2 Kɔl 9:7 - BAEBOLO ANZƐƐ BULUKU NWUANZANWUANZA

⁷ Awie biala ɛva mɔɔ yezuzu nwo wɔ ye ahonle nu la ɛmaa. Ɔmmatwenlehwenle ɔ bo aze anzɛɛ ɔyɛ ye kɛ asɛɛ yemia la ati ɔ, ɔluakɛ Nyamenle kulo sonla mɔɔ te ɔ nyunlu kyɛ debie la.

2 Kɔl 9:7 ပူးပေါင်းရင်းမြစ်များ

1 Edk 29:17

Meze kɛ ɛsɔ awie biala ɛnea na ɛ nye die mɔɔ di nɔhalɛ la anwo. Meyeye me ahonle nu, nɔhalɛ nu yɛɛ meva ɛhye mɔ amuala memaa wɔ a, yɛɛ menwu kɛ me menli ye ɛzi ɛva fɛlɛkolilɛ nee anyelielɛ ɛva ninyɛne ɛrabɔ azu ɛmaa wɔ a.

1 Edk 29:9

Menli ne yeyele bɛ ahonle nu vale ninyɛne ne manle Ɛdɛnkɛma na bɛ nye liele kɛ bɛhola bɛyeye ninyɛne dɔɔnwo zɛhae a. Belemgbunli Devidi ɔdaye noko ɔ nye liele kpole kpalɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:2

“Ka kile Yizilayɛma kɛ bɛbɔ azu bɛmaa me. Die awie biala asa anu azubɔdeɛ biala mɔɔ vi ye ahonle nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:5

Awie biala ɛbɔ azu ɛmaa Ɛdɛnkɛma. Awie biala mɔɔ ɔdaye ɔkulo la ɛva azubɔdeɛ ɛrɛlɛ Ɛdɛnkɛma: azubɔdeɛ mɔɔ le kɛ ezukoa nvutuke, dwɛtɛ fufule, yɛɛ kɔbele;

Mrɛlɛbulɛ Buluku ne 11:25

Sonla mɔɔ buke ye ahonle nu fa maa la banyia ɔ nwo, yɛɛ mɔɔ yɛ ahunlunyele la, bɛnwu ye anwunvɔne.

Mrɛlɛbulɛ Buluku ne 22:9

Sonla mɔɔ asa do la banyia nyilalɛ, ɔluakɛ ɔ nee ehyianvolɛma kyɛ ye aleɛ.

Ayezaya Buluku ne 32:5

Bɛnrɛvɛlɛ koasea kɛ ɔle sonla mɔɔ di ɔ nwo eni, yɛɛ bɛnrɛze twondwolondwo kɛ ɔfɛta enililɛ.

Ayezaya Buluku ne 32:8

Na sonla mɔɔ di ɔ nwo eni la dwenle ninyɛne kpalɛ nwo na ɔdi ninyɛne kpalɛ nzi.

Ɛzoanvolɛma Gyima ne 20:35

Mehilehile bɛ wɔ debie biala anu kɛ ɔlua gyima ɛsesebɛ ɛyɛlɛ zo yɛɛ bɛkɛhola bɛkɛboa menli mɔɔ ɛnlɛ anwosesebɛ la a. Bɛhakye Awulae Gyisɛse edwɛkɛ ne mɔɔ ɔhanle la. Ɔse, ‘Nyilalɛ dɔɔnwo wɔ ɛmanlɛ nu tɛla ɛlielɛ.’ ”

Wulo 12:8

Mɔɔ lɛ folɛdulɛ ahyɛlɛdeɛ la ɛva ɛdu ɔ gɔnwo mɔ folɛ. Mɔɔ ɔwɔ kɛ asa dwu awie mɔ anwo zo la, ɛyeye ɔ kunlu ɛyɛ. Mɔɔ yɛ ahunlunyele gyima la, ɔwɔ kɛ yɛ ye anyelielɛ nu; yɛɛ mɔɔ lɛ moalɛ la ɛva fɛlɛkolilɛ ɛboa.

2 Kɔl 8:12

Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.

Mɛla 15:14

Ɔwɔ kɛ bɛnea bɛ mboane ne mɔ anu, bɛ ma ɛzielɛ ɛleka ne nee bɛ nwanye sua ne anu, na bɛmaa ye ninyɛne ala mɔɔ sɔ ɛnyelɛ la. Kɛmɔ Ɛdɛnkɛma wɔ Nyamenle ne zile lole wɔ la, zɔhane ala yɛɛ ɔwɔ kɛ ɛyɛ ɛmaa ɔdaye noko a.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:14

Noko menrɛhulo kɛ menwɔyɛ debie mɔɔ ɛnze nu la wɔ ɛhye anwo, amaa yeanyɛ kɛ asɛɛ wɔ moalɛ ne ɛyɛ mialeranu debie; mekulo kɛ ɛdawɔ ɛfa wɔ ɛhulolɛ ɛyɛ.

Gyemise Kɛlata ne 5:9

Mediema, bɛmmatendɛ bɛ gɔnwo mɔ bɛ nzo abo, amaa bɛambua bɛdabɛ noko bɛ ndɛne. Ndɛnebuavolɛ ne ɛbikye, ɔgyi bɛ nlenkɛ ne mɔ anloa.

1 Pit 4:9

Bɛmaa adenle bɛmaa bɛ mediema Kelaese ɛdoavolɛma ɛwolo bɛ mɔɔ adendɛbɛnzoabo biala ɛnle nu a.