2 Kɔl 9:5 - BAEBOLO ANZƐƐ BULUKU NWUANZANWUANZA

⁵ Zɔhane ati medwenle nwolɛ kɛ ɔhyia kɛ metu mediema ɛhye mɔ kɛ bɛlumua me nyunlu wɔ bɛ nwo lɔ, na bɛaboɔboa ahyɛlɛdeɛ ne mɔ mɔɔ bɛvale bɛbɔle ɛwɔkɛ la anloa bɛado ɛkɛ, amaa saa meba a yeanyɛ kɛ asɛɛ awie yɛɛ ɛhye bɛ mialeranu kɛ bɛyɛ a, na bɛdabɛ bɛkulo kɛ bɛboa la ati ɔ.

2 Kɔl 9:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 33:11

Mebodo mesɛlɛ wɔ, die me ahyɛlɛdeɛ ne mɔɔ meva merɛlɛ wɔ la, ɔboalekɛ Nyamenle ɛlo me kpole, yɛɛ mɔɔ melɛ la zonle.” Gyekɔbo hanle toonwo manle Yisɔ liele ahyɛlɛdeɛ ne.

2 Arl 5:15

Yemɔti ɔziale ɔrale Yilaehya ɛkɛ ne na ɔhanle kɛ, “Kɛkala, akee menwu kɛ Nyamenle ɛnle ɛleka biala kɛ Yizilayɛ ala; zɔhane ati, yɛmenle, die me sa nu ahyɛlɛdeɛ.”

1 Kɔl 16:2

Molɛ biala, bɛ nuhua ko biala ɛde ezukoa mɔɔ yenyia ye dapɛne ne anu la bie ɛdo ahane, na bɛva bɛzie, amaa saa meba a yeangyia kɛ bɛkɛwowɔ ezukoa.

2 Kɔl 8:6

Zɔhane ati yɛzɛlɛ Taetɛse mɔɔ lumuale bɔle gyima ɛhye abo la kɛ ɔrazɔ zolɛ wɔ bɛ nwo lɔ na ɔboa bɛ ɔmaa bɛwie ɛhulolɛ ɛzonlenlɛ ɛhye.

2 Kɔl 9:3

Kɛkala melɛsoa mediema ɛhye mɔ, amaa yɛ nloa anu mɔɔ yɛvale bɛ yɛdule wɔ edwɛkɛ ɛhye anwo la anyɛ mgbane, na kɛmɔ menganle la bɛaboɔboa bɛ nwo pɛneko.

2 Kɔl 9:6

Bɛhakye ɛhye: sonla mɔɔ dua ma ekyi la bu ekyi, yɛɛ mɔɔ dua dɔɔnwo la bu dɔɔnwo.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:17

Tɛ kɛ asɛɛ mekpondɛ nwanle la ati ɔ, na mekpondɛ kɛ mɔɔ bɛyɛ la anwo ba nvasoɛ dɔɔnwo.

Maanlebuvolɛma Buluku ne 1:15

Ɔbuale kɛ, “Maa me ahyɛlɛdeɛ. Kɛmɔ wɔva nyiakɛ azɛlɛ azo resee ne wɔmaa me la ɛnee maa me ɛleka mɔɔ nzule wɔ la.” Na Kalɛbe vale sua ne sɔlɔ nee nyiakɛ nzubula ne mɔ manle ye.

1 Sam 25:27

Mesɛlɛ wɔ, die ahyɛlɛdeɛ ɛhye mɔɔ wɔ sonvolɛ raalɛ ye ɛva ɛrɛlɛ wɔ la, na fa maa wɔ mgbavolɛ mɔɔ li ɛ nzi la.

1 Sam 30:26

Devidi ziale hɔle Zekelage la, ɔvale ninyɛne mɔɔ bɛnyianle bɛ wɔ konle ne anu la bie ɔhɔmanle ɔ gɔnwo mɔ Dwuda mgbanyima na ɔzele kɛ, “Ninyɛne mɔɔ yɛnyianle bɛ wɔ Ɛdɛnkɛma kpɔvolɛma ne mɔ lɔ la bɛdabɛ noko bɛ ahyɛlɛdeɛ ɛne.”