2 Kɔl 6:8 - BAEBOLO ANZƐƐ BULUKU NWUANZANWUANZA

⁸ Bɛdi yɛ eni yɛɛ bɛgua yɛ nyunlu aze; bɛbɔ yɛ aholoba yɛɛ bɛye yɛ ayɛlɛ. Bɛbu yɛ alanema, noko yɛdi nɔhalɛ;

2 Kɔl 6:8 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:25

Ɔwɔ kɛ ɛdoavolɛ biala yɛ kɛ ɔ menle la, yɛɛ ɔwɔ kɛ akɛlɛ yɛ kɛ ɔ menle la. Saa bɛvɛlɛ sua menle ne Biyɛlezɛbɛle a, ɛnee ye sua nu ɛkɛ ne amra ɛdeɛ bɛkɛvɛlɛ bɛ aluma dɔɔnwo kpalɛ.

Edwɛkpa ne kɛmɔ Mateyu hɛlɛle la 22:16

Yemɔti bɛzoanle bɛ ɛdoavolɛma ne bie mɔ nee belemgbunli Hɛlɔdo asa zo ne mɔ bie wɔ Gyisɛse anwo ɛkɛ na bɛhɔbizale ye kɛ, “Kilehilevolɛ, yɛze kɛ wɔmɔ ɛka nɔhalɛ. Ɛkilehile Nyamenle adenle ne nɔhalɛ nu mɔɔ ɛndwenle mɔɔ menli ka la anwo a, ɔboalekɛ ɛnnea sonla nyunlu.

Edwɛkpa ne kɛmɔ Mateyu hɛlɛle la 27:63

na bɛzele ye kɛ, “Yɛmenle, yɛkakye kɛ mekɛ mɔɔ adalɛ ne de aze la, ɔhanle kɛ, ‘Ye kenle nsa ne azo bɛbadwazo me bɛara ngoane nu.’

Edwɛkpa ne kɛmɔ Maake hɛlɛle la 12:14

Bɛrale la bɛbizale ye kɛ, “Kilehilevolɛ, yɛze kɛ wɔmɔ ɛnnea sonla nyunlu, yɛɛ ɛndie menli ngehanleɛ, na ɛkilehile Nyamenle ɛhulolɛdeɛ ne nɔhalɛ nu. Na ɛnea a, ɛnee ɔtia yɛ mɛla ne kɛ yɛkɛdua adwule yɛkɛmaa Maanle Maanle Belemgbunli ne ɔ? Ɔwɔ kɛ yɛtua anzɛɛ ɔnle kɛ yɛtua? Ka kile yɛ.”

Dw 7:12

Menli dɔɔnwo mɔɔ rale ɛvoyialilɛ ne bie la hanle ɔ nwo edwɛkɛ huhuhuhu dɔɔnwo. Bie mɔ se, “Ɔle sonla kpalɛ.” Bie mɔ noko se, “Ɔnle sonlakpalɛ, ɔlɛyɛ menli ne koasea.”

Ɛzoanvolɛma Gyima ne 10:22

Bɛbuale ye kɛ, “Safohyenle Kɔnileɛse a ɛzoa yɛ a. Ɔle sonlakpalɛ somaa, ɔsulo Nyamenle, yɛɛ Dwuuma amuala bu ye bie kpalɛ. Ɛkenle Nyamenle soanvolɛ bie zele ye kɛ ɔrava wɔ ɔhɔ ye sua nu, na ɔdie mɔɔ ɛlɛ ye ɛka wɔahile ye la.”

Ɛzoanvolɛma Gyima ne 16:39

Ɛhye ati bɛrale bɛrakpale bɛ kyɛlɛ; bɛyele bɛ efiade ne na bɛzele bɛ kɛ bɛvi suakpole ne azo bɛhɔ.

Ɛzoanvolɛma Gyima ne 22:12

“Nrenya bie wɔ Dɛmasekɛse ɛkɛ, bɛfɛlɛ ye Ananayase, ɔdi mɛla ne azo kpalɛ, yɛɛ Dwuuma mɔɔ wɔ Dɛmasekɛse la amuala bu ye.

Ɛzoanvolɛma Gyima ne 24:5

Yɛnwu kɛ sonla ɛhye le agyegyeamra kpalɛ, ɔlɛtwehwe manzonle yeado Dwuuma mɔɔ wɔ aleɛabo la amuala avinli. Ɔli fane ne mɔɔ bɛfɛlɛ ye Nazalin la ati.

Ɛzoanvolɛma Gyima ne 28:22

Na yɛkulo kɛ yɛtie wɔ adwenle. Mɔɔ yɛze ye ɛke la a le kɛ, zɛhae fane ye mɔɔ ɛwɔ nu la, awie biala tendɛ tia ye.”

