2 Arl 5:3 - BAEBOLO ANZƐƐ BULUKU NWUANZANWUANZA

³ Kenle ko kakula bɛlɛra ne zele ɔ menle raalɛ ne kɛ, “Saa me menle kɛhɔ Nyamenle kpɔmanvolɛ ne mɔɔ wɔ Samɛlea la anwo lɔ a, anrɛɛ ɔbayɛ ye kokobɛ ne ayile.”

2 Arl 5:3 ပူးပေါင်းရင်းမြစ်များ

2 Arl 5:2

Bɛ nee Yizilayɛma konle konle ne mɔ ko anu, Seleama hɔle Yizilayɛma anwo zo na bɛhyele kakula bɛlɛra bie bɛhɔle bɛ maanle nu, na bɛyɛle kɛ ɔzonle Neeman aye ne.

2 Arl 5:4

Neeman dele edwɛkɛ ne la ɔdaye noko ɔhɔle belemgbunli ne ɛkɛ na ɔhɔhanle mɔɔ kakula bɛlɛra ne hanle la, ɔhilele ye.

2 Arl 5:8

Na mɔɔ Nyamenle kpɔmanvolɛ Yilaehya dele edwɛkɛ ne nee kɛ belemgbunli ne zile suosuanle ye tɛladeɛ mɔɔ ɔwula la anu la, ɔzoanle ɔmanle bɛhɔzele ye kɛ, “Na duzu ati yɛɛ wɔsuosua wɔ tɛladeɛ ne anu a? Maa ɔrɛla me nwo ɛke amaa yeanwu kɛ Nyamenle kpɔmanvolɛ wɔ Yizilayɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:29

Na Mosisi bizale ye kɛ, “Ɛtwe me ti nungule ɔ? Me kunlu a anrɛɛ Ɛdɛnkɛma ɛva ye Sunsum ne ɛwula ye menli ne nu yemaa bɛ kɔsɔɔti bɛyɛ Nyamenle kpɔmanvolɛma!”

Edwɛkpa ne kɛmɔ Mateyu hɛlɛle la 11:5

anyenzinliravolɛma nwu debie, abuburama tia, kokobɛvolɛma anwo sa, anzondiliravolɛma te edwɛkɛ, bɛdwazo mɔwuamra bɛba ngoane nu bieko, yɛɛ bɛka Edwɛkpa ne bɛkile ehyianvolɛma.

Ɛzoanvolɛma Gyima ne 26:29

Pɔɔlo buale ye kɛ, “Saa mekɛ ekyi nu o, saa mekɛ tendenle nu o, me nzɛlɛlɛ a le kɛ anrɛɛ Nyamenle amaa ɛdawɔ nee bɛdabɛ mɔɔ bɛlɛtie me ɛnɛ la amuala ayɛ ye sonvolɛma kɛ medame la, mɔɔ nwɔnzɔnwɔnzɔ ye ɛmboka nwolɛ a.”

1 Kɔl 4:8

Bɛ sa ɛdɔ bɛ kunlu! Bɛnyia bɛ nwo bɛwie! Bɛhoane yɛ nwo bɛyɛ arelemgbunli! Me kunlu bɔbɔ a anrɛɛ bɛle arelemgbunli amgba, amaa yɛ nee bɛ ali bɛ mbia ne mɔ.