2 Kɔl 8:6 - BAEBOLO ANZƐƐ BULUKU NWUANZANWUANZA

⁶ Zɔhane ati yɛzɛlɛ Taetɛse mɔɔ lumuale bɔle gyima ɛhye abo la kɛ ɔrazɔ zolɛ wɔ bɛ nwo lɔ na ɔboa bɛ ɔmaa bɛwie ɛhulolɛ ɛzonlenlɛ ɛhye.

2 Kɔl 8:6 ပူးပေါင်းရင်းမြစ်များ

Ɛzoanvolɛma Gyima ne 24:17

“Kɛmɔ menvile Gyɛlusalɛm la ɛvolɛ dɔɔnwo ɛze la ati, mengɔle ɛkɛ ne kɛ melɛ ezukoa nee azubɔlɛ ninyɛne mekamaa me menli ne mɔ.

Wulo 15:25

Kɛkala, melɛ nwanle bie mekamaa Nyamenle menli ne mɔɔ wɔ Gyɛlusalɛm la.

2 Kɔl 12:18

Menzɛlɛle Taetɛse, na menzoanle ye nee adiema nrenya ko wɔ bɛ nwo lɔ, na ɛnee Taetɛse a rasisile bɛ a? Asoo ɔ nee me yɛ adwenle anyɛ ko, yɛɛ yɛmbɔ yɛ ɛbɛla ko?

2 Kɔl 2:13

Noko me nwo andɛ me kpalɛ biala, ɔluakɛ meannwu me diema Taetɛse wɔ ɛkɛ. Yemɔti me nee ɛkɛ ne amra lile nrɛlaleɛ na mendoale zolɛ mengɔle Masidonea.

2 Kɔl 8:10

Me folɛ mɔɔ metu bɛ wɔ edwɛkɛ ɛhye anwo la a le kɛ, ɔle kpalɛ kɛ bɛkɛwie gyima mɔɔ ɛvolɛ ko mɔɔ ɛraze ɛhɔ la anu bɛhulole kɛ bɛkɛyɛ la yɛ kɛkala. Bɛmɛ a bɛlumuale bɛnyianle nwolɛ ɛhulolɛ kɛ bɛkɛyɛ a, yɛɛ bɛdabɛ noko a bɛlumuale bɛbɔle ɔ bo a.

2 Kɔl 8:19

Yeanga ye zɔhane, asɔnema ne ɛnlea nu ɛye ye na bɛyɛ ye kɛ ɔ nee yɛ ɛkpɔsa ɛyɛ ɛhulolɛ ɛzonlenlɛ gyima ɛhye, yɛva yɛde Awulae anyunlu, na yɛhile kɛ yɛkulo kɛ yɛboa.

2 Kɔl 8:23

Taetɛse ɛdeɛ, ɔle me gɔnwo mɔɔ yɛbɔ nu yɛyɛ gyima yɛboa bɛ a; mediema mɔɔ nee ye ɛlɛba la gyigyi asɔne ne mɔ agyakɛ anu, yɛɛ bɛte Kelaese anyunlu.

2 Kɔl 8:4

bɛtinlinle zo bɛkpale yɛ kyɛlɛ kɛ yɛmaa bɛ adenle yɛmaa bɛboa Nyamenle menli ne mɔɔ wɔ ɛhyianlɛ nu la.

2 Kɔl 9:5

Zɔhane ati medwenle nwolɛ kɛ ɔhyia kɛ metu mediema ɛhye mɔ kɛ bɛlumua me nyunlu wɔ bɛ nwo lɔ, na bɛaboɔboa ahyɛlɛdeɛ ne mɔ mɔɔ bɛvale bɛbɔle ɛwɔkɛ la anloa bɛado ɛkɛ, amaa saa meba a yeanyɛ kɛ asɛɛ awie yɛɛ ɛhye bɛ mialeranu kɛ bɛyɛ a, na bɛdabɛ bɛkulo kɛ bɛboa la ati ɔ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

1 Pit 4:10

Kɛmɔ bɛ muala bɛnea bɛ Nyamenle ahyɛlɛdeɛ ngakyile ne mɔ boɛ la, ko biala ɛva ye ɛdeɛ mɔɔ yenyia ye la ɛkpondɛ ɔ gɔnwo mɔ kpalɛ ɛyɛlɛ.