2 Arl 4:2 - BAEBOLO ANZƐƐ BULUKU NWUANZANWUANZA

² Yilaehya bizale ye kɛ, “Duzu a ɛkpondɛ kɛ meyɛ memaa wɔ a? Duzu a ɛlɛ ye wɔ sua nu a? Ka mɔɔ ɛlɛ ye la kile me.” Kunlanvolɛ raalɛ ne zele ye kɛ, “Menlɛ ɛhwee. Yeha me nwole buakɛ ko.”

2 Arl 4:2 ပူးပေါင်းရင်းမြစ်များ

1 Arl 17:12

Raalɛ kunlanvolɛ ne buale ye kɛ, “Meka Ɛdɛnkɛma wɔ Nyamenle ne kɛ menlɛ kpanwo nretee zɛ wɔ ɛkɛ. Yeha me ɛdɔkɛ ekyi bie wɔ me kpule ne abo yɛɛ nwole ekyi wɔ toba bo. Yemɔ yɛɛ melɛkpondɛ nwolɛ ngeleka kɛyɛ nwiɔ meahɔwuda senle meado na me nee me ra nrenya ne yɛava yɛazɔ yɛ ɛbolɛ a. Saa yɛdi na ɔwie a ɛnee yɛze kɛ yɛ awieleɛ ne ala ɛne; ɛhɔne yɛɛ bahu yɛ a, ɔluakɛ ɛnee yɛnlɛ aleɛ bieko.”

2 Arl 2:9

Mɔɔ bɛpɛle bɛhɔle azule ne anzi lɔ la, Yilaegya akee zele Yilaehya kɛ, “Biza me debie mɔɔ menyɛ memaa wɔ la kolaa na bɛarava me bɛahɔ.” Yilaehya buale kɛ, “Mebodo wɔ, maa menyia wɔ sunsum ne mɔnwo.”

2 Arl 4:3

Yilaehya zele ye kɛ, “Finde kɔ, kɔzɛlɛzɛlɛ mbuakɛ mgbane dɔɔnwo wɔ ɛ gɔnwo mɔ ɛkɛ ne

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:2

Ɛdɛnkɛma bizale ye kɛ, “Duzu a ɛlɛ ye ɛ sa nu la?” Mosisi buale ye kɛ, “Kpɔma ɔ.”

Edwɛkpa ne kɛmɔ Mateyu hɛlɛle la 15:34

Gyisɛse bizale bɛ kɛ, “Kpanwo nyɛ a bɛlɛ a?” Bɛbuale kɛ, “Kpanwo mumua nsuu yɛɛ fɛlɛ ekyi.”

Ɛzoanvolɛma Gyima ne 3:6

Na Pita zele ye kɛ, “Menlɛ ezukoa fee, na mɔɔ melɛ ye la a mefa meamaa wɔ la. Ɔlua Gyisɛse Kelaese mɔɔ vi Nazalɛte la duma nu, mese wɔ kɛ, dwazo tia!”

2 Kɔl 6:10

Saa bɛbɔ yɛ rɛle a, yɛ nye die yɛ nwo dahuu; ɔzɔho kɛ yɛle ehyianvolɛma, noko yɛyɛ menli dɔɔnwo sukoavolɛma; ɔzɔho kɛ yɛnlɛ bie, noko nɔhalɛ, yɛlɛ debie biala.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.