2 Kɔl 7:9 - BAEBOLO ANZƐƐ BULUKU NWUANZANWUANZA

⁹ Kɛkala ɛdeɛ, medi fɛlɛko, tɛ kɛ membɔle bɛ rɛle la ati ɔ, na kɛ bɛ rɛle ɛbɔlɛ ne manle bɛnlunle bɛ nwo. Nyamenle luale bɛ rɛle ɛbɔlɛ ne azo lile gyima, yemɔti yɛanyɛ bɛ ɛtane.

2 Kɔl 7:9 ပူးပေါင်းရင်းမြစ်များ

Edwɛndolɛ Buluku ne 38:18

Meka me ɛtane meto gua, medi me ɛtane nwo nyane.

Nolo 7:3

Nyanelilɛ le kpalɛ tɛla ɛzelekɛ, ɔluakɛ ɔmaa sonla nyunlu yɛ alɔbɔlɛ ɛdeɛ, noko ɔmaa wɔ ndelebɛbo yɛ kpole.

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Edwɛkpa ne kɛmɔ Mateyu hɛlɛle la 3:8

Bɛbɔ ɛbɛla kpalɛ mɔɔ kile kɛ bɛnlu bɛ nwo la.

Edwɛkpa ne kɛmɔ Luku hɛlɛle la 15:10

Meka meahile bɛ kɛ, zɔhane ala yɛɛ Nyamenle soanvolɛma di fɛlɛko wɔ ɛtanenli ko mɔɔ kɛnlu ɔ nwo la anwo a.”

Edwɛkpa ne kɛmɔ Luku hɛlɛle la 15:32

Noko ɔwɔ kɛ yɛdie yɛ nye na yɛdi fɛlɛko ala, ɔboalekɛ, ɛ diema ye, ɔwule, yɛɛ yezia yera ngoane nu bieko a; ɔminlinle, yɛɛ yɛnwu ye a.’ ”

Edwɛkpa ne kɛmɔ Luku hɛlɛle la 15:7

Meka meahile bɛ kɛ zɔhane ala yɛɛ anyelielɛ kɛra anwuma lɔ wɔ ɛtanevolɛ ko mɔɔ kɛnlu ɔ nwo la anwo kɛdɛla menli abulahɔnla nee ngɔnla mɔɔ di boɛ na bɛngyia anlubɛnwo la a.

Ɛzoanvolɛma Gyima ne 20:21

Mengakyele Dwuuma nee bɛdabɛ mɔɔ bɛnle Dwuuma la amuala kɛ bɛnlu bɛ nwo wɔ bɛ ɛtane ne mɔ mɔɔ bɛyɛ bɛtia Nyamenle la anwo na bɛlie yɛ Awulae Gyisɛse bɛli.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 2:16

ɔbɔ evuanlɛ mɔɔ maa ngoane la ɔmaa bɛdabɛ mɔɔ bɛlɛdie bɛ ngoane la, yɛɛ ɔbɔ nvoanle mɔɔ maa ewule la ɔmaa bɛdabɛ mɔɔ bɛlɛminli la. Na nwane bɔbɔ a kɛhola gyima zɛhae yɛ a?

2 Kɔl 7:8

Na saa me kɛlata ne manle bɛ rɛle bɔle bɔbɔ a, menli nwolɛ nyane kɛ mengɛlɛle a. Noko akee menlile nyane wɔ mekɛ mɔɔ menwunle kɛ kɛlata ne ɛbɔ bɛ rɛle mekɛ ekyi bie la.