2 Kɔl 8:7 - BAEBOLO ANZƐƐ BULUKU NWUANZANWUANZA

⁷ Kɛmɔ debie biala anu bɛdi munli, wɔ diedi nu, ɛdendɛlɛ nu, adwenlenubukelɛ nu, bɛ nye mɔɔ ɛkpota bɛ ti anwo kɛ bɛboa, nee ɛhulolɛ mɔɔ bɛlɛ ye wɔ yɛ nwo la, zɔhane ala yɛɛ yɛ nye la kɛ bɛkɛhile bɛ atiakunlukɛnlɛma noko wɔ ɛlolɛ ɛzonlenlɛ ɛhye anu bɛkɛmaa ɔkɛbo zolɛ a.

2 Kɔl 8:7 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 25:22

“Sonvolɛ ne mɔɔ bɛmanle ye nzunza apenle nwiɔ la rale na ɔzele kɛ, ‘Yɛmenle, ɛmanle me nzunza apenle nwiɔ. Menyia nwolɛ nvasoɛ apenle nwiɔ na yemɔ ɛne!’

Wulo 15:14

Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko.

1 Kɔl 1:5

Ɔluakɛ Kelaese ati bɛnyia bɛ nwo wɔ ninyɛne kɔsɔɔti anu, bɔbɔ wɔ edwɛkɛ ɛhanlɛ nee adwenle nu amuala.

1 Kɔl 12:13

Zɔhane ala yɛɛ bɛlua Nyamenle Sunsum ne azo bɛzɔne yɛ muala, bɛyɛ yɛ sonlabaka ko, na bɛmaa yɛ muala, Dwuuma nee bɛdabɛ mɔɔ bɛnle Dwuuma, ahanra nee alehelɛ, Nyamenle Sunsum ko ne ala a.

1 Kɔl 12:8

Nyamenle Sunsum ne maa bie ka nrɛlɛbɛ edwɛkɛ, yɛɛ ɔmaa bie adwenle nu buke.

1 Kɔl 13:2

Saa melɛ ahyɛlɛdeɛ mɔɔ mefa metendɛ Nyamenle anloa azo, na saa mebe nwoma nu kpole, mete fealeranu edwɛkɛ muala abo, na melɛ diedi mɔɔ maa mekola metudu awoka, na menlɛ ɛhulolɛ a, menzɔho sonla.

1 Kɔl 13:8

Ɛhulolɛ ɛmbɔ aze ɛlɛ. Nyamenle anloa azo ɛdendɛlɛ ɛdeɛ, ɔbakpa nwo. Ahyɛlɛdeɛ mɔɔ bɛfa bɛtendɛ aneɛ ngakyile ne mɔ la bazi aze, yɛɛ nwoma ɛnwunlɛ mgbole bapɛ nu aze.

1 Kɔl 14:12

Zɔhane ala yɛɛ kɛmɔ bɛ nye ɛbolo kɛ bɛkɛnyia Nyamenle Sunsum nu ahyɛlɛdeɛ ne mɔ bɛkɛdɛla debie biala la, bɛbɔ mɔdenle na bɛnyia ahyɛlɛdeɛ ne mɔ mɔɔ boa maa asɔne ne kɔ ɔ nyunlu la.

1 Kɔl 4:7

Nwane a zele bɛ kɛ bɛle kpalɛ bɛtɛla bɛ gɔnwo mɔ a? Tɛ Nyamenle a manle bɛ mɔɔ bɛlɛ la amuala ɔ? Saa ɔle zɔhane a, ɛnee duzu ati a bie kɛmemaa ɔ nwo zo kɛ asɛɛ mɔɔ ɔlɛ la ɛnle Nyamenle ahyɛlɛdeɛ ɛ?

2 Kɔl 7:7

yɛɛ tɛ ye ɛralɛ ne angome, na ye amaneɛ bɔbɔ mɔɔ ɔrabɔle mɔɔ fane kɛ bɛzile bɛkyekyele ɔ rɛle, bɛ nwo mɔɔ dɔ me, me nwo nyane mɔɔ bɛlɛdi, nee bɛ nye mɔɔ ɛbolo kɛ bɛpepɛ bɛalie me la ɛmaa kɛkala me nye ɛlie kpole kpalɛ.

2 Kɔl 8:6

Zɔhane ati yɛzɛlɛ Taetɛse mɔɔ lumuale bɔle gyima ɛhye abo la kɛ ɔrazɔ zolɛ wɔ bɛ nwo lɔ na ɔboa bɛ ɔmaa bɛwie ɛhulolɛ ɛzonlenlɛ ɛhye.

2 Kɔl 9:14

Zɔhane ati bɛbava anwolɔlɛ ɛhulolɛ kpalɛ bɛazɛlɛ bɛamaa bɛ wɔ ɛlolɛ molozo ne mɔɔ Nyamenle ɛva ɛlo bɛ la ati.

2 Kɔl 9:8

Nyamenle kola maa bɛ ninyɛne mɔɔ bɛhyia nwolɛ la maa ɔbo zolɛ, amaa dahuu bɛanyia mɔɔ sa bɛ la na bɛava bie bɛayɛ nyele.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:29

Bɛmmamaa edwɛkɛ ɛtane fi bɛ nloa anu finde; bɛdendɛ kɛnlɛma mɔɔ maa sonla nyia ngɔzo na ɔnyia mɔɔ ɔkpondɛ la, amaa mɔɔ bɛkɛha la biala azo ara nvasoɛ amaa bɛdabɛ mɔɔ bɛtie la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:11

Bɛzo nɔhalɛ ma kpalɛ ne mɔɔ Gyisɛse Kelaese ala a fa maa la na bɛmaa anyunlunyia nee ayɛlɛyelɛ ɛha Nyamenle.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:9

Mesɛlɛ kɛ Nyamenle ɛdo bɛ ɛhulolɛ nu, ɔmaa bɛ nɔhalɛ adwenle nee ndelebɛbo mɔɔ di munli la,

2 Tɛs 1:3

Mediema, ɔwɔ kɛ yɛyɛ Nyamenle mo dahuu wɔ bɛ ti. Ɔle kpalɛ ɔmaa yɛ kɛ yɛkɛyɛ ye zɔhane, ɔboalekɛ bɛ diedi ɛlɛnyi, yɛɛ bɛ ɛhulolɛ mɔɔ bɛ nuhua ko biala lɛ ye wɔ ɔ gɔnwo mɔ diedima anwo la ɛlɛyɛ kpole.

2 Tem 2:1

Me ra, wɔmɔ maa ɛ nwo ɛyɛ se wɔ ɛlolɛ ne mɔɔ Kelaese Gyisɛse ati ɔle yɛ ɛdeɛ la anu.

Kɛlata mɔɔ bɛhɛlɛle bɛhɔmanle Hibuluma la 12:28

Zɔhane ati, bɛmaa yɛyɛ Nyamenle mo kɛ yemaa yɛ belemgbunlililɛ kpalɛ mɔɔ abo ɛmkpusu ɛlɛ, na yɛva ɛzulolɛ, enililɛ yɛɛ moyɛlɛ yɛzonle ye yɛmaa ɔzɔ ɔ nye,

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

Yekile 3:17

Wɔmɔ ɛse, ‘Mede boɛ, menyia me nwo. Mengyia ɛhwee.’ Ɛnze kɛ ɛyɛ anwunvɔne na ɛ nwo yɛ alɔbɔlɛ. Ɛnlɛ bie, ɛlɛ ɛ nwo zɔ, yɛɛ ɛ nye ɛzi.