2 Arl 7:3 - BAEBOLO ANZƐƐ BULUKU NWUANZANWUANZA

³ Menli nna bie mɔɔ kokobɛ ɛdila bɛ la ɛnee de Samɛlea suakpole ne anuhɔlɛ kpole ne anzi. Na bɛhanle bɛhilele bɛ nwo ngoko kɛ, “Duzu ati a yɛtɛnla ɛke dedee yɛawu ɛ?

2 Arl 7:3 ပူးပေါင်းရင်းမြစ်များ

2 Arl 5:1

Nrenya bie, bɛfɛlɛ ye Neeman; ɔle safohyenle kpanyinli mɔɔ nea Selea ɛlɔnema ne anwo zo a. Selea belemgbunli ne bu ye kpalɛ eza ɔkulo ye edwɛkɛ, ɔboalekɛ ɔlua Neeman anwo zo Ɛdɛnkɛma ɛmaa Seleama ɛli Yizilayɛma anwo zo konim. Neeman le katakyie, noko ɔle kokobɛvolɛ.

2 Arl 7:4

Saa yɛse kɛ yɛkɔ suakpole ne azo lɔ a, ɛhɔne wɔ lɔ, yɛbawu; yɛɛ saa yɛde ɛke noko a ewule ko ne ala ɔ. Zɔhane ati bɛmaa yɛhɔ Selea ɛlɔnema ne azokoɛleɛ lɔ. Saa bɛnwu yɛ anwunvɔne a, yɛ ti ngoane ɔ, saa bɛku yɛ noko a, ɔ muala wie ewule ko ne ala.”

2 Arl 8:4

Mekɛ ne anu ɛnee belemgbunli nee Yilaehya sonvolɛ Gɛheezae ɛlɛdi adwelie na yebiza ye kɛ, “Ka ninyɛne mgbole mɔɔ Yilaehya ɛyɛ la amuala kile me.”

Gyɛlɛmaya Buluku ne 27:13

Duzu ati a ɛtɛnla ɛkɛ ne wɔamaa konle, ɛhɔne, yɛɛ ewulenzane azɛkye wɔ nee wɔ menli ne, kɛmɔ Ɛdɛnkɛma ɛha mɔɔ fane maanle mɔɔ anzonle Babelonia belemgbunli ne la anwo la ɛ?

Gyɛlɛmaya Buluku ne 8:14

Nyamenle menli ne bizale kɛ, “Duzu ati a yɛtɛte ɛke a? Bɛdwazo bɛmaa yɛhɔ azuamgbole ne mɔ mɔɔ bɛbɔ nwolɛ bane la azo yɛhɔwu yɛgua ɛkɛ. Ɛdɛnkɛma yɛ Nyamenle ne ɛbua yɛ ewule fɔlɛ kɛ yɛwu; yemaa yɛ pɔezen nzule kɛ yɛnlo, ɔboalekɛ yɛyɛ ɛtane yɛtia ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:10

Na mɔɔ amungu ne hwenle ɔ nwo vile Ndanlɛ Sua ne anu la, ɛnee nwonane nu ewule ɛzulolɛ bie ɛdila Meleam ɛmaa ɔ nwo ɛyɛ nwohyee kɛ ezukɔtweaba. Aalɔn dole ɔ nye nleanle Meleam, na ɔnwunle kɛ nwonane nu ewule ɛzulolɛ bie ɛdila ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:14

Na Ɛdɛnkɛma zele Mosisi kɛ, “Saa ɔ ze a dole nyɛlɛ ɔ nyunlu a, anrɛɛ ye anyiemgba ɛnrɛdoa ye toonwo kenle nsuu ɔ? Bɛye ye azokoɛleɛ ɛkɛ bɛmaa ɔdɛnla kandiba nehane kenle nsuu; kenle nsuu ne dwu a, bɛmaa ɔrɛla azokoɛleɛ ne bieko.”