2 Kɔl 7:7 - BAEBOLO ANZƐƐ BULUKU NWUANZANWUANZA

⁷ yɛɛ tɛ ye ɛralɛ ne angome, na ye amaneɛ bɔbɔ mɔɔ ɔrabɔle mɔɔ fane kɛ bɛzile bɛkyekyele ɔ rɛle, bɛ nwo mɔɔ dɔ me, me nwo nyane mɔɔ bɛlɛdi, nee bɛ nye mɔɔ ɛbolo kɛ bɛpepɛ bɛalie me la ɛmaa kɛkala me nye ɛlie kpole kpalɛ.

2 Kɔl 7:7 ပူးပေါင်းရင်းမြစ်များ

Edwɛndolɛ Buluku ne 141:5

Maa sonlakpalɛ ɛbo me, ɔle anwunvɔnezelɛ; maa ɔhwi me nyunlu, ɔle nwole wɔ me ti zo, memkpo, ɔluakɛ me nzɛlɛlɛ tia amumuyɛma nyɛleɛ ne mɔ dahuu.

Edwɛndolɛ Buluku ne 30:5

Ɔluakɛ ye ɛyavalɛ ɛngyɛ, yɛɛ ye nyeleyɛlɛ ɛnlɛ awieleɛ. Ɛzunlɛ bahɔ zo aledwolɛ ne, na alehyenlɛ ne fa anyelielɛ ba.

Edwɛndolɛ Buluku ne 38:18

Meka me ɛtane meto gua, medi me ɛtane nwo nyane.

Edwɛndolɛ Buluku ne 51:1

O Nyamenle, nwu me anwunvɔne, kɛmɔ wɔ ɛhulolɛ kpundii ne de la; wɔ anwunvɔnezelɛ kpole ne ati, nunu me mɛladonlɛ ne mɔ.

Edwɛkpa ne kɛmɔ Mateyu hɛlɛle la 26:75

na Pita hakyele edwɛkɛ ne mɔɔ Gyisɛse hanle hilele ye la kɛ, “Mɔɔ akɔlɛ kabɔ la, ɛnee wɔha ye fane nsa kɛ ɛnze me.” Na ɔvindele ɔhɔzunle alɔbɔlɛ ɛzunlɛ.

Edwɛkpa ne kɛmɔ Mateyu hɛlɛle la 5:4

“Nyilalɛ ɛha bɛdabɛ mɔɔ nyane ɛha bɛ la; Nyamenle bakyekye bɛ rɛle!

Edwɛkpa ne kɛmɔ Luku hɛlɛle la 22:44

Ɔvale nyane kpole kpalɛ ɔzɛlɛle ɛsesebɛ ɛsesebɛ, na ɛhɛlɛnra mɔɔ dule ye la le kɛ mogya ndɔkɛ tetele guale aze.]

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Wulo 1:12

Mɔɔ mekpondɛ meaha la a le kɛ, saa yɛ muala yɛyia nu a bɛ diedi bamaa me anwosesebɛ, yɛɛ me diedi bamaa bɛ diedi anyi.

1 Kɔl 5:2

Ɛhye ɛnyɛ bɛ nyiane bɔbɔ? Bɛli nwolɛ nyane na bɛye sonla zɔhane mɔɔ ɛbɔ munzule ɛbɛla ɛhye la wɔ bɛ avinli.

2 Kɔl 1:4

Ɔkyekye yɛ rɛle wɔ amaneɛnwunlɛ kɔsɔɔti anu na yɛdua ye arɛlekyekyelɛ ne azo yɛkyekye bɛdabɛ mɔɔ bɛ nwo ɛhyele bɛ wɔ ndenle ngakyile dɔɔnwo anu la arɛle.

2 Kɔl 2:9

Mengɛlɛle bɛ kɛlata ɛhendeɛ ne, amaa ɔlua zo meanwu kɛ bɛzile bɛgyinlanle sɔnea ne anloa la, na eza meanlea kɛ saa dahuu bɛdi me ngilehilelɛ ne mɔ azo a.

2 Kɔl 5:2

Yɛsu yɛ kunlu, ɔluakɛ yɛkulo kɛ bɛfa yɛ anwuma nwonane sua ne bɛkpolo yɛ wɔ mekɛ mɔɔ yɛwɔ aze ɛke la,

2 Kɔl 7:6

Noko Nyamenle mɔɔ kyekye bɛdabɛ mɔɔ bɛ rɛle ɛbɔ la arɛle la, luale Taetɛse ɛralɛ ne azo kyekyele yɛ rɛle,

2 Kɔl 7:8

Na saa me kɛlata ne manle bɛ rɛle bɔle bɔbɔ a, menli nwolɛ nyane kɛ mengɛlɛle a. Noko akee menlile nyane wɔ mekɛ mɔɔ menwunle kɛ kɛlata ne ɛbɔ bɛ rɛle mekɛ ekyi bie la.

2 Kɔl 8:16

Yɛyɛ Nyamenle mo somaa kɛ yemaa Taetɛse noko ɛnyia ɛhulolɛ kɛ yɛdayɛ la, kɛ ɔba yearaboa bɛ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:20

Mɔɔ hyia me ɛsesebɛ na me nye la la a le kɛ menrɛze me gyima ne anwo nyiane ɛlɛ, na wɔ ewule nu o, ngoane nu o, menwɔnyia akɛnrasesebɛ menwɔva me nwo amuala menwɔli gyima menwɔwula Kelaese anyunlunyia.

Kɔlɔ 2:5

Ɔluakɛ menle bɛ nwo lɔ ɛdeɛ, noko me nee bɛ de wɔ sunsum nu, na ɔyɛ me fɛ kɛ menwu kɛ bɛsi bɛdi bɛ nwo eni nee kɛ bɛ diedi wɔ Kelaese anu si de kpundii la.

1 Tɛs 3:6

Kɛkala, Temɔte vi bɛ nwo lɔ ɛzia ɛra yɛ nwo ɛke, na yeva amaneɛ fɛlɛko mɔɔ fane bɛ diedi nee ɛhulolɛ nwo la yerabɔ yɛ. Yeha yehile yɛ kɛ dahuu bɛdwenle yɛ nwo adwenle kpalɛ, yɛɛ bɛ nwo dɔ yɛ, kɛmɔ yɛdayɛ yɛ nwo dɔ bɛ la.

1 Tɛs 3:8

ɔboalekɛ saa bɛgyinla kpundii wɔ Awulae anu a, ɛnee yɛlɛ ngoane.

Kɛlata mɔɔ bɛhɛlɛle bɛhɔmanle Hibuluma la 2:1

Zɔhane ati ɔwɔ kɛ yɛsɔ nɔhalɛ edwɛkɛ ne mɔɔ yɛde la anu ɛsesebɛ, amaa yɛamminli.

Gyemise Kɛlata ne 5:17

Yilaegya le sonla kɛ yɛdayɛ ala la; noko ɔzɛlɛle kɛ ezule mmatɔ la, ezule andɔ azɛlɛ ye azo dedee ɛvolɛ nsa siane nsia.

2 Dw 1:4

Ɔyɛle me fɛ kpole kɛ menwunle kɛ ɛ mra ne mɔ bie mɔ li nɔhalɛ ne anzi, kɛmɔ Nyamenle Selɛ ne zele yɛ la.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.