2 Kɔl 9:8 - BAEBOLO ANZƐƐ BULUKU NWUANZANWUANZA

⁸ Nyamenle kola maa bɛ ninyɛne mɔɔ bɛhyia nwolɛ la maa ɔbo zolɛ, amaa dahuu bɛanyia mɔɔ sa bɛ la na bɛava bie bɛayɛ nyele.

2 Kɔl 9:8 ပူးပေါင်းရင်းမြစ်များ

2 Edk 25:9

Amazaya bizale Nyamenle kpɔmanvolɛ ne kɛ, “Ɛnee akee dwɛtɛ fufule kilo apenle nsa ɛya nna ne mɔɔ medua memaa Yizilayɛ ɛlɔnema ne la, kɛ menyɛ ye ɛ?” Nyamenle kpɔmanvolɛ ne zele ye kɛ, “Ɛdɛnkɛma kola maa wɔ ɛhye anwo mɔnwo kɛyɛ nyɛ.”

Edwɛndolɛ Buluku ne 84:11

Ɔluakɛ Ɛdɛnkɛma Nyamenle ne le sɛnzɛne nee enyinlike, ɔdaye a ɔmaa ɛlolɛ nee enililɛ a. Ɛdɛnkɛma ɛnva debie kpalɛ biala ɛnvea bɛdabɛ mɔɔ bɛle tenlenema la.

Mrɛlɛbulɛ Buluku ne 10:22

Ɛdɛnkɛma nyilalɛ maa sonla nyia ɔ nwo, yɛɛ ɔnva nyanelilɛ biala ɔmboka nwolɛ.

Mrɛlɛbulɛ Buluku ne 11:24

Sonla ne bie buke ɔ sa nu fa maa, noko ɔnyia ɔ nwo; bie noko ɛnva ɛhwee ɛmmaa, noko ɔdi ehyia.

Mrɛlɛbulɛ Buluku ne 28:27

Sonla mɔɔ nyia ye a ɔmaa ehyianvolɛma bie la ɛnrɛli ehyia, na mɔɔ ɔnyia ye a ɔfa ɔ nye ɔfea la, menli dɔɔnwo bawa ye amonle.

Mrɛlɛbulɛ Buluku ne 3:9

Fa ɛ nwo amuala di Ɛdɛnkɛma eni, na fa wɔ egyinli nu bɛyɔba mɔɔ lumua la maa ye,

Hagae Buluku ne 2:8

Dwɛtɛ fufule le me ɛdeɛ, yɛɛ ezukoa nvutuke le me ɛdeɛ, medame Tumivolɛ Ɛdɛnkɛma a mese a.

Malakae Buluku ne 3:10

Ɛkpɔ ne mɔ mɔɔ le me ɛdeɛ la, bɛva bɛ kɔsɔɔti bɛrɛla bɛragua ɛleka mɔɔ mesie me ninyɛne ne la, amaa aleɛ ara me sua nu. Bɛzɔ me bɛnlea wɔ ɛhye anwo na bɛnlea saa menrɛbuke anwuma nlenkɛ menrɛgua nwolɛ menrɛmaa bɛnrɛnyia nyilalɛ dɔɔnwo a.

Ɛzoanvolɛma Gyima ne 9:36

Dwɔpa noko, raalɛ bie wɔ ɛkɛ, bɛfɛlɛ ye Tabeta. (Ye duma ne Giliki nu a le Dɔkase.) Ɔle ɛdoavolɛ. Raalɛ ɛhye vale ye mekɛ yɛle ahunlunyele gyima na ɔboale ehyianvolɛma.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

2 Kɔl 13:3

Bɛkɛnwu kɛ amgba Kelaese dua me nwo zo tendɛ. Ɔ nee bɛ bali ye ɛsesebɛ na bɛanwu kɛ ɔnle bɛtɛɛ na ɔlɛ tumi.

2 Kɔl 8:19

Yeanga ye zɔhane, asɔnema ne ɛnlea nu ɛye ye na bɛyɛ ye kɛ ɔ nee yɛ ɛkpɔsa ɛyɛ ɛhulolɛ ɛzonlenlɛ gyima ɛhye, yɛva yɛde Awulae anyunlu, na yɛhile kɛ yɛkulo kɛ yɛboa.

