2 Kɔl 6:6 - BAEBOLO ANZƐƐ BULUKU NWUANZANWUANZA

⁶ Noko ɔlua yɛ anwondelɛ, nrɛlɛbɛ, abotane, atiakunlukpalɛ nee Nyamenle Sunsum Nwuanzanwuanza ne nee yɛ nɔhalɛ ɛhulolɛ,

2 Kɔl 6:6 ပူးပေါင်းရင်းမြစ်များ

Yizikeɛle Buluku ne 33:31

Bɛba ɛ nwo ɛkɛ, kɛmɔ awie biala ba la, bɛbatɛnla ɛ nwo ɛkɛ kɛ asɛɛ me menli la, na bɛtie mɔɔ ɛka la, noko bɛnrɛyɛ ye ɛlɛ, ɔluakɛ bɛfa bɛ nloa a bɛkile bɛ ɛhulolɛ a, na bɛ ahonle ɛdeɛ, yemɔ ɔgyi bɛdabɛ bɛ ngome bɛ kpalɛyɛlɛ zo.

Wulo 12:9

Bɛmaa bɛ ɛhulolɛ ɛyɛ nɔhalɛ ɛhulolɛ; bɛhyi mɔɔ le ɛtane la na bɛzɔ mɔɔ le kpalɛ la anu.

Wulo 15:19

ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.

1 Kɔl 12:8

Nyamenle Sunsum ne maa bie ka nrɛlɛbɛ edwɛkɛ, yɛɛ ɔmaa bie adwenle nu buke.

1 Kɔl 13:4

Ɛhulolɛ lɛ abotane, ɔ ti akunlu le kɛnlɛma; ɛhulolɛ ɛnle anyebolo, ɔmbu ɔ nwo, yɛɛ ɔmmemaa ɔ nwo zo;

1 Kɔl 2:16

Nyamenle Edwɛkɛ ne se, “Nwane a ze Nyamenle ati anu a? Nwane a kola tu ye folɛ a?” Noko yɛmɛ, yɛlɛ Kelaese adwenle ne bie.

1 Kɔl 2:4

yɛɛ meanva sonla nrɛlɛbɛ nee anloanu kolokolo a mengilehilele bɛ, membɔle edwɛkɛ ne nolo a; menluale Nyamenle Sunsum ne tumi zo,

2 Kɔl 1:23

Nyamenle di daselɛ, yɛɛ ɔze me ti anu! Memkpondɛ kɛ mebɔ bɛ rɛle la ati yɛɛ menyɛle me adwenle kɛ menrɛra Kɔlente a.

2 Kɔl 11:11

Duzu ati a melɛka ɛhye a? Mengulo bɛ edwɛkɛ ɔ? Nyamenle ze kɛ mekulo bɛ.

2 Kɔl 11:4

Ɔluakɛ bɛ nye die awie biala mɔɔ ba bɛ nwo nehane na ɔbabɔ Gyisɛse fofolɛ bie, mɔɔ tɛ yemɔ a ɔle Gyisɛse ne mɔɔ yɛbɔle ye nolo yɛhilele bɛ la anwo edwɛkɛ la anwo. Eza bɛdie sunsum nee edwɛkpa bie mɔɔ asolo bɛ na tɛ Nyamenle Sunsum ne nee Kelaese anwo Edwɛkpa ne mɔɔ bɛnyianle ye bɛvile yɛ lɔ la bɛto nu.

2 Kɔl 11:6

Saa me nloa yɛɛ ɛtɛtele bɔbɔ a, tɛ nwoma nu ɔ; yɛɛ yɛla ɛhye ali wienyi yɛhile bɛ wɔ ndenle dɔɔnwo nee debie biala anu.

2 Kɔl 12:15

Ɔkɛyɛ me kɛnlɛma kɛ menwɔva mɔɔ melɛ la amuala, nee medame me sonlabaka ne menwɔboa bɛ. Na saa mekulo bɛ edwɛkɛ kpole zɛhae a, ɛnee kɛmɔti yɛɛ bɛmɛ bɛngulo me edwɛkɛ fee ɛ?

2 Kɔl 13:10

Ɛhye ati yɛɛ kɛmɔ menle bɛ nwo lɔ la, melɛkɛlɛ bɛ kɛlata ɛhye a, amaa saa meba a me nee bɛ anli ye ɛsesebɛ, kɛmɔ tumi ne mɔɔ Awulae ɛva ɛmaa me la de la. Bɛ boɛyɛlɛ ti yɛɛ bɛvale tumi ne bɛmanle me a, na tɛ bɛ ɛzɛkyelɛ ti ɔ.

2 Kɔl 2:10

Saa bɛfa awie anwo edwɛkɛ bɛkyɛ ye a, ɛnee medame noko meva mehyɛ ye. Saa ɔhyia kɛ mefa awie anwo edwɛkɛ mekyɛ ye a, meyɛ ye zɔhane wɔ bɛ ti wɔ Kelaese anyunlu,

2 Kɔl 2:4

Menvale nyanelilɛ, arɛlebɔlɛ nee monle a mengɛlɛle bɛ a, amaa bɛanwu kɛ mesi mekulo bɛ la, na tɛ kɛ asɛɛ mekulo kɛ mebɔ bɛ rɛle la ati ɔ.

2 Kɔl 3:3

Ɔla ali wienyi kɛ Kelaese ɔdaye yɛɛ ɔhɛlɛle kɛlata ɛhye na ɔvale ɔzoanle yɛ a. Yeanva “ɛnke” a ɔhɛlɛle a, yɛɛ yeangɛlɛ ye wɔ bolɛ zo, ɔhɛlɛle ye wɔ menli ahonle zo.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

2 Kɔl 7:2

Bɛbuke bɛ munli nu bɛmaa yɛ; yɛtɛyɛle awie biala ɛtane, yɛtɛsɛkyele awie biala, yɛɛ yɛtɛdile awie biala amile.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:2

Bɛha ko ɛhye bɛmaa mendie, asoo mɛla ne mɔɔ bɛlile zo la ati a Nyamenle vale ye Sunsum ne manle bɛ a, anzɛɛ bɛdiele Edwɛkpa ne na bɛliele bɛlile la ati ɔ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:5

Yemɔti bɛdwenle kɛ Nyamenle fa ye Sunsum ne amaa bɛ, yeava bɛ yeayɛ nwanwane ninyɛne yeahile kɛ bɛlile mɛla ne azo, anzɛɛ bɛdie Edwɛkpa ne na bɛlie bɛli la ati ɔ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:4

na saa bɛkenga mɔɔ mehɛlɛ la a anrɛɛ bɛkɛnwu me ndelebɛbo ne mɔɔ fane Kelaese anwo edwɛkɛ ne mɔɔ vea la anu.)

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:2

Dahuu bɛbɛlɛ bɛ nwo aze, bɛyɛ bɛtɛɛ na bɛnyia abotane. Bɛde bɛmaa bɛ gɔnwo mɔ ngoko ngoko wɔ ɛhulolɛ nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:32

Bɛyɛ atiakunlukɛnlɛma na bɛze anwunvɔne, bɛva bɛ gɔnwo mɔ ɛtane bɛhyɛ bɛ, kɛmɔ Nyamenle ɛlua Kelaese anwo zo ɛva bɛ ɛtane ne mɔ ɛhyɛ bɛ la.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 2:3

Kelaese anu a Nyamenle nrɛlɛbɛ ne mɔɔ anwonyia ɛyi ye tɛkɛɛ nee adwenlenubukelɛ vea a.

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

1 Tɛs 2:10

Bɛ nee Nyamenle bɛdi yɛ daselɛ kɛ yɛ subane mɔɔ yɛhilele yɛhilele bɛdabɛ mɔɔ bɛliele bɛlile la le bɔkɔbɔkɔ, ɔle fɔɔnwo mɔɔ evinli biala ɛnle nwo a.

1 Tem 4:12

Mmamaa awie bu wɔ kakula; maa wɔ ɛdendɛlɛ nee wɔ nyɛleɛ, wɔ ɛhulolɛ, wɔ diedi nee wɔ anwondelɛ ɛyɛ ndonwo ɛmaa diedima ne amuala.

1 Tem 5:2

mraalɛ mgbanyinli ne mɔ, tendɛ kile bɛ kɛ ɛ nli mɔ, yɛɛ mbɛlɛra ne mɔ noko, yɛ bɛ kɛ ɛ mediema mraalɛ, wɔ adenle mɔɔ nuhua te la anu.

2 Tem 3:10

Na wɔmɔ, wɔli me ngilehilelɛ, me nyɛleɛ nee me ɛbɛlabɔlɛ nu bodane ne anzi; wɔnwu me diedi, me abotane, me ɛhulolɛ, nee me kpundii mɔɔ megyi,

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:7

Wɔ ninyɛne muala anu, ɛdawɔ mumua ne pɛ kelemunli kpalɛ wɔ gyima kpalɛ ɛyɛlɛ nu to ɛkɛ. Maa ɛ nye ɛbolo wɔ ngilehilelɛ ne anwo na di nɔhalɛ.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Dw 3:18

Me mra ngakula, bɛmmamaa yɛfa edwɛkɛ ɛhanlɛ anzɛɛ yɛ nloa mgbane yɛkulo menli; ɔwɔ kɛ ɔyɛ nɔhalɛ ɛhulolɛ kpalɛ, na eza ɔfinde yɛ nyɛleɛ nu.

Maanlebuvolɛma Buluku ne 16:15

Dɛlaela zele ye kɛ, “Ɛnee kɛ ɛsi ɛka kɛ ɛkulo me ɛ, wɔ mekɛ mɔɔ ɛhulolɛ ne ɛnvi wɔ ahonle nu la? Wɔgolo me nwo fane nsa. Ɛleka mɔɔ wɔ anwosesebɛ kpole ne vi la ɛtɛkanle ɛtɛkilele me.”