2 Kɔl 9:2 - BAEBOLO ANZƐƐ BULUKU NWUANZANWUANZA

² Meze kɛ bɛkulo kɛ bɛboa, yɛɛ meva bɛ medu me nloa anu mehile Masidoneama. Menganle kɛ, “Sumunli ɛkenle ɛvolɛ ne yɛɛ mediema mɔɔ wɔ Akaya (Giliki) maanzinli nu la boɔboale bɛ nwo kɛ bɛboa a.” Zɛhae mɔdenlebɔlɛ ne ɛmaa menli dɔɔnwo ne ala akee anye ɛbolo.

2 Kɔl 9:2 ပူးပေါင်းရင်းမြစ်များ

Ɛzoanvolɛma Gyima ne 18:12

Na mɔɔ bɛvale Galeyo bɛyɛle Wulomu amɛnlado mɔɔ nea Giliki maanzinli ne azo la, Dwuuma ne mɔ yɛle ko na bɛhwenle Pɔɔlo bɛhɔle kɛ ɔli ye edwɛkɛ.

Ɛzoanvolɛma Gyima ne 24:17

“Kɛmɔ menvile Gyɛlusalɛm la ɛvolɛ dɔɔnwo ɛze la ati, mengɔle ɛkɛ ne kɛ melɛ ezukoa nee azubɔlɛ ninyɛne mekamaa me menli ne mɔ.

Wulo 15:26

Ɔluakɛ asɔnema mɔɔ wɔ Masidonea nee Akaya (Giliki maanle nu) la ɛdwenle nwo ɛbɔ kpɔkɛ kɛ bɛkeha bɛ sa aze bɛahɔboa ehyianvolɛma mɔɔ wɔ Nyamenle menli ne anu, wɔ Gyɛlusalɛm la.

1 Kɔl 16:15

Mediema, bɛze kɛ Setɛfanase nee ye sua nu amra a lumuale liele Kelaese lile wɔ Akaya (Giliki maanle nu) a, yɛɛ bɛdu bɛ nwo bɛmaa kɛ bɛkɛzonle Nyamenle menli ne.

2 Kɔl 1:1

Pɔɔlo, mɔɔ Nyamenle ɛhulo ɛyɛ ye Kelaese Gyisɛse ɛzoanvolɛ la, nee yɛ diema Temɔte a ɛlɛkɛlɛ kɛlata ɛhye ahɔmaa Nyamenle menli ne mɔɔ wɔ suakpole Kɔlente azo, nee Nyamenle menli ne amuala mɔɔ wɔ Akaya (Giliki) maanle ne kpokpoti anu la a.

2 Kɔl 7:14

Saa mendule me nloa anu mengilele ye wɔ bɛ nwo a, bɛangua me nyunlu aze. Debie biala anu yɛka nɔhalɛ ne yɛkile bɛ, na ɛhye ati yɛɛ yɛ nloa anu mɔɔ yɛdule yɛhilele Taetɛse la ɛyɛ nɔhalɛ a.

2 Kɔl 7:4

Medie bɛ medi, mefa bɛ metu me nwo! Me nwo tɔ me, yɛɛ wɔ yɛ anwongyelelɛ muala anu medi fɛlɛko kpole.

2 Kɔl 8:10

Me folɛ mɔɔ metu bɛ wɔ edwɛkɛ ɛhye anwo la a le kɛ, ɔle kpalɛ kɛ bɛkɛwie gyima mɔɔ ɛvolɛ ko mɔɔ ɛraze ɛhɔ la anu bɛhulole kɛ bɛkɛyɛ la yɛ kɛkala. Bɛmɛ a bɛlumuale bɛnyianle nwolɛ ɛhulolɛ kɛ bɛkɛyɛ a, yɛɛ bɛdabɛ noko a bɛlumuale bɛbɔle ɔ bo a.

2 Kɔl 8:11

Bɛhɔ zo bɛli gyima ne bɛhɔ awieleɛ, amaa mɔdenle mɔɔ bɛbɔle bɛhyehyɛle la awie kɛnlɛma kɛ bɛvale mɔɔ bɛlɛ ye la bɛwiele gyima ne.

2 Kɔl 8:19

Yeanga ye zɔhane, asɔnema ne ɛnlea nu ɛye ye na bɛyɛ ye kɛ ɔ nee yɛ ɛkpɔsa ɛyɛ ɛhulolɛ ɛzonlenlɛ gyima ɛhye, yɛva yɛde Awulae anyunlu, na yɛhile kɛ yɛkulo kɛ yɛboa.

2 Kɔl 8:24

Zɔhane ati bɛhile bɛ ɛhulolɛ, amaa asɔne ne mɔ ali nwolɛ daselɛ, na bɛanwu kɛ yɛanva bɛ yɛandu yɛ nwo mgbane.

2 Kɔl 8:8

Mengyehyɛ mɛla memmaa bɛ. Melɛ moalɛ mɔɔ awie mɔ anye ɛbolo ɛlɛboa la menea kɛ bɛ ɛhulolɛ si to kɔ la.

1 Tɛs 1:7

Ɛhye ati bɛyɛle ndonwo kpalɛ bɛmanle diedima mɔɔ wɔ Masidonea nee Giliki (Akaya) maanzinli ne mɔ anu la.

Kɛlata mɔɔ bɛhɛlɛle bɛhɔmanle Hibuluma la 10:24

Bɛmaa yɛdwenle yɛkpondɛ adenle mɔɔ yɛdua zolɛ a yɛkɛhulo yɛ nwo ngoko ngoko, na yɛkɛyɛ gyima kpalɛ la.