2 Kɔl 7:1 - BAEBOLO ANZƐƐ BULUKU NWUANZANWUANZA

¹ Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

2 Kɔl 7:1 ပူးပေါင်းရင်းမြစ်များ

2 Edk 19:9

Akee ɔyɛle ngyehyɛlɛ ɛhye ɔmanle bɛ kɛ, “Bɛva bɛ ahonle muala bɛyɛ ɛhye wɔ Ɛdɛnkɛma ɛzulolɛ nee nɔhalɛlilɛ nu.

Edwɛndolɛ Buluku ne 119:9

Kɛ ɔkɛyɛ na kpavolɛ adenle nu ayɛ bɔkɔbɔkɔ ɛ? Kyesɛ ɔdua wɔ edwɛkɛ zo ɔsinza ɔ nwo.

Edwɛndolɛ Buluku ne 19:9

Ɛdɛnkɛma ɛzonlenlɛ nwo te, ɔwɔ ɛkɛ ne dahuu; Ɛdɛnkɛma mɛla ne mɔ le nɔhalɛ, bɛ muala bɛle fɔɔnwo.

Edwɛndolɛ Buluku ne 51:10

O Nyamenle, bɔ ahonle mɔɔ anu te la wula me nu, na maa me sunsum fofolɛ mɔɔ gyi kpundii la.

Mrɛlɛbulɛ Buluku ne 16:6

Sonla mɔɔ di nɔhalɛ na ɔyɛ tieyɛ la, bɛdi ɔ ti mgbɔdalɛ, yɛɛ sonla mɔɔ sulo Ɛdɛnkɛma la ɛnyɛ ɛtane.

Mrɛlɛbulɛ Buluku ne 20:9

Nwane a kɛhola kɛha kɛ, “Me ahonle nu te, ɛtane fee ɛnle me nwo” a?

Mrɛlɛbulɛ Buluku ne 30:12

Menli bie wɔ ɛkɛ mɔɔ bɛnea a bɛ nwo te, noko bɛ nwo le evinli ngome.

Mrɛlɛbulɛ Buluku ne 8:13

Ɛdɛnkɛma ɛzulolɛ le ɛtane ɛhyilɛ. Mekyi adubɛnwo, mekyi mgbanyizonle, mekyi ɛdendɛlɛ adalɛ.

Nolo 11:10

Bɛye ɛyavalɛ bɛvi bɛ adwenle nu na bɛye anwofofolɛ biala bɛvi bɛ nwonane nu, ɔluakɛ mgbavosɛm nee mbɛlɛrasɛm nee ɛbɛlabɔlɛ nu fɛlɛkolilɛ le debie mgbane.

Ayezaya Buluku ne 1:16

Bɛbia bɛyɛ bɛ nwo bɔkɔbɔkɔ, bɛye ɛtane biala mɔɔ wɔ bɛ ɛbɛla nu la bɛvi me nye zo. Bɛgyakyi ɛtaneyɛlɛ,

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Gyɛlɛmaya Buluku ne 13:27

Menwu bɛ bɛkyi ninyɛne mɔɔ bɛyɛ, bɛ awuvolɛvalɛ, nee bɛ huhunliyɛlɛ, yɛɛ bɛ tuutuulilɛ wɔ ɛbɔ nu awoka zo. Gyɛlusalɛmma, abule ɛbu bɛ! Kenlenzu bɔbɔ yɛɛ bɛkɛmaa bɛ nwo kɛde a?

Gyɛlɛmaya Buluku ne 4:14

O Gyɛlusalɛm, ye ɛtane fi wɔ ahonle nu, amaa bɛalie wɔ ngoane. Bɛfa ɛtaneyɛlɛ adwenle bɛazie bɛ adwenle nu toonwo yeahɔdwu kenlenzu?

Sɛlɛ 13:58

Tɛladeɛ, ndanlɛ nyɛma, anzɛɛ nwoma mɔɔ kɛbɔ adubue na bɛkɛkpo na adubue ne anzia amba bieko la, bɛkpo ye bieko, ɛnee deɛ ne anwo ɛde.”

Edwɛkpa ne kɛmɔ Mateyu hɛlɛle la 12:33

“Baka kpalɛ biala so ma kpalɛ, yɛɛ baka ɛtane biala so ma ɛtane. Baka ne ma a kile ye baka holɛ a.

Edwɛkpa ne kɛmɔ Mateyu hɛlɛle la 5:48

Zɔhane ati, kɛmɔ bɛ Ze mɔɔ wɔ anwuma la anwo te la, bɛmaa bɛdabɛ noko bɛ nwo ɛde bɔkɔɔ.

Edwɛkpa ne kɛmɔ Mateyu hɛlɛle la 5:8

“Nyilalɛ ɛha bɛdabɛ mɔɔ bɛ ahonle nu te la; Bɛbanwu Nyamenle!

Ɛzoanvolɛma Gyima ne 9:31

Ɔlua Sɔɔlo ɛhakyilɛ zo akee Asɔne ne mɔɔ wɔ Dwudiya, Galeli, yɛɛ Samɛlea la nyianle anzonudwolɛ na ɔnyinle. Na ɔlua Sunsum Nwuanzanwuanza ne moalɛ zo Asɔne ne nyianle anwosesebɛ, menli dɔɔnwo rale nu na bɛvale Nyamenlezulolɛ bɛluale.

