2 Kɔl 8:12 - BAEBOLO ANZƐƐ BULUKU NWUANZANWUANZA

¹² Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.

2 Kɔl 8:12 ပူးပေါင်းရင်းမြစ်များ

2 Edk 6:8

Na Ɛdɛnkɛma zele ye kɛ, ‘Ɔle kpalɛ kɛ wɔdwenle nwolɛ kɛ ɛsi sua wɔamaa me a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:2

“Ka kile Yizilayɛma kɛ bɛbɔ azu bɛmaa me. Die awie biala asa anu azubɔdeɛ biala mɔɔ vi ye ahonle nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:24

Awie biala mɔɔ lɛ dwɛtɛ fufule anzɛɛ kɔbele azubɔdeɛ la vale rabɔle azu manle Ɛdɛnkɛma. Awie biala noko mɔɔ lɛ akasea baka mɔɔ bɛfa bɛyɛ gyima ne anwo debie biala a ɔyɛ boɛ la vale rale.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:29

Yizilayɛma kɔsɔɔti, mraalɛ nee mrenya mɔɔ lɛ ɛhulolɛ la yeyele bɛ ahonle nu vale bɛ azubɔdeɛ rɛlɛle Ɛdɛnkɛma manle bɛvale bɛyɛle gyima ne mɔɔ ɔzele Mosisi kɛ ɔyɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:5

Awie biala ɛbɔ azu ɛmaa Ɛdɛnkɛma. Awie biala mɔɔ ɔdaye ɔkulo la ɛva azubɔdeɛ ɛrɛlɛ Ɛdɛnkɛma: azubɔdeɛ mɔɔ le kɛ ezukoa nvutuke, dwɛtɛ fufule, yɛɛ kɔbele;

Mrɛlɛbulɛ Buluku ne 19:22

Debie mɔɔ bɛkpondɛ wɔ sonla ɛkɛ ne la a le nɔhalɛlilɛ; ehyianli le kpalɛ tɛla sonla mɔɔ le adalɛ la.

Edwɛkpa ne kɛmɔ Mateyu hɛlɛle la 25:17

Mɔɔ bɛmanle ye apenle nwiɔ ne la yɛle ye zɔhane ala na ɔnyianle nvasoɛ nzunza apenle nwiɔ wɔ nwolɛ.

Edwɛkpa ne kɛmɔ Mateyu hɛlɛle la 25:22

“Sonvolɛ ne mɔɔ bɛmanle ye nzunza apenle nwiɔ la rale na ɔzele kɛ, ‘Yɛmenle, ɛmanle me nzunza apenle nwiɔ. Menyia nwolɛ nvasoɛ apenle nwiɔ na yemɔ ɛne!’

Edwɛkpa ne kɛmɔ Luku hɛlɛle la 16:10

Sonla biala mɔɔ di nɔhalɛ wɔ debie nretee biala anwo la di nɔhalɛ noko wɔ ninyɛne mgbole nwo, yɛɛ sonla biala mɔɔ le awule wɔ debie nretee nwo la le awule wɔ ninyɛne mgbole nwo.

2 Kɔl 8:11

Bɛhɔ zo bɛli gyima ne bɛhɔ awieleɛ, amaa mɔdenle mɔɔ bɛbɔle bɛhyehyɛle la awie kɛnlɛma kɛ bɛvale mɔɔ bɛlɛ ye la bɛwiele gyima ne.

2 Kɔl 8:13

Menzoa bɛ adesoa kpole memmaa awie mɔ anwo ɛndɔ bɛ; na ɔle kpalɛ kɛ ɛnɛ mɔɔ bɛlɛ ye dɔɔnwo la, bɛkɛboa bɛdabɛ mɔɔ bɛnlɛ bie la, amaa mekɛ mɔɔ bɛdabɛ noko bɛkɛhyia la menli mɔɔ lɛ bie dɔɔnwo la aboa bɛ. Ɔba ye zɛhae a ɛnee moalɛ ne ɛyɛ sɛsɛ.

2 Kɔl 8:19

Yeanga ye zɔhane, asɔnema ne ɛnlea nu ɛye ye na bɛyɛ ye kɛ ɔ nee yɛ ɛkpɔsa ɛyɛ ɛhulolɛ ɛzonlenlɛ gyima ɛhye, yɛva yɛde Awulae anyunlu, na yɛhile kɛ yɛkulo kɛ yɛboa.

2 Kɔl 9:7

Awie biala ɛva mɔɔ yezuzu nwo wɔ ye ahonle nu la ɛmaa. Ɔmmatwenlehwenle ɔ bo aze anzɛɛ ɔyɛ ye kɛ asɛɛ yemia la ati ɔ, ɔluakɛ Nyamenle kulo sonla mɔɔ te ɔ nyunlu kyɛ debie la.

1 Pit 4:10

Kɛmɔ bɛ muala bɛnea bɛ Nyamenle ahyɛlɛdeɛ ngakyile ne mɔ boɛ la, ko biala ɛva ye ɛdeɛ mɔɔ yenyia ye la ɛkpondɛ ɔ gɔnwo mɔ kpalɛ ɛyɛlɛ.