2 Kɔl 8:21 - BAEBOLO ANZƐƐ BULUKU NWUANZANWUANZA

²¹ Debie titile mɔɔ gyi yɛ nye zo la a le kɛ yɛkɛyɛ mɔɔ tenrɛ wɔ Nyamenle nee menli nyunlu la.

2 Kɔl 8:21 ပူးပေါင်းရင်းမြစ်များ

1 Arl 18:34

Bɛsesale bɛwiele la ɔzele bɛ kɛ bɛza angola nna bieko bɛgua zolɛ. Na amgba bɛyɛle ye zɔhane bieko. Yilaegya eza zele bɛ kɛ, “Bɛyɛ ye zɔhane bieko bɛmaa ɔyɛ nsa.” Na bɛyɛle ye zɔhane.

Mrɛlɛbulɛ Buluku ne 3:4

Ɛhye bamaa wɔazɔ ɛnyelɛ, wɔanyia dumamɔlɛ kpalɛ wɔ menli nee Nyamenle anyunlu.

Edwɛkpa ne kɛmɔ Mateyu hɛlɛle la 23:5

Bɛyɛ bɛ ninyɛne kɔsɔɔti wɔ menli nye zo. Bɛdabɛ bɛnlea kɛ bɛ abɔtile ne mɔ si de mgbole na bɛhɛlɛhɛlɛ Nyamenle Edwɛkɛ wɔ nu, mɔɔ bɛbɔ a ɛnee ɔgua bɛ nwoma azo a; nee bie noko mɔɔ wɔ tabule nu mɔɔ bɛgua ye bɛ sa zo la mgbole kɛ si de la. Eza bɛnlea bɛ adɛladeɛ ne mɔ anloa, kɛ bɛzi bɛyɛ bɛ sosɔkpɔɔ la.

Edwɛkpa ne kɛmɔ Mateyu hɛlɛle la 5:16

Zɔhane ala yɛɛ bɛmaa bɛ ɛbɛla kpalɛ ne ɛyɛ kɛ kɛnlaneɛ na ɔda wɔ menli nu a, amaa bɛanwu bɛ gyima kpalɛ ne mɔɔ bɛyɛ la na bɛaye bɛ Ze mɔɔ wɔ anwuma la ayɛlɛ.

Edwɛkpa ne kɛmɔ Mateyu hɛlɛle la 6:1

“Bɛnlea boɛ na bɛanyɛ bɛ Nyamenle ɛzonlenlɛ gyima ne ɛnyelɛ zo. Saa bɛyɛ ye zɔ a bɛnrɛnyia ahatualɛ wɔ bɛ anwuma Selɛ ne ɛkɛ.

Edwɛkpa ne kɛmɔ Mateyu hɛlɛle la 6:4

amaa bɛ nyɛleɛ kpalɛ ne ayɛ fealera nu debie na bɛ Ze mɔɔ wɔ anwuma mɔɔ nwu fealera nu debie biala la ayila bɛ.

Wulo 12:17

Saa awie yɛ bɛ ɛtane a, bɛmmadi ye nzenralɛ. Bɛbɔ mɔdenle bɛyɛ mɔɔ awie biala nea a ɛnee nwolɛ te la.

Wulo 14:18

Awie biala mɔɔ sonle Kelaese wɔ zɛhae adenle zo la yɛɛ Nyamenle anye die ɔ nwo na ɔsɔ menli nye a.

2 Kɔl 2:17

Yɛmɛ, yɛnle kɛ menli mɔɔ fa Nyamenle edwɛkɛ ne si kongo la, ɔboalekɛ Nyamenle a ɛzoa yɛ a, yɛɛ yɛgyinla ɔ nyunlu yɛtendɛ kɛ Kelaese sonvolɛma.

2 Kɔl 8:20

Yɛlɛbɔ mɔdenle kɛ awie ɛnrɛnyia edwɛkɛ ɛtane biala ɛnrɛha wɔ kɛ yɛsi yɛnea ahyɛlɛdeɛ kɛnlɛma ye azo la.

2 Kɔl 8:22

Yemɔti yɛlɛsoa bɛ nee yɛ muala yɛ diema ne mɔɔ mekɛ dɔɔnwo ne ala yɛzɔ ye yɛnlea na yɛnwu kɛ ɔkulo kɛ dahuu ɔboa la bɛ nwo lɔ. Kɛkala yelie bɛ yeli, yɛɛ yenyia ɛhulolɛ kpole kɛ ɔboa.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

1 Tɛs 5:22

na bɛhyi ɛtane ngakyile biala.

1 Tem 3:7

Ɔwɔ kɛ ɔyɛ sonla mɔɔ bɛdabɛ mɔɔ bɛngɔ asɔne la di ye eni, amaa yeangua ɔ nyunlu aze, yeangɔndɔ Abɔnsam ɛhane nu.

1 Tem 5:14

Zɔhane ati menwɔhulo kɛ ahunlanvolɛ mbɛlɛra ne mɔ kɛhɔ agyalɛ, bɛkɛwo mralɛ, na bɛkɛbu bɛ awuke, amaa yɛ kpɔvolɛma annyia adenle anga edwɛkɛ ɛtane antia yɛ.

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

Wulu 3:14

Yemɔti Wulutu lale ɔ gyakɛ anu ɛkɛ ne na ɔdwazole nwonlomɔ mangyee ne ala mɔɔ ɛnee maanle nu ɛtɛtetele la kɛ ɔkɔ. Bowaze zele ye kɛ, “Mmamaa awie biala te kɛ raalɛ rale ɛleka mɔɔ bɛkpogya ma ye la.”