2 Kɔl 8:2

Bɛhɔle sɔnea nu kpole wɔ ndenle dɔɔnwo anu, noko bɛlile fɛlɛko kpole. Ɛnee bɛnlɛ bie suzuamgba ɛdeɛ, noko bɛluale bɛ amaneɛnwunlɛ ne anu bɛvale ninyɛne bɛhyɛle, bɛhilele bɛ atiakunlukɛnlɛma.

2 Kɔl 8:7

Kɛmɔ debie biala anu bɛdi munli, wɔ diedi nu, ɛdendɛlɛ nu, adwenlenubukelɛ nu, bɛ nye mɔɔ ɛkpota bɛ ti anwo kɛ bɛboa, nee ɛhulolɛ mɔɔ bɛlɛ ye wɔ yɛ nwo la, zɔhane ala yɛɛ yɛ nye la kɛ bɛkɛhile bɛ atiakunlukɛnlɛma noko wɔ ɛlolɛ ɛzonlenlɛ ɛhye anu bɛkɛmaa ɔkɛbo zolɛ a.

2 Kɔl 9:11

Wɔ debie biala anu, Nyamenle bamaa bɛanyia bie, amaa bɛ ti akunlu ayɛ kɛnlɛma na menli dɔɔnwo ayɛ Nyamenle mo kɛ ɔlua yɛ nwo zo bɛnyia ahyɛlɛdeɛ bɛvi bɛ ɛkɛ ne a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:20

Anyunlunyia ɛlua asɔne ne nee Kelaese Gyisɛse anwo zo ɛha Nyamenle mɔɔ dua tumi ne mɔɔ yɛ gyima yɛ nu la azo maa ɔbo mɔɔ yɛbiza nee mɔɔ yɛdwenle nwo la azo la, wɔ ɛnɛ nee mekɛ mɔɔ ɛnlɛ awieleɛ! Amen.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:11

Mɔɔ melɛka la ɛngile kɛ me nwo ɛhyele me, ɔluakɛ mezukoa kɛ me kunlu kɛdwo me nwo mekɛ biala wɔ gyinlabelɛ biala mɔɔ mewɔ nu la anu.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

2 Tɛs 2:17

ɛmaa bɛ akɛnrasesebɛ na ɔmaa bɛyɛ se, bɛyɛ nla, bɛha na bɛyɛ mɔɔ le kpalɛ la amuala. la amuala.

2 Tem 2:21

Saa awie twe ɔ nwo fi ninyɛne evinli nwo a, ɔkɛyɛ kɛ ɛyɛba mɔɔ anwo hyia na bɛde nwolɛ bɛmaa Nyamenle, na ɔ nwo ɛra nvasoɛ ɛmaa ɔ menle na bɛziezie ye kɛ bɛfa bɛayɛ gyima kpalɛ la.

2 Tem 3:17

amaa sonla ne mɔɔ sonle Nyamenle la ali munli na bɛaziezie ye bɛamaa yeayɛ gyima kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:14

Maa yɛ menli ne mɔ ɛzukoa ɛyɛ gyima kpalɛ, amaa saa edwɛkɛ bie mɔɔ hyia la si a bɛahola bɛaboa. Ɔnle kɛ bɛbɔ ɛbɛla mɔɔ nvasoɛ biala ɛnle zolɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:8

Edwɛkɛ ɛhye le nɔhalɛ. Mekulo kɛ ɛka edwɛkɛ ɛhye mɔ na ɛsi zo ɛsesebɛ, amaa bɛdabɛ mɔɔ bɛdie Nyamenle bɛdi la anlea zolɛ abɔ ɛbɛla kpalɛ dahuu. Ɔluakɛ ɛhye mɔ le kpalɛ na eza ɔhyia ɔmaa sonla biala.

1 Pit 4:10

Kɛmɔ bɛ muala bɛnea bɛ Nyamenle ahyɛlɛdeɛ ngakyile ne mɔ boɛ la, ko biala ɛva ye ɛdeɛ mɔɔ yenyia ye la ɛkpondɛ ɔ gɔnwo mɔ kpalɛ ɛyɛlɛ.