2 Kɔl 8:4 - BAEBOLO ANZƐƐ BULUKU NWUANZANWUANZA

⁴ bɛtinlinle zo bɛkpale yɛ kyɛlɛ kɛ yɛmaa bɛ adenle yɛmaa bɛboa Nyamenle menli ne mɔɔ wɔ ɛhyianlɛ nu la.

2 Kɔl 8:4 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:42

Na bɛhakye ɛhye: Awie biala mɔɔ kɛmaa ngakula ngyikyi ɛhye mɔ anu ko nzule fɔlɔdɔdɔ kanrɛlɛ ko bɔbɔ kɛnlo, kɛ ɔle me ɛdoavolɛ la, kɛnyia nwolɛ ahatualɛ somaa!”

Edwɛkpa ne kɛmɔ Mateyu hɛlɛle la 12:50

Awie biala mɔɔ yɛ mɔɔ me Ze mɔɔ wɔ anwuma la kpondɛ la le me diema nrenya, me diema raalɛ, nee me nli.”

Edwɛkpa ne kɛmɔ Mateyu hɛlɛle la 25:40

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛyɛle ɛhye mɔ bɛmanle me mediema ɛhye mɔ mɔɔ anwo ɛngyia la anu bie la, bɛyɛle bɛmanle me.’

Edwɛkpa ne kɛmɔ Maake hɛlɛle la 14:7

Bɛmɛ, bɛ nee ehyianvolɛma de dahuu, yɛɛ mekɛ biala mɔɔ bɛkulo la, bɛkola bɛboa bɛ; na mame, me nee bɛ ɛnrɛdɛnla dahuu.

Ɛzoanvolɛma Gyima ne 11:29

Yemɔti diedima ne bɔle kpɔkɛ kɛ bɛkeha bɛ sa aze na mɔɔ bɛkɛnyia ye la bɛava bɛahɔboa mediema mɔɔ wɔ Dwudiya la.

Ɛzoanvolɛma Gyima ne 16:15

Na ɔmanle bɛzɔnenle ye nee ye sua nu amra amuala, na ɔzele yɛ kɛ, “Saa bɛbu me kɛ melɛ diedi wɔ Awulae anu a, ɛnee bɛ nee me ɛradɛnla me sua nu.” Ɔtinlinle zolɛ na ɔ nee yɛ hɔle.

Ɛzoanvolɛma Gyima ne 24:17

“Kɛmɔ menvile Gyɛlusalɛm la ɛvolɛ dɔɔnwo ɛze la ati, mengɔle ɛkɛ ne kɛ melɛ ezukoa nee azubɔlɛ ninyɛne mekamaa me menli ne mɔ.

Wulo 15:31

Bɛzɛlɛ kɛ Nyamenle kɛlie me kɛvi Dwudiyama ne mɔɔ ɛnlɛ diedi la asa anu, na eza me gyima mɔɔ mekali ye wɔ Gyɛlusalɛm la kɛzɔ Nyamenle menli ne mɔɔ wɔ ɛkɛ ne la anye,

1 Kɔl 16:1

Mɔɔ fane ezukoa ne mɔɔ bɛwowɔ bɛahɔboa Nyamenle menli ne mɔ mɔɔ wɔ Dwudiya maanzinli nu la anwo la, bɛyɛ ye kɛ mɔɔ mengyehyɛle memanle asɔne ne mɔ mɔɔ wɔ Galeehyea maanzinli nu la.

1 Kɔl 16:15

Mediema, bɛze kɛ Setɛfanase nee ye sua nu amra a lumuale liele Kelaese lile wɔ Akaya (Giliki maanle nu) a, yɛɛ bɛdu bɛ nwo bɛmaa kɛ bɛkɛzonle Nyamenle menli ne.

2 Kɔl 9:1

Ɔngyia biala kɛ menwɔhɛlɛ bɛ wɔ moalɛ mɔɔ bɛlɛ bɛkamaa Nyamenle menli ne la anwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:10

Mɔɔ bɛzele yɛ la a le kɛ anrɛɛ yɛhakye na yɛboa mediema mɔɔ le ehyianvolɛma la, na ɛhye a le debie titile mɔɔ me nye bolole nwolɛ kɛ meyɛ a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:10

Zɔhane ati, kenle biala mɔɔ mekɛ kɛra kɛ ɔwɔ kɛ yɛyɛ nyele la, bɛmaa yɛyɛ yɛmaa awie biala, bɔbɔ bɛdabɛ mɔɔ yɛ nee bɛ yɛ muala yɛlɛ diedi ko la.

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.