2 Arl 7:2 - BAEBOLO ANZƐƐ BULUKU NWUANZANWUANZA

² Na belemgbunli sonvolɛ ne mɔɔ nee ye lua la zele Yilaehya kɛ, “Ɛhye, yemɔ tafela. Saa Ɛdɛnkɛma mumua ne tukuedukue anwuma nvɛnzɛlɛ bɔbɔ a, ɔnrɛzi zɔhane ɛlɛ.” Yilaehya buale kɛ, “Ɛ nye banwu ye na ɛnrɛli bie.”

2 Arl 7:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:11

Nowa lile ɛvolɛ ɛya nsia la, ye siane ne mɔɔ tɔ zolɛ nwiɔ na ye kenle bulu nee nsuu ne azo, azule mgbole mɔɔ deda azɛlɛ ye azo la nee azɛlɛ ye abo nzule ne mɔ amuala gulule nu dukuele; na anwuma ezule noko dukuele,

2 Arl 5:18

Na ɛhye yɛɛ mesɛlɛ Ɛdɛnkɛma a, saa me nee me belemgbunli ne yɛkɔ Selea bozonle Rileemɔn amonle sua ne anu na mebɔ me ti aze mesonle ye bie a, ɔva ɔhyɛ me.”

2 Edk 20:20

Bɛdwazole ndɛndɛ wɔ aleɛbahye ne ala na bɛhɔle Tɛkowa fienemgbole ne anu. Mɔɔ bɛkɔ la, Belemgbunli Gyɛhɔhyafate ragyinlanle adenle ne anloa na ɔzele bɛ kɛ, “Dwudama nee Gyɛlusalɛmma, bɛdie me! Bɛlie Ɛdɛnkɛma bɛ Nyamenle ne bɛli, na bɛbali konim. Bɛlie Nyamenle kpɔmanvolɛma ne bɛli, na bɛbaho bɛadɔ zolɛ.”

Edwɛndolɛ Buluku ne 78:41

Bɛzɔle ye bɛnleanle fane dɔɔnwo, na bɛhanle Yizilayɛ Nwuanzanwuanza Ko ne ɛya.

Ayezaya Buluku ne 7:9

Yizilayɛ ati zɔ Samɛlea yɛɛ Samɛlea ati zɔ Belemgbunli Pikaa. “Maa Belemgbunli Ehaze ɛde ɔ bo kɛ saa ye diedi gyi kpundii ɛdeɛ a ɛnee ɔdaye ɔgyi kpundii.”

Gyɛlɛmaya Buluku ne 29:32

medame Ɛdɛnkɛma, mebadea Nihɛlamenli Hyɛmaya nee ɔ bo zo amra. Ɔ nwo sonla ɛnrɛdɛnla aze na ɔ nye anwu kɛ mebazi meamaa me menli ne akpazi la, ɔboalekɛ yeha yehile menli ne kɛ bɛde me nwo atua. Medame Ɛdɛnkɛma a mese a.’ ”

Malakae Buluku ne 3:10

Ɛkpɔ ne mɔ mɔɔ le me ɛdeɛ la, bɛva bɛ kɔsɔɔti bɛrɛla bɛragua ɛleka mɔɔ mesie me ninyɛne ne la, amaa aleɛ ara me sua nu. Bɛzɔ me bɛnlea wɔ ɛhye anwo na bɛnlea saa menrɛbuke anwuma nlenkɛ menrɛgua nwolɛ menrɛmaa bɛnrɛnyia nyilalɛ dɔɔnwo a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:13

Nienwu yɛɛ mekanyia nane meamaa menli ɛhye mɔ a? Ɔluakɛ bɛsu bɛka bɛkile me kɛ memaa bɛ nane bɛli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:19

Nyamenle ɛnle kɛ sonla na yeabɔ adalɛ, Ɔnle kɛ dasanli mɔɔ yɛ na yeavu ɔ nwo. Ye ɛwɔkɛ biala, ɔdi zo; Ɔka, na ɔyɛ zɔ.

Wulo 3:3

Na saa yera kɛ menli ne bie mɔ anli nɔhalɛ a, ɛnee ɔkile kɛ Nyamenle ɔdaye ɔnrɛli nɔhalɛ ɔ?

Mɛla 3:27

Kɔ Boka Pesega azo na to ɛ nye adɔleɛ, ɛbɔ nu, nyevile nu, nee aduduleɛ na nea ye kpalɛ, ɔluakɛ ɛ gyakɛ ba ɛnrɛtia Dwɔdan ne anzi lɔ.

2 Tem 2:13

Saa yɛnli nɔhalɛ a, yemɔ, ɔdi nɔhalɛ dahuu. Ɔluakɛ ɔngola ɔmbɛlɛbɛla ɔ nwo.”