2 Kɔl 8:1 - BAEBOLO ANZƐƐ BULUKU NWUANZANWUANZA

¹ Mediema, yɛkpondɛ kɛ bɛnwu gyima mɔɔ Nyamenle ɛlolɛ ne ɛli wɔ asɔne ne mɔ mɔɔ wɔ Masidonea la anu la.

2 Kɔl 8:1 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 25:22

“Sonvolɛ ne mɔɔ bɛmanle ye nzunza apenle nwiɔ la rale na ɔzele kɛ, ‘Yɛmenle, ɛmanle me nzunza apenle nwiɔ. Menyia nwolɛ nvasoɛ apenle nwiɔ na yemɔ ɛne!’

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 16:9

Nɔe ne Pɔɔlo nwunle ɛnyelɛzodeɛnwunlɛ kɛ nrenya bie vi Masidonea ɛragyinla ɔ nyunlu ɛkɛ ne na ɔlɛkpa ye kyɛlɛ kɛ, “Bɛla Masidonea maanzinli nu na baboa yɛ!”

Ɛzoanvolɛma Gyima ne 24:17

“Kɛmɔ menvile Gyɛlusalɛm la ɛvolɛ dɔɔnwo ɛze la ati, mengɔle ɛkɛ ne kɛ melɛ ezukoa nee azubɔlɛ ninyɛne mekamaa me menli ne mɔ.

Wulo 15:26

Ɔluakɛ asɔnema mɔɔ wɔ Masidonea nee Akaya (Giliki maanle nu) la ɛdwenle nwo ɛbɔ kpɔkɛ kɛ bɛkeha bɛ sa aze bɛahɔboa ehyianvolɛma mɔɔ wɔ Nyamenle menli ne anu, wɔ Gyɛlusalɛm la.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

2 Kɔl 11:9

Mekɛ mɔɔ me nee bɛ de la, saa mekyia a mengyegye bɛ kɛ bɛboa me; mediema mɔɔ vi Masidonea rale la a rɛlɛle me debie biala mɔɔ mengyianle nwolɛ la a. Na kɛmɔ meanyɛ ye dɛba la, zɔhane ala yɛɛ menrɛva kpomgbolo biala menrɛkpolo bɛ kɔme a.

2 Kɔl 9:12

Ɔluakɛ bɛ ɛzonlenlɛ gyima ɛhye ɛmmaa Nyamenle menli ne ɛnnyia mɔɔ bɛkpondɛ la angome, na eza ɔmaa menli buke bɛ ahonle nu yɛ Nyamenle mo.

2 Kɔl 9:2

Meze kɛ bɛkulo kɛ bɛboa, yɛɛ meva bɛ medu me nloa anu mehile Masidoneama. Menganle kɛ, “Sumunli ɛkenle ɛvolɛ ne yɛɛ mediema mɔɔ wɔ Akaya (Giliki) maanzinli nu la boɔboale bɛ nwo kɛ bɛboa a.” Zɛhae mɔdenlebɔlɛ ne ɛmaa menli dɔɔnwo ne ala akee anye ɛbolo.

2 Kɔl 9:4

Yeamba ye zɔ na saa Masidoneama bie mɔ nee me ba na bɛbanwu kɛ bɛtɛboɔboale bɛ nwo a, yɛ nee bɛ yɛ muala yɛ nyunlu bagua aze kpole kɛ yɛvale yɛ nye yɛdole bɛ nwo zo a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Kɔlɔ 1:29

Na ɛhye yɛɛ melɛ anwosesebɛ kpole ne mɔɔ Kelaese fa maa na ɔyɛ gyima ɛsesebɛ wɔ me nu la mepele meyɛ a.

1 Tɛs 4:10

Nɔhalɛ, zɛhae subane ne ala a bɛhile bɛmaa mediema mɔɔ wɔ Masidonea maanzinli nu la amuala a. Yemɔti yɛsɛlɛ bɛ, mediema, bɛyɛ ye zɔhane kpalɛ dahuu.