule ne anzi Nyamenle abua ye ndɛne.