2 Kɔl 7:15 - BAEBOLO ANZƐƐ BULUKU NWUANZANWUANZA

¹⁵ Yemɔti ɔlɛ bɛ nwo ɛhulolɛ kpole, na ɔkakye bɛ muala bɛ tieyɛ nee kɛ bɛzile bɛvale ɛzulolɛ nee anwowozolɛ bɛyɛle ye akɔaba la.

2 Kɔl 7:15 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 43:30

Na Dwosefi dwazole ndɛndɛ hɔle kɛ ɔkakpondɛ ɛleka yeavea yeazu, ɔluakɛ ɛnee ɔ nwo ɛlɛdɔ ɔ diema ne. Na ɔwolole ye suakunlu ɛkɛ ne na ɔzunle.

1 Arl 3:26

Raalɛ ne mɔɔ wole ralɛ ne mɔɔ anye wɔ zolɛ la ahonle hwenle na ɔhanle kɛ, “O Nana, fa kakula ne mɔɔ anye wɔ zolɛ la maa raalɛ ko ne na mmaku ye.” Na raalɛ ɛhendeɛ ne dele ye ɔ nloa na ɔhanle kɛ, “Maa bɛhyɛ nu, ɛnee wɔannyia ye yɛɛ medame noko meannyia ye!”

Ɛzela Buluku ne 10:9

Na bɛdabɛ mɔɔ bɛwɔ Dwuda nee Bɛngyaman maanzinli ne mɔ anu la amuala rayiale Gyɛlusalɛm kenle nsa ne azo. Kenle ne le siane ngɔnla ne ye kenle mɔɔ tɔ zolɛ abulanwiɔ la. Na menli ne amuala dɛnlanle aze wɔ ɛleka kpatawienyi ne mɔɔ wɔ Nyamenle Sua ne anyunlu la. Edwɛkɛ ne anwo ahunlundetelɛ nee ezule mɔɔ ɛnee ɛlɛtɔ kpole la manle bɛ nwo wozole bɛ.

Ɛzela Buluku ne 9:4

Bɛdabɛ mɔɔ bɛ ahonle dule wɔ Yizilayɛ Nyamenle ne edwɛkɛ ne mɔɔ ɛha wɔ ninyɛndane ɛhye mɔ mɔɔ menli mɔɔ vi nlɔnu ɛra la ɛyɛ la anwo la bɔle yiale me, na yɛ muala yɛdɛnlanle ɛkɛ ne toonwo ɔhɔdwule nɔsolɛ azubɔlɛ mekɛ ne.

Dwobu Buluku ne 21:6

Saa medwenle nwo a ɛnee me rɛle ɛbɔ, na me nwo wozo me.

Edwɛndolɛ Buluku ne 119:120

Wɔ ɛzulolɛ ti me nwo wozo me, yɛɛ mesulo wɔ ndɛnebualɛ ne mɔ.

Edwɛndolɛ Buluku ne 2:11

Bɛva ɛzulolɛ bɛzonle Ɛdɛnkɛma, bɛva anwowozolɛ bɛdu bɛgua ɔ gyakɛ anu,

Sɔlɔmɔn Edwɛne 5:4

Me kulovolɛ ne zɔle anlenkɛ ne ɛlakolo ne anu, na me kunlu dele me.

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

Hozia Buluku ne 13:1

Dɛba ne, saa Yifelaem tendɛ a, menli nwo wozo bɛ; bɛkpogyale ye zo wɔ Yizilayɛma avinli; na ɔluale bozonle Beeyale anwo zo ɔyɛle ɛtane na ɔwule.

Dw 16:21

Saa raalɛ fo awolɛ zo a, ye adwenle sɛkye, ɔboalekɛ ye nyanedelɛ mekɛ ɛdwu; na saa ɔwo a, ɔ rɛle fi ye nyane ne, ɔboalekɛ ɛnee ɔlɛdi fɛlɛko kɛ yewo ralɛ yedo ewiade a.

Ɛzoanvolɛma Gyima ne 16:29

Pilizama sinzavolɛ ne manle bɛvale kɛnlaneɛ bɛrale, na ɔvale sulosulo ɔhɔdule ɔdɔle Pɔɔlo nee Saelase agyakɛ anu.

1 Kɔl 2:3

Yemɔti menvale bɛtɛɛyɛlɛ, ɛzulolɛ nee anwowozolɛ kpalɛ a me nee bɛ dɛnlanle a;

2 Kɔl 2:9

Mengɛlɛle bɛ kɛlata ɛhendeɛ ne, amaa ɔlua zo meanwu kɛ bɛzile bɛgyinlanle sɔnea ne anloa la, na eza meanlea kɛ saa dahuu bɛdi me ngilehilelɛ ne mɔ azo a.

2 Kɔl 6:12

Yɛnzi bɛ aze; saa azezilɛ bie wɔ ɛkɛ a ɛnee ɔvi bɛdabɛ bɛ atiakunluwɔzo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:5

Ngɛkɛlɛ, bɛva ɛzulolɛ nee anwowozolɛ bɛdie bɛ menle mɔ mɔɔ wɔ ewiade ye anu la kɛ asɛɛ bɛlɛsonle Awulae la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:8

Nyamenle di me daselɛ kɛ me nwo mɔɔ dɔ bɛ la amuala vi Gyisɛse Kelaese ɔdaye mumua ne ahonle nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:12

Zɔhane ati ayi mɔ, kɛmɔ bɛlile me edwɛkɛ zo wɔ mekɛ mɔɔ ɛnee me nee bɛ de la, ɔhyia ɛsesebɛ kɛ akee bɛkɛyɛ ye zɔhane kɛkala mɔɔ me nee bɛ ɛnde la. Bɛva ɛzulolɛ nee anwowozolɛ bɛli bɛ ngoanelielɛ ne anwo gyima bɛhɔ awieleɛ,

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

2 Tɛs 3:14

Saa awie wɔ ɛkɛ ne mɔɔ ɔnrɛli mɔɔ yɛhɛlɛ ye wɔ kɛlata ɛhye anu la azo a, bɛmɛ bɛyɛ ahenle zɔhane nzonlɛ, bɛmmayɛ ye ɛhwee, na ɔdaye ɔ ngome ɔ nyunlu bagua aze.

1 Dw 3:17

Saa awie mɔɔ lɛ ewiade ye anu ninyɛne la nwu ɔ diema mɔɔ ɛhyia, na ɔye ɔ nye ɔto ɛbɔ nu a, ɛnee kɛ ɔsi ɔka kɛ ɔkulo Nyamenle ɛ?