2 Kɔl 9:15 - BAEBOLO ANZƐƐ BULUKU NWUANZANWUANZA

¹⁵ Bɛmaa yɛyɛ Nyamenle mo wɔ ye nwanwane ahyɛlɛdeɛ ne ati.

2 Kɔl 9:15 ပူးပေါင်းရင်းမြစ်များ

1 Edk 16:35

Bɛmaa yɛha kɛ, “O Nyamenle, yɛ Ngoanedievolɛ, die yɛ; boɔboa yɛ nloa na die yɛ fi maanle maanlema asa anu, amaa yɛayɛ wɔ mo yɛaye wɔ duma nwuanzanwuanza ne ayɛlɛ dahuu.”

1 Edk 16:8

Bɛyɛ Ɛdɛnkɛma mo, bɛbɔ ye duma, bɛha ye nyɛleɛ bɛhile maanle maanle.

Edwɛndolɛ Buluku ne 30:12

amaa me ɛkɛla anyɛ koonwu na yeaye wɔ ayɛlɛ. O Ɛdɛnkɛma me Nyamenle, mebayɛ wɔ mo dahuu.

Edwɛndolɛ Buluku ne 30:4

O bɛmɛ Nyamenle menli, bɛdo edwɛne bɛye Ɛdɛnkɛma ayɛlɛ, na bɛyɛ ye mo.

Edwɛndolɛ Buluku ne 92:1

Ɔle kpalɛ kɛ yɛkɛyɛ Ɛdɛnkɛma mo, yɛkɛdo edwɛne yɛkɛye wɔ duma ayɛlɛ, O Anwuma Anwumanli;

Ayezaya Buluku ne 49:6

“Ɔnyɛ se kɛ ɛkɛyɛ me sonvolɛ, na ɛkɛva Yizilayɛma mɔɔ ɛha la ɛkɛzie bɛ gyinlabelɛ dɛba ne. Mebamaa wɔayɛ maanle maanle ne mɔ kɛnlaneɛ, amaa me ngoanelielɛ ne adwu ewiade ɛleka biala.”

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Edwɛkpa ne kɛmɔ Luku hɛlɛle la 2:38

Ɔdaye noko ɔrale Ɛzonlenlɛ Sua ne anu dɔnehwele ne ala anu ɔrayɛle Awulae mo na ɔhanle kakula ne anwo edwɛkɛ ɔhilele bɛdabɛ mɔɔ bɛ nye la kɛ Nyamenle barakpɔne Gyɛlusalɛm la.

Dw 1:16

Ye ɛlolɛ bebelebe ne ati, yeyila yɛ muala kɔsɔɔti, na ɔyila yɛ dahuu.

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Wulo 5:15

Noko bɛ mu nwiɔ bɛnle ko, ɔluakɛ Nyamenle ɛlolɛ ahyɛlɛdeɛ ne ɛnle kɛ Adam ɛtane ne la. Ɔle nɔhalɛ kɛ sonla ko ne ɛtane ti menli dɔɔnwo wule ɛdeɛ, noko Nyamenle ɛlolɛ ahyɛlɛdeɛ ne mɔɔ ɔlua sonla ko ne, mɔɔ le Gyisɛse Kelaese ɛlolɛ zo ɔfa ɔkyɛ mgbane la wɔ ɛkɛ maa menli somaa.

Wulo 6:23

Ɔluakɛ ɛtane ahatualɛ a le ewule, na Nyamenle ahyɛlɛdeɛ ne mɔɔ ɔfa ɔmaa mgbane la a le ngoane mɔɔ ɛnlɛ awieleɛ wɔ yɛ Awulae Kelaese Gyisɛse ati.

Wulo 8:32

Nea, yeanva ɔ Ra ne yeanyɛ yɛ abokɛ na yeva ye yebɔ azu wɔ yɛ muala yɛ ti! Na saa yeva ɔ Ra ne yemaa wɔ yɛ ti a, ɛnee fane nyɛ yɛɛ akee ɔnrɛva ninyɛne muala ɔnrɛboka ɔ Ra ne anwo ɔnrɛmaa yɛ a?

1 Kɔl 15:57

Na yɛyɛ Nyamenle mo kɛ ɔdua yɛ Awulae Gyisɛse Kelaese anwo zo ɔmaa yɛdi konim a!

2 Kɔl 2:14

Yɛyɛ Nyamenle mo kɛ dahuu ɔfa yɛ kɛ menli mɔɔ Kelaese ɛhye yɛ nuokɛ na ɔfa yɛ ɔto Kelaese konimlilɛ ɛlɔnwɔne, na ɔdua yɛ nwo zo ɔmaa Kelaese anwo edwɛkɛ kpalɛ ne wolowolo ɛleka biala kɛ debie evuanlɛ la.

2 Kɔl 9:11

Wɔ debie biala anu, Nyamenle bamaa bɛanyia bie, amaa bɛ ti akunlu ayɛ kɛnlɛma na menli dɔɔnwo ayɛ Nyamenle mo kɛ ɔlua yɛ nwo zo bɛnyia ahyɛlɛdeɛ bɛvi bɛ ɛkɛ ne a.

2 Kɔl 9:14

Zɔhane ati bɛbava anwolɔlɛ ɛhulolɛ kpalɛ bɛazɛlɛ bɛamaa bɛ wɔ ɛlolɛ molozo ne mɔɔ Nyamenle ɛva ɛlo bɛ la ati.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:20

Bɛlua yɛ Awulae Gyisɛse Kelaese duma nu bɛyɛ Nyamenle Selɛ ne mo dahuu wɔ debie biala anu.

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.

Yekile 4:9

Saa tease abɔdeɛ nna ɛhye mɔ to bɛ anyunlunyia, enililɛ nee moyɛlɛ edwɛne ne maa mɔɔ de aze dahuu na ɔde belemgbunli ebia kpole ne azo la a,