2 Arl 3:3 - BAEBOLO ANZƐƐ BULUKU NWUANZANWUANZA

³ noko ɔyɛle ɛtane ne mɔɔ Belemgbunli Gyɛlɔbowam mɔɔ ɔ ze a le Nibate la yɛle a ɔmanle Yizilayɛma kɔsɔɔti yɛle ɛtane la bie. Yeandwe ɔ nwo yeanvi nwolɛ.

2 Arl 3:3 ပူးပေါင်းရင်းမြစ်များ

1 Arl 13:33

Yizilayɛ Belemgbunli Gyɛlɔbowam annu ɔ nwo yeangyakyi ye ninyɛndane ne mɔ ɛyɛlɛ. Ɔhɔle zolɛ ɔvale menli gyɛne mɔɔ ɛnvi Livae abusua ekpunli ne anu la ɔyɛle bɛ sɛlɛvolɛma wɔ ɛleka ɛleka mɔɔ ɔyɛle kɛ bɛzonle bɛ nyamenle ne mɔ la. Awie biala mɔɔ kulo la ɔyɛle ye sɛlɛvolɛ.

1 Arl 14:16

Gyɛlɔbowam ɛyɛ ɛtane yemaa Yizilayɛma amuala ɛyɛ ɛtane. Zɔhane ati Ɛdɛnkɛma baye ɔ nye wɔ Yizilayɛma anwo zo.”

1 Arl 14:9

Na wɔmɔ, wɔvo me wɔdɛla menli mɔɔ lumuale lile ebia ne la. Wɔhakyi ɛ nzi wɔzi me bɔkɔɔ na wɔyɛ awozonle nee ananze wɔva wɔha me ɛya kpole.

1 Arl 15:26

Ɔvale ɔ ze agyakɛ, ye ɛbɛla anzɔ Ɛdɛnkɛma anye. Ɔmanle Yizilayɛma yɛle ɛtane ko ne ala mɔɔ ɔ ze manle bɛyɛle la bie.

1 Arl 15:34

Beeyahya ɛbɛla anzɔ Ɛdɛnkɛma anye. Ɔyɛle Gyɛlɔbowam ɛtane ne mɔ mɔɔ ɔyɛle la bie, na ɔmanle Yizilayɛma yɛle ɛtane.

1 Arl 16:31

Ɔ nye liele Nibate ara Gyɛlɔbowam ɛbɛla ɛtane ne mɔ mɔɔ ɔbɔle ɔtiale Ɛdɛnkɛma la anwo na ɔvale ɔ gyakɛ. Ehabe hɔgyale Gyɛzɛbɛle mɔɔ le Saedɛn Belemgbunli Ɛtebeeyale ara raalɛ, na ɔhɔhotole bozonle Beeyale ɔzonlenle ye.

2 Arl 13:11

Ɔdaye noko ɔyɛle ɛtane ɔtiale Ɛdɛnkɛma. Yeandwe ɔ nwo yeanvi Belemgbunli Gyɛlɔbowam nyɛleɛ ɛtane ne mɔ mɔɔ vale Yizilayɛma hɔle munzule nu la anwo.

2 Arl 13:2

Ɔyɛle ɛtane ɔtiale Ɛdɛnkɛma. Ɔvale Nibate ara Gyɛlɔbowam agyakɛ na ɔmanle Yizilayɛma kɔsɔɔti yɛle ɛtane. Yeangyakyi ye ninyɛndane ne ɛyɛlɛ.

2 Arl 13:6

Noko bɛangyakyi ɛtane ne mɔ mɔɔ Gyɛlɔbowam manle Yizilayɛma yɛle la ɛyɛlɛ, na bɛhɔle zolɛ bɛbɔle zɔhane ɛbɛla ne mɔ; yɛɛ bɛ bozonle raalɛ Ahyela ananze ne noko woale Samɛlea.

2 Arl 14:24

Ɔyɛle ɛtane ɔtiale Ɛdɛnkɛma; ɔvale ɔ nlenya Gyɛlɔbowam agyakɛ. Ɔyɛle ninyɛndane ne mɔɔ ɔ nlenya yɛle a ɔmanle Yizilayɛma kɔsɔɔti yɛle ɛtane la bie.

2 Arl 15:18

Ɔyɛle ɛtane ɔtiale Ɛdɛnkɛma. Ɔvale Nibate ara Gyɛlɔbowam agyakɛ, ɔbɔle ye ɛbɛla ɛtane ne mɔɔ manle Yizilayɛma amuala yɛle ɛtane la bie.

2 Arl 15:9

Ɔvale ɔ ze mɔ agyakɛ ɔbɔle ɛbɛla ɛtane ɔtiale Ɛdɛnkɛma. Yeandwe ɔ nwo yeanvi Nibate ara Gyɛlɔbowam ɛbɛla ne mɔɔ ɔbɔle a ɔmanle Yizilayɛma yɛle ɛtane la anwo.

2 Arl 17:21

Mekɛ mɔɔ Ɛdɛnkɛma dele Dwudama vile Yizilayɛma anwo la, Yizilayɛma yɛle Nibate ara Gyɛlɔbowam bɛ belemgbunli. Gyɛlɔbowam manle bɛkpole Ɛdɛnkɛma na ɔmanle bɛyɛle ɛtane kpole kpalɛ.

2 Arl 17:22

Yizilayɛma lile Gyɛlɔbowam anzi na bɛhɔle zolɛ bɛyɛle ɛtane ne mɔ mɔɔ ɔyɛle la bie,

2 Arl 17:23

manle Ɛdɛnkɛma akee zɛkyele bɛ na ɔyele bɛ ɔvile ɔ nye zo, kɛmɔ ɔluale ye sonvolɛ kpɔmanvolɛma anwo zo ɔhakyele bɛ kɛ ɔbayɛ la. Yemɔti bɛhyele Yizilayɛma bie mɔ nuokɛ bɛ nee bɛ hɔle nlɔnu wɔ Aselea. Ɛkɛ ne yɛɛ bɛde kɛkala a.

2 Arl 21:16

Manasɛ hunle menli dɔɔnwo mɔɔ ɛnze nwolɛ bie la ɔmanle Gyɛlusalɛm gua bile ne mɔ azo yɛle mogya ngome. Ɔyɛle ɛhye na eza ɔmanle menli ne zonlenle awozonle, bɛzɔle mmonle, na bɛyɛle ɛtane bɛtiale Ɛdɛnkɛma.

2 Arl 23:15

Belemgbunli Dwosaya manle bɛbubule ɛzonlenlɛ sua bie mɔɔ Belemgbunli Gyɛlɔbowam, Nibate ara ne zile wɔ Bɛtɛle la. Gyɛlɔbowam ɛhye a manle Yizilayɛma kɔsɔɔti yɛle ɛtane la. Dwosaya bubule azukponle ne, ɔbubule ye awolɛ ne mɔ anu na ɔmanle bɛpele ye motomoto. Eza ɔmanle bɛyelale Ahyela ananze ne.