Ɛzoanvolɛma Gyima ne 4:21

Ayiama ne bɔle bɛ kɔkɔ ɛsesebɛ na bɛgyakyile bɛ kɛ bɛhɔ, ɔluakɛ bɛnlɛ edwɛkɛ kpaziwɔkɛ biala mɔɔ bɛgyinla zolɛ bɛtwe bɛ nzo a ɔyɛ boɛ a, yɛɛ eza menli ne amuala ɛlɛyeyɛ Nyamenle wɔ mɔɔ ɛzi la anwo.

Ɛzoanvolɛma Gyima ne 5:13

Awie mɔɔ ɛmboka diedima ne anwo la ɛnwolo bɛ nu, noko menli kɔsɔɔti hanle bɛ nwo edwɛkɛ kpalɛ.

Ɛzoanvolɛma Gyima ne 6:3

Yemɔti, ayi mɔ, bɛnlea na bɛye bɛ nuhua nsuu mɔɔ menli bu bɛ, mɔɔ Sunsum Nwuanzanwuanza ne wɔ bɛ nwo zo na bɛze nrɛlɛbɛ la bɛmaa yɛ, na yɛva bɛ yɛzie zɛhae gyima ye anloa,

Wulo 3:8

Duzu ati yɛɛ bɛnga kɛ, “Bɛmaa yɛli ɛtane amaa kpalɛ ara ɛ?” Nɔhalɛ, ɛzonle mɔɔ menli ne bie mɔ ɛva ɛdo yɛ nwo zo la ɛne. Na bɛdabɛ bɛ munzule doa bɛ!

2 Kɔl 1:18

Kɛmɔ Nyamenle le nɔhalɛ, na yɛkola yɛfa yɛ rɛle yɛwula ye nu la, me ɛwɔkɛ ne mɔɔ membɔle bɛ la ɛnle ɛwɔkɛ mɔɔ meka “ɛhɛe” a ɛnee mekile “kyɛkyɛ” a.

2 Kɔl 11:21

Ɔyɛ me nyiane kɛ melɛka kɛ yɛyɛle foanvoanle na yɛangola ɛhye mɔ bie yɛ a. Na saa awie kola fa debie tu ɔ nwo a ɛnee kɛmɔ melɛtendɛ kɛ kɔnwɔne la, medame noko mekola bie yɛ.

2 Kɔl 12:16

Bɛdabɛ bɛze kɛ meanyɛ kpomgbolo meamkpolo bɛ kɔme, noko bɛmɛ bɛse mele kɛdɛba, na menvale mɛlɛbɛla a mengyele bɛ a.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

1 Tɛs 2:3

Ɔluakɛ mɔɔ yɛvale yɛdole bɛ nyunlu la ɛngyi nvonleɛ bie anzɛɛ adwenle ɛtane biala azo, yɛɛ yɛando awie biala abɛla.

1 Tem 3:7

Ɔwɔ kɛ ɔyɛ sonla mɔɔ bɛdabɛ mɔɔ bɛngɔ asɔne la di ye eni, amaa yeangua ɔ nyunlu aze, yeangɔndɔ Abɔnsam ɛhane nu.

1 Tem 4:10

Ɛhye ati yɛɛ yɛpele yɛyɛ gyima ɛsesebɛ a, ɔluakɛ yɛva yɛ nye yɛdo tease Nyamenle ne anwo zo. Yemɔ yɛɛ ɔle menli kɔsɔɔti bɛ Ngoanedievolɛ a, bɔbɔ bɛdabɛ mɔɔ bɛdie bɛdi la.

Kɛlata mɔɔ bɛhɛlɛle bɛhɔmanle Hibuluma la 13:13

Zɔhane ati, bɛmaa yɛvinde yɛdoa ye wɔ kandiba lɔ, na ye nyiane ne ɛha yɛ muala.

1 Pit 4:14

Saa Kelaese duma nu ti bɛkile bɛ nyane a, nyilalɛ ɛha bɛ, ɔluakɛ ɛhye kile kɛ anyunlunyia sunsum ne mɔɔ le Nyamenle Sunsum ne wɔ bɛ nwo zo.

3 Dw 1:12

Awie biala ka Dimiteleɛse anwo edwɛkɛ kpalɛ; nɔhalɛ ne ɔdaye ɔka ɔ nwo edwɛkɛ kpalɛ, na medame noko medi ɔ nwo daselɛ, yɛɛ ɛze noko kɛ mɔɔ meka la le nɔhalɛ.

Yekile 3:9

Tie, menli ekpunli ekyi ne mɔɔ le Seetan ɛdeɛ, alanema ne mɔɔ kile kɛ bɛle Dwuuma noko bɛnle Dwuuma la, mebamaa bɛarabu ndwɛlɛ wɔ ɛ nyunlu, na bɛ muala bɛanwu kɛ mekulo wɔ.