2 Kɔl 6:18 - BAEBOLO ANZƐƐ BULUKU NWUANZANWUANZA

¹⁸ Mebayɛ bɛ ze, na bɛayɛ me mra mrenya nee mraalɛ, kɛ Tumivolɛ Awulae se la ɛne!”

2 Kɔl 6:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:1

Mekɛ mɔɔ Ebilam lile ɛvolɛ abulahɔnla nee ngɔnla la, Ɛdɛnkɛma yele ɔ nwo hilele ye na ɔzele ye kɛ, “Medame a mele Nyamenle Bedevinli ne a; di me mɛla zo na mmamaa ɛ nwo nyia ngehanleɛ biala.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:3

Gyekɔbo zele Dwosefi kɛ, “Nyamenle Bedevinli ne yele ɔ nwo hilele me wɔ Lɛze mɔɔ wɔ Keena maanle nu la na ɔyilale me, ɔzele me kɛ,

2 Sam 7:14

Mebayɛ ɔ ze, na ɔdaye ɔbayɛ me ra. Saa ɔyɛ ɛtane a mebadea ye, kɛmɔ selɛ tea ɔ ra la.

1 Edk 17:13

Mebayɛ ɔ ze na yeayɛ me ra. Menrɛgyakyi ɔ nzi ɛlilɛ kɛmɔ mengyakyile Sɔɔlo la. Menyele Sɔɔlo ɛkɛ ne, amaa wɔali belemgbunli.

Edwɛndolɛ Buluku ne 22:30

Amozi amra bazonle ye; menli baha Awulae anwo edwɛkɛ ahile awolɛndoazo mɔɔ bara la,

Ayezaya Buluku ne 43:6

Mebaha meahile sɔlɔ amra kɛ, ‘Bɛgyakyi bɛ,’ na meaze nyiakɛ amra kɛ, ‘Bɛmmafa bɛ sa bɛka bɛ;’ me mra mrenya ne mɔ vi moa moa, yɛɛ me mra mraalɛ ne mɔ vi ewiade ɛleka biala bara.

Gyɛlɛmaya Buluku ne 3:19

Ɛdɛnkɛma se, “Yizilayɛ, mendwenlenle kɛ mefa wɔ meaboka me mra ne mɔ anwo, na meamaa wɔ azɛlɛ mɔɔ le anyelielɛ, azɛlɛ kɛnlɛma mɔɔ tɛla ewiade ye azɛlɛ biala. Ɛnee medwenle kɛ ɛkɛvɛlɛ me ‘Egya’, na ɛnrɛhakyi ɛ nzi ɛnrɛzi me bieko.

Gyɛlɛmaya Buluku ne 31:1

Ɛdɛnkɛma se, “Mekɛ zɔhane, mebayɛ Yizilayɛ mbusua ekpunli ekpunli ne mɔ kɔsɔɔti bɛ Nyamenle, na bɛdabɛ noko bɛbayɛ me menli.

Gyɛlɛmaya Buluku ne 31:9

Yizilayɛma bava ɛzunlɛ ara, mebakyekye bɛ rɛle, meava bɛ meazia meara sua nu, mebava bɛ measianle azudenle nloa, bɛbalua ademgbole fɔɔnwo mɔɔ bɛnrɛdu koti nu la anu, ɔluakɛ mele selɛ memaa Yizilayɛ, yɛɛ me belamunli ralɛ nrenya a le Yifelaem.

Dw 1:12

Bie mɔ dɔɔnwo liele ye na bɛliele ye bɛlile; ɛhye ati ɔmanle bɛ adenle kɛ bɛyɛ Nyamenle amra