2 Kɔl 7:5 - BAEBOLO ANZƐƐ BULUKU NWUANZANWUANZA

⁵ Mɔɔ yɛrale Masidonea la, yɛ nwo andɔ yɛ kpalɛ biala, ɔluakɛ ɛnee ɛleka biala mɔɔ yɛkɛhɔ la yɛyia ngyegyelɛ; gua zo a, konle; sua nu a, ɛzulolɛ ngome.

2 Kɔl 7:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:9

na abubule ne annyia ɛleka andɛnla, ɔluakɛ ɛnee nzule dɔɔnwo tɛbɔ aze. Ɔziale ɔhɔle ɛlɛne ne anwo, na Nowa dendenle ɔ sa hyele ye vale ye hɔle ɛlɛne ne anu.

Dwobu Buluku ne 18:11

“Ɛzulolɛ bɔ ye mgbɔlɔka, na ɔfoa ye ndinlizo.

Ayezaya Buluku ne 33:12

Na menli ne kɔsɔɔti bayela, bɛ mbowule ayɛ nwohyee kɛ kalo. Bɛbayɛ kɛ mbowule mɔɔ bɛpɛ bɛgua senle nu la; bɛbayela bɛadɔ nzonle.

Gyɛlɛmaya Buluku ne 20:10

Ɔluakɛ mete menli azukuedulɛ ne; ɛzulolɛ ɛva ɛleka kɔsɔɔti. Agɔnwolɛma kpalɛ kpondɛ me azedɔlɛ, bɛse, “Tendɛ tia ye! Bɛmaa yɛdendɛ yɛtia ye! Wɔannea a ɔ nye zo bada ye, ɛnee yɛ sa ɛha ye na yɛali ye nzenralɛ.”

Gyɛlɛmaya Buluku ne 45:3

Ɛhanle kɛ, ‘Medame Bɛlɛke, abule ɛbu me! Ɔluakɛ Ɛdɛnkɛma akee ɛmaa me nyanelilɛ ɛyɛ kpole. Mekponle dedee akee mevɛ, mennwu ɛleka mɔɔ mesie me nwo a.’

Gyɛlɛmaya Buluku ne 6:25

Bɛmmakɔ ɛbɔ nu yɛɛ bɛmmaduolua ademgbole ne mɔ anu, ɔluakɛ yɛ kpɔvolɛma ɛwie sia; ɛleka biala ɛyɛ ɛzulolɛ.”

Gyɛlɛmaya Buluku ne 8:18

Me nyanelilɛ ɛbo zo, yemaa menyia ahonle ewule.

Ɛzoanvolɛma Gyima ne 20:1

Nzinlii mɔɔ nzakadolɛ ne guale la, Pɔɔlo vɛlɛle ɛdoavolɛma ne na ɔmanle bɛ akɛnrazilɛ, ɔ nee bɛ lile nrɛlaleɛ na ɔhɔle Masidonea.

Wulo 15:26

Ɔluakɛ asɔnema mɔɔ wɔ Masidonea nee Akaya (Giliki maanle nu) la ɛdwenle nwo ɛbɔ kpɔkɛ kɛ bɛkeha bɛ sa aze bɛahɔboa ehyianvolɛma mɔɔ wɔ Nyamenle menli ne anu, wɔ Gyɛlusalɛm la.

1 Kɔl 15:31

Meka ko ɛhye, mediema! Yɛ Awulae Gyisɛse Kelaese ati, ewule sianle me dahuu wɔ me nwo mɔɔ metu ye wɔ bɛ nwo la anwo.

1 Kɔl 16:5

Saa mevi Masidonea a mebara bɛ nwo ɛkɛ, ɔluakɛ mekakpɔsa Masidonea maanzinli ne anu.

2 Kɔl 2:13

Noko me nwo andɛ me kpalɛ biala, ɔluakɛ meannwu me diema Taetɛse wɔ ɛkɛ. Yemɔti me nee ɛkɛ ne amra lile nrɛlaleɛ na mendoale zolɛ mengɔle Masidonea.

2 Kɔl 2:3

Ɛhye ati yɛɛ mengɛlɛle bɛ kɛlata ɛhendeɛ ne a, meangulo kɛ menwɔra na menli mɔɔ anrɛɛ kɛlielie me nye la abɔ me rɛle. Ɔluakɛ meze ye wienyi kɛ me nye die a, ɛnee bɛdabɛ noko bɛ nye ɛlie.

2 Kɔl 2:9

Mengɛlɛle bɛ kɛlata ɛhendeɛ ne, amaa ɔlua zo meanwu kɛ bɛzile bɛgyinlanle sɔnea ne anloa la, na eza meanlea kɛ saa dahuu bɛdi me ngilehilelɛ ne mɔ azo a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:11

Ɔyɛ me kɛ bɛmaa mevɛ mgbane!

Mɛla 32:25

Bɛbadɔ dadeɛ nloa wɔ konle nu, bɛbanwu ɛzulolɛ bɛ sua kunlu. Bɛbahu mgbavolɛ nee mbɛlɛra, yɛɛ ngakula mɔɔ no nyɛfonlɛ nee mrelera.

1 Tɛs 3:5

Ɛnee akee mengola ye me kunlu di bieko, ɛhye ati menzoanle Temɔte kɛ ɔranlea kɛ bɛ diedi ne si gyi la. Ɔnrɛyɛ nɔhalɛ kɛ Abɔnsam kɛhola kɛzɔ bɛ muala kɛnlea dedee kɛmaa yɛ gyima mɔɔ yɛyɛle la amuala kɛyɛ mgbane!