2 Kɔl 8:23 - BAEBOLO ANZƐƐ BULUKU NWUANZANWUANZA

²³ Taetɛse ɛdeɛ, ɔle me gɔnwo mɔɔ yɛbɔ nu yɛyɛ gyima yɛboa bɛ a; mediema mɔɔ nee ye ɛlɛba la gyigyi asɔne ne mɔ agyakɛ anu, yɛɛ bɛte Kelaese anyunlu.

2 Kɔl 8:23 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 5:10

Zɔhane ala noko yɛɛ Saemɔn agɔnwo mɔ, Gyemise nee Dwɔn, mɔɔ le Zɛbɛdi amra ne mɔ, bɛdabɛ ɛzulolɛ hanle bɛ a. Gyisɛse zele Saemɔn kɛ, “Mmasulo, ɔvi ɛnɛ mɔɔ kɔ la ɛbahye menli wɔamaa Nyamenle.”

Edwɛkpa ne kɛmɔ Luku hɛlɛle la 5:7

Yemɔti bɛdole bɛ sa bɛvɛlɛle bɛ gɔnwo mɔ mɔɔ wɔ ɛlɛne ɛhendeɛ ne anu la kɛ bɛrɛla bɛraboa bɛ. Bɛrale la nlɛne nwiɔ ne yiyile tetɛkɛɛ mɔɔ ɛnee asɛɛ bɛwie sia a.

Dw 13:16

Meka nɔhalɛ meahile bɛ: Akɛlɛ biala ɛnle kpole ɛndɛla ɔ menle; soanvolɛ biala ɛnle kpole ɛndɛla ahenle mɔɔ zoanle ye la,

1 Kɔl 11:7

Ɔnle kɛ nrenya keda ɔ ti zo, ɔluakɛ nrenya da Nyamenle su ne nee ye anyunlunyia ne ali,

2 Kɔl 12:18

Menzɛlɛle Taetɛse, na menzoanle ye nee adiema nrenya ko wɔ bɛ nwo lɔ, na ɛnee Taetɛse a rasisile bɛ a? Asoo ɔ nee me yɛ adwenle anyɛ ko, yɛɛ yɛmbɔ yɛ ɛbɛla ko?

2 Kɔl 7:6

Noko Nyamenle mɔɔ kyekye bɛdabɛ mɔɔ bɛ rɛle ɛbɔ la arɛle la, luale Taetɛse ɛralɛ ne azo kyekyele yɛ rɛle,

2 Kɔl 8:16

Yɛyɛ Nyamenle mo somaa kɛ yemaa Taetɛse noko ɛnyia ɛhulolɛ kɛ yɛdayɛ la, kɛ ɔba yearaboa bɛ a.

2 Kɔl 8:18

Yɛlɛsoa ye nee adiema ne mɔɔ asɔne ne mɔ amuala di ye eni wɔ Edwɛkpa ne nolobɔlɛ nwo la.

2 Kɔl 8:19

Yeanga ye zɔhane, asɔnema ne ɛnlea nu ɛye ye na bɛyɛ ye kɛ ɔ nee yɛ ɛkpɔsa ɛyɛ ɛhulolɛ ɛzonlenlɛ gyima ɛhye, yɛva yɛde Awulae anyunlu, na yɛhile kɛ yɛkulo kɛ yɛboa.

2 Kɔl 8:22

Yemɔti yɛlɛsoa bɛ nee yɛ muala yɛ diema ne mɔɔ mekɛ dɔɔnwo ne ala yɛzɔ ye yɛnlea na yɛnwu kɛ ɔkulo kɛ dahuu ɔboa la bɛ nwo lɔ. Kɛkala yelie bɛ yeli, yɛɛ yenyia ɛhulolɛ kpole kɛ ɔboa.

2 Kɔl 8:6

Zɔhane ati yɛzɛlɛ Taetɛse mɔɔ lumuale bɔle gyima ɛhye abo la kɛ ɔrazɔ zolɛ wɔ bɛ nwo lɔ na ɔboa bɛ ɔmaa bɛwie ɛhulolɛ ɛzonlenlɛ ɛhye.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:25

Medwenle nwo kɛ eza ɔwɔ kɛ mesoa adiema Ɛpafulodaetɛse noko wɔ bɛ nwo nehane, ɔ nee me a yɛdi gyima ye a, yɛɛ yegyinla me nzi yeho kpalɛ kɛ me gɔnwo sogyanli, eza yezonle na yeboa me kɛ ɔle bɛ soanvolɛ wɔ mekɛ mɔɔ mengɔle ɛhyianlɛ nu la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:3

Akee wɔmɔ noko, me boavolɛ kpalɛ, mekpondɛ kɛ ɛboa mraalɛ ɛhye mɔ; ɔluakɛ bɛ nee me nee Kelɛmɛnte nee me gɔnwo mɔ gyimayɛvoma mɔɔ ɛha la amuala, mɔɔ bɛ aluma wɔ Nyamenle ngoane buluku ne anu la a lile Edwɛkpa ne ɛkpondenlɛ nwo gyima a.

Kɔlɔ 1:7

Ɛpafelase a hilehilele bɛ Nyamenle ɛlolɛ ɛhye anwo edwɛkɛ a. Ɔle yɛ diema sonvolɛ kpalɛ kpalɛ mɔɔ sonle Kelaese nɔhalɛ nu a; ɔgyi yɛ gyakɛ anu wɔ lɔ.

1 Tɛs 2:2

Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.

2 Tem 4:10

Dimase ɛhulo kɛkala ewiade ye na yekpo me, yehɔ Tɛsalonaeka. Kelɛsɛnze ɛhɔ Galeehyea, yɛɛ Taetɛse ɛhɔ Dalemeehyea.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:4

Melɛkɛlɛ wɔ, Taetɛse, mɔɔ ɛle me ra kpalɛ la wɔ diedi ne mɔɔ yɛlɛ nu la ati. Egya Nyamenle nee Kelaese Gyisɛse, yɛ Ngoanedievolɛ ne ɛlo wɔ na ɔmaa wɔ anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:17

Yemɔti saa ɛdie ɛto nu kɛ ɛ nee me a lua ɛdeɛ a, ɛnee die ye kɛ ɛkɛlie me ala la.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:24

Zɔhane ala yɛɛ me gɔnwo mɔ gyimayɛvoma Maake, Alesetaakɛse, Dimase, yɛɛ Luku bɛdabɛ bɛbiza wɔ ahye a.

3 Dw 1:8

Ɛhye ati, ɔwɔ kɛ yɛmɛ mɔɔ yɛle Kelaese ɛdoavolɛma la yɛboa menli ɛhye mɔ, amaa yɛ nee bɛ ali nɔhalɛ ne anwo gyima ne mɔɔ bɛlɛdi la.