Wulo 5:20

Bɛvale mɛla ne bɛrale ala la yɛɛ mɛladonlɛ liele ebia a; noko ɛleka mɔɔ ɛtaneyɛlɛ ne zonle la, Nyamenle ɛlolɛ ne yɛle dɔɔnwo bole zolɛ.

1 Kɔl 6:20

Ɔdɔle bɛ bolɛ ɛsesebɛ. Yemɔti, bɛva bɛ sonlabaka ne bɛde Nyamenle anyunlu.

2 Kɔl 1:20

ɔluakɛ yemɔ a ɔle Nyamenle ɛwɔkɛ ne mɔ anu “Ɛhɛe” ne a. Ɛhye ati a yɛdua Gyisɛse Kelaese anwo zo yɛka “Amen” ne yɛwula Nyamenle anyunlunyia a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:3

Nɔhalɛ, ɛnee yɛdayɛ noko yɛle kɛ bɛdabɛ ala la; yɛbɔle ɛbɛla mɔɔ yɛdayɛ yɛkulo la, yɛyɛle mɔɔ yɛ nwonane ne atiakunluwɔzo nee yɛ adwenle zele yɛ la, na ɔlua zo yɛhanle Nyamenle ɛya kɛ awie biala la.

1 Tɛs 3:13

Zɛhae adenle zo yɛɛ ɔbamaa bɛ nwo ayɛ se, na bɛali munli, bɛ nwo ade wɔ yɛ Nyamenle Selɛ ne anyunlu, wɔ mekɛ mɔɔ yɛ Awulae Gyisɛse nee bɛdabɛ mɔɔ bɛle ye ɛdeɛ la kɛra la a. ɛra la a.

1 Tɛs 4:7

Nyamenle anvɛlɛ yɛ kɛ yɛrabɔ ɛbɛla mgbane mgbane, ɔvɛlɛle yɛ kɛ yɛrayɛ menli mɔɔ anwo te a.

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

Kɛlata mɔɔ bɛhɛlɛle bɛhɔmanle Hibuluma la 12:23

Bɛra anyelielɛ ayia ne mɔɔ Nyamenle amra mgbanyinli ne mɔ mɔɔ bɛhɛlɛ bɛ aluma wɔ anwuma lɔ la a kɔ la bie. Bɛra Nyamenle mɔɔ le menli kɔsɔɔti ndɛnebuavolɛ la ɛkɛ, yɛɛ bɛra fɔɔnwoma mɔɔ bɛmaa bɛ sunsum ɛli munli la ɛkɛ.

Kɛlata mɔɔ bɛhɛlɛle bɛhɔmanle Hibuluma la 12:28

Zɔhane ati, bɛmaa yɛyɛ Nyamenle mo kɛ yemaa yɛ belemgbunlililɛ kpalɛ mɔɔ abo ɛmkpusu ɛlɛ, na yɛva ɛzulolɛ, enililɛ yɛɛ moyɛlɛ yɛzonle ye yɛmaa ɔzɔ ɔ nye,

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

Kɛlata mɔɔ bɛhɛlɛle bɛhɔmanle Hibuluma la 6:9

Noko ayi mɔ, saa yɛtendɛ zɛhae bɔbɔ a, yɛ adwenle si pi wɔ bɛ nwo. Yɛze kɛ nyilalɛ kpalɛ bie wɔ ɛkɛ mɔɔ beta ngoanelielɛ nwo a.

Gyemise Kɛlata ne 4:8

Bɛhwe bɛbikye Nyamenle, na ɔdaye noko ɔkɛbikye bɛ. Bɛmɛ ɛtanevolɛma, bɛhakyi bɛ subane! Bɛde bɛ ahonle nu, bɛmɛ nabalabama!

1 Pit 1:15

Nyamenle ne mɔɔ ɛvɛlɛ bɛ la anwo te, yemɔti bɛmaa bɛ nwo ɛde wɔ nyɛleɛ biala anu.

1 Pit 1:17

Bɛyɛ nzɛlɛlɛ a bɛfɛlɛ Nyamenle ne mɔɔ ɔnnea sonla nyunlu na ɔbua menli kɔsɔɔti ndɛne, kɛmɔ biala nyɛleɛ si de la bɛ Ze. Zɔhane ati, bɛva Nyamenlezulolɛ bɛbɔ bɛ ɛbɛla wɔ mekɛ mɔɔ bɛwɔ nlɔnu la.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Pit 2:11

Ayi mɔ, mesɛlɛ bɛ, bɛle nyɛvolɛ nee adendulɛma wɔ ewiade! Bɛmmadi nwonane atiakunluwɔzo ne mɔ mɔɔ dahuu nee bɛ ɛkɛla ko la anzi fee.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

1 Dw 1:9

Nyamenle di ye ɛwɔkɛ zo, ɔdi pɛlepɛle. Saa yɛka yɛ ɛtane ne mɔ yɛkile ye a, ɔkɛva ɔkɛhyɛ yɛ na ɔkɛde yɛ nwo ɔkɛvi nyɛleɛ mɔɔ ɛndenrɛ la amuala anwo.

1 Dw 3:3

Awie biala mɔɔ lɛ anyelazo ɛhye wɔ Kelaese anu kɛ yɛbayɛ kɛ Kelaese ala la maa ɔ nwo te kɛ Kelaese la.