2 Kɔl 6:5 - BAEBOLO ANZƐƐ BULUKU NWUANZANWUANZA

⁵ Bɛbila yɛ mbaka, bɛgua yɛ efiade na bɛwudo yɛ bagua nu; bɛmaa yɛyɛ gyima ɛsesebɛ, yɛsi epe, yɛɛ bɛkye yɛ ɛhɔne.

2 Kɔl 6:5 ပူးပေါင်းရင်းမြစ်များ

1 Arl 22:27

Bɛze ye kɛ, ‘Belemgbunli se, Fa sonla ɛhye sie na maa bɛmaa ye aleɛ mɔɔ ɛnza ye di la nee nzule ekyi bie kɔkpula mekɛ mɔɔ menwɔzia menwɔradwu sua nu anzonudwolɛ nu la.’ ”

2 Edk 16:10

Belemgbunli Esa vale Nyamenle sonla ne anwo ɛya kpole kpalɛ wɔ mɔɔ ɔhanle la anwo, na ɔmanle bɛhyele ye, bɛdole ye efiade, na bɛbɔle ye kpanwu. Eza ɔvi mekɛ zɔhane anu ala, Belemgbunli Esa bɔle ɔ bo kɛ ɔyɛ menli ne bie mɔ asa.

Ayezaya Buluku ne 53:5

Noko yɛ mɛladonlɛ ne mɔ ati bɛbodɛbodale ye, bɛbodɛbodale ye wɔ yɛ ɛtane ne mɔ ati; bɛvale yɛ nwo ndeanlɛ bɛguale ɔ nwo zo, ye empele mɔɔ bɛbilale ye la ɛyɛ yɛ ayile.

Gyɛlɛmaya Buluku ne 33:1

Ɛdɛnkɛma dendɛle hilele Gyɛlɛmaya bieko wɔ mekɛ mɔɔ ɛnee ɔtɛda efiade wɔ belemgbunli sinzavolɛma sua nu ɛkɛ ne la.

Gyɛlɛmaya Buluku ne 38:6

Yemɔti bɛhyele Gyɛlɛmaya, bɛsosɔle ye nyɛma na bɛdwulale ye Belemgbunli ara nrenya Malekaya bula ne mɔɔ wɔ suakunlu alie ne anwo la anu. Ɛnee nzule ɛnle bula ne anu, ndɛtɛlɛ a wɔ nu a, na Gyɛlɛmaya minle ndɛtɛlɛ ne anu.

Yizikeɛle Buluku ne 3:17

Ɔse, “Sonla ra, meyɛ wɔ Yizilayɛma sinzavolɛ. Kenle biala mɔɔ ɛkɛde edwɛkɛ ɛkɛvi me nloa anu la, ɛbaha wɔahile bɛ wɔabɔ bɛ kɔkɔ wɔamaa me.

Edwɛkpa ne kɛmɔ Mateyu hɛlɛle la 14:10

Yemɔti Hɛlɔdo manle bɛhɔpɛle Dwɔn ati wɔ efiade ne.

Edwɛkpa ne kɛmɔ Mateyu hɛlɛle la 14:3

Na yemɔ a le kɛ, Hɛlɔdo manle bɛhyele Dwɔn, bɛguale ye nwɔnzɔnwɔnzɔ na bɛdole ye efiade. Ɔ diema Felepe aye Hɛlɔdease ati a ɔyɛle ɛhye a,

Edwɛkpa ne kɛmɔ Mateyu hɛlɛle la 9:15

Gyisɛse buale bɛ kɛ, “Bɛdwenle kɛ saa atɔfolɛ nrenya ne wɔ ɛkɛ a, ɔ gɔnwo mɔ mɔɔ ɛra atɔfolɛlielɛ ne abo la kɛli nyane ɔ? Kyɛkyɛ! Noko saa mekɛ dwu na bɛbaye atɔfolɛ nrenya ne wɔ bɛ avinli bɛkɔ a, ɛnee bɔ zo mɔɔ yedwu mɔɔ bɛkye ɛhɔne a.

Ɛzoanvolɛma Gyima ne 13:3

Bɛhyele ɛhɔne bɛyɛle nzɛlɛlɛ, bɛvale bɛ sa bɛguale bɛ ti zo na bɛguale bɛ adenle.

Ɛzoanvolɛma Gyima ne 14:19

Nzinlii Dwuuma bie vi Anteɔko mɔɔ wɔ Paesedea maanzinli nu nee Ayekoneɛm la rale, bɛralile menli ne anzo bɛhɔle bɛ afoa na bɛzile Pɔɔlo awolɛ bɛmanle ɔ nye zo bulule; bɛhwenle ye bɛhɔdole sua ne kandiba, ɛnee bɛdwenle kɛ yewu.

Ɛzoanvolɛma Gyima ne 14:23

Bɛzieziele mgbanyima bɛmanle bɛ, na bɛvale ɛhɔnehyelɛ nee nzɛlɛlɛ bɛdule bɛ bɛwulale Awulae ne mɔɔ bɛva bɛ rɛle bɛwule ye nu la asa anu.

Ɛzoanvolɛma Gyima ne 17:5

Ɛhye anwo akpule hunle Dwuuma ne mɔ. Yemɔti bɛsesale kpamgbanvolɛma bie bɛboɔboale bɛ nloa. Bɛmanle bɛdole nzaka wɔ suakpole ne azo toonwo bɛrale Gyeesen sua nu ɛkɛ kɛ bɛbakpondɛ Pɔɔlo nee Saelase bɛahwe bɛ bɛavinde bagua nu.

Ɛzoanvolɛma Gyima ne 20:31

Yemɔti bɛnlea boɛ, na bɛhakye kɛ mendwinle monle ɛvolɛ nsa a mengilehilele bɛ wɔ nɔɔzo nee ewiazo a.

Ɛzoanvolɛma Gyima ne 23:10

Nzinlii akee ɛdeanlɛ ne bole zolɛ na sogyama kpanyinli ne zulole kɛ bɛkɛhu Pɔɔlo la ati, ɔmanle sogyama ne mɔ dwule aze hɔle bagua ne anu hɔyele Pɔɔlo wɔ ayiama ne avinli bɛ nee ye hɔle aranemgbole ne anu bieko.

Ɛzoanvolɛma Gyima ne 23:35

ɔzele ye kɛ, “Saa menli mɔɔ ɛdo wɔ ɛzonle la ba a mebanlea wɔ edwɛkɛ ne anu.” Na ɔzele kɛ bɛva Pɔɔlo bɛhɔzie Hɛlɔdo aranemgbole ne anu ɛleka mɔɔ ɔdaye amɛnlado ye gyima ne abo wɔ la na bɛzinza ye.

Ɛzoanvolɛma Gyima ne 24:27

Mɔɔ ɛvolɛ nwiɔ pɛle nu la, Pɔseɛse Fɛsetɛse ralile amɛnlado Filekese agyakɛ anu. Na kɛmɔ ɛnee Filekese kulo kɛ ɔnyia ɔ nyunlu wɔ Dwuuma anyunlu la ati, ɔmanle Pɔɔlo hale efiade ne.

Ɛzoanvolɛma Gyima ne 26:10

yɛɛ mɔɔ menyɛle ye wɔ Gyɛlusalɛm la ɛne. Menliele tumi wɔ sɛlɛvolɛ mgbanyinli ne mɔ ɛkɛ ne na menguale Nyamenle menli ne dɔɔnwo efiade. Eza saa bɛbua bɛ ewule fɔlɛ a, meto me ɛma mefua zolɛ.

Ɛzoanvolɛma Gyima ne 26:29

Pɔɔlo buale ye kɛ, “Saa mekɛ ekyi nu o, saa mekɛ tendenle nu o, me nzɛlɛlɛ a le kɛ anrɛɛ Nyamenle amaa ɛdawɔ nee bɛdabɛ mɔɔ bɛlɛtie me ɛnɛ la amuala ayɛ ye sonvolɛma kɛ medame la, mɔɔ nwɔnzɔnwɔnzɔ ye ɛmboka nwolɛ a.”

Ɛzoanvolɛma Gyima ne 28:30

Na Pɔɔlo dɛnlanle sua mɔɔ ɔde nu na ɔdaye a ɔtua ye kakɛ la anu toonwo ɛvolɛ nwiɔ. Ɔliele menli mɔɔ rale ɔ nwo ɛkɛ ne la amuala.

Ɛzoanvolɛma Gyima ne 5:18

Yemɔti bɛdwazole ɛzoanvolɛma ne anwo zo na bɛhyele bɛ bɛguale efiade.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

1 Kɔl 4:11

Ɛnɛ nee ɛnɛ ala ɛhɔne nee nzuhɔne tɛku yɛ; yɛ adɛladeɛ ɛtete yɛ nwo, bɛbila yɛ mbaka, yɛnlɛ awuke, mgbɔsa mgbɔsa a ɛdɔ yɛ nwo a;

1 Kɔl 7:5

Bɛmmabɔ bɛ nwo abolɛ, kyesɛ bɛ mu nwiɔ bɛdumua bɛkponle zolɛ kɛ bɛyɛ ye zɔhane na bɛanyia alagye bɛazɛlɛ; nzinlii bɛzia bɛyia nu bieko, amaa yeamba ye kɛ bɛangola bɛ nwo sɔ la ati Seetan azɔ bɛ anlea.

2 Kɔl 11:27

Meli gyima nee mgbelera dɔɔnwo; aleɛ dwo a nafelɛ ɛngɔ me nye zo; ɛhɔne nee nzuhɔne ku me; mekye ɛhɔne, ɛyɛlɛ ku me yɛɛ melɛ me nwo zɔ ɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:1

Ɔlua ɛhye ati medame Pɔɔlo, mɔɔ bɛmɛ mɔɔ bɛnle Dwuuma la ati bɛhye me nuokɛ bɛmaa Kelaese Gyisɛse la, mesɛlɛ dahuu memaa bɛ.

Mɛla 25:3

Saa ɔkyele zolɛ a bɛbila ye empele abulanla, ɔnle kɛ ɔbo. Saa ɔbo a ɛnee bɛbɔ adiema ne anyiemgba wɔ bagua nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:13

ɛmaa ɔlua zo suakunlu sinzavolɛma ne mɔ amuala nee bɛdabɛ mɔɔ ɛha la amuala ɛnwu ye kɛ Kelaese ati a mela efiade a.

1 Tɛs 2:9

Nɔhalɛ, mediema, bɛkakye kɛ yɛzile yɛyɛle gyima yɛvɛle la. Yɛyɛle gyima nɔɔzo nee ewiazo, amaa yɛanyɛ kpomgbolo yɛamkpolo bɛ kɔme wɔ mekɛ mɔɔ yɛka Edwɛkpa ne mɔɔ vi Nyamenle ɛkɛ ne la yɛahile bɛ la.

1 Tem 4:10

Ɛhye ati yɛɛ yɛpele yɛyɛ gyima ɛsesebɛ a, ɔluakɛ yɛva yɛ nye yɛdo tease Nyamenle ne anwo zo. Yemɔ yɛɛ ɔle menli kɔsɔɔti bɛ Ngoanedievolɛ a, bɔbɔ bɛdabɛ mɔɔ bɛdie bɛdi la.

2 Tem 1:8

Mmamaa Awulae anwo daselɛlilɛ yɛ wɔ nyiane; yɛɛ mmamaa medame noko mɔɔ Kelaese ati mela efiade la me nwo yɛ wɔ nyiane. Ɛdawɔ dua anwosesebɛ ne mɔɔ Nyamenle ɛva ɛmaa wɔ la azo nwu Edwɛkpa ne anwo amaneɛ ne bie.

2 Tem 2:9

Na Edwɛkpa ɛhye ati yɛɛ melɛnwu amaneɛ na bɛgua me nwɔnzɔnwɔnzɔ kɛ asɛɛ medo mɛla bie la. Nyamenle edwɛkɛ ne ɛdeɛ bɛtɛguale ye nwɔnzɔnwɔnzɔ.

2 Tem 4:5

Na wɔmɔ, sie ɛ ti koonwu, mia ɛ nye te nyane, kpɔsa bɔ Edwɛkpa ne nolo, na yɛ Nyamenle gyima ne kɛ ɛle sonvolɛ.

Kɛlata mɔɔ bɛhɛlɛle bɛhɔmanle Hibuluma la 11:36

Bɛzile bie mɔ amgbu, bɛbole bɛ, yɛɛ bɛguale bie mɔ anga na bɛguale bɛ efiade.

Kɛlata mɔɔ bɛhɛlɛle bɛhɔmanle Hibuluma la 13:17

Bɛdie bɛ mgbanyima ne mɔ na bɛli bɛ mɛla zo. Mgbanyima zɛhae mɔ a dahuu nea bɛ ɛkɛla zo a, ɔboalekɛ bɛbabu bɛ gyima nwo mgbonda bɛahile Nyamenle. Saa bɛtie bɛ nloa edwɛkɛ a, bɛdabɛ noko bɛbava fɛlɛkolilɛ bɛayɛ bɛ gyima. Saa tɛ ye zɔhane ɛdeɛ a, bɛbava nyanelilɛ a bɛayɛ a, na ɛhye noko ɛnrɛboa bɛ kpalɛ biala.

Kɛlata mɔɔ bɛhɛlɛle bɛhɔmanle Hibuluma la 13:23

Memaa bɛade kɛ bɛye adiema nrenya Temɔte bɛvi efiade. Saa ɔba ɛke ndɛndɛ a, me nee ye yɛbarakpɔla bɛ.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.