2 Kɔl 8:5 - BAEBOLO ANZƐƐ BULUKU NWUANZANWUANZA

⁵ Yɛ nye anla fee. Bɛlumuale bɛvale bɛ nwo bɛmanle Awulae, na akee ɔlua Nyamenle ɛhulolɛ zo bɛava bɛ nwo bɛamaa yɛdayɛ noko.

2 Kɔl 8:5 ပူးပေါင်းရင်းမြစ်များ

1 Edk 12:18

Ɛkɛ ne ala Nyamenle Sunsum ne dwule Ameesae mɔɔ le “Abulasa Ne” kpanyinli la anwo zo na ɔzele kɛ, “O Devidi, yɛle wɔ ɛdeɛ, O Gyɛsi ara, yɛ nee wɔ le ko! Anzonudwolɛ ɛha wɔ, anzonudwolɛ ɛha wɔ boavolɛma! Wɔ Nyamenle ne li ɛ nzi.” Akee Devidi liele bɛ na ɔyɛle bɛ ye ɛlɔne nu safohyenlema.

2 Edk 30:12

Nyamenle tumi ne noko yɛle gyima wɔ Dwuda manle menli ne amuala yɛle ko, na bɛyɛle debie biala mɔɔ belemgbunli ne nee ye mgbanyima ne mɔ luale Ɛdɛnkɛma duma nu hanle hilele bɛ la.

2 Edk 30:8

Bɛmmayɛ anzosesebɛ kɛmɔ bɛ ze mɔ yɛle la. Bɛva bɛ nwo bɛmaa Ɛdɛnkɛma na bɛrɛla ye Ɛzonlenlɛ Sua ye mɔɔ yede nwolɛ wɔ melɛ mɔɔ ɛnlɛ awieleɛ la anu, na bɛrazonle Ɛdɛnkɛma bɛ Nyamenle ne, na ye ɛya kpole ne avi bɛ nwo zo.

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Wulo 6:13

Eza ɔnle kɛ bɛtu bɛ sonlabaka ne ɛleka biala bɛmaa ɛtane kɛ bɛva bɛyɛ ninyɛndane biala. Bɛva bɛ nwo bɛmaa Nyamenle kɛ menli mɔɔ bɛye bɛ bɛvi ewule nu bɛra ngoane nu, na bɛdu bɛ nwo ɛleka biala bɛmaa Nyamenle kɛ ɔva ɔyɛ gyima mɔɔ sɔ ɔ nye la.

1 Kɔl 1:1

Pɔɔlo, mɔɔ Nyamenle ɛlua ɔdaye ye ɛhulolɛdeɛ zo ɛvɛlɛ ye kɛ ɔrayɛ Kelaese Gyisɛse ɛzoanvolɛ, nee yɛ diema Sɔsetinɛse a

2 Kɔl 4:5

Yɛmbɔ yɛdayɛ yɛ ngome yɛ nwo nolo; yɛbɔ Gyisɛse Kelaese anwo nolo kɛ ɔle Awulae, yɛɛ Gyisɛse ati yɛmɛ yɛle bɛmɛ bɛ sonvolɛma.

2 Kɔl 8:1

Mediema, yɛkpondɛ kɛ bɛnwu gyima mɔɔ Nyamenle ɛlolɛ ne ɛli wɔ asɔne ne mɔ mɔɔ wɔ Masidonea la anu la.

1 Sam 1:28

Yemɔti medu ye memaa Ɛdɛnkɛma. Mekɛ dodo mɔɔ ɔdi ye wɔ azɛlɛ ye azo la, ɔle Ɛdɛnkɛma ɛdeɛ.” Na ɔyeyɛle Ɛdɛnkɛma wɔ ɛkɛ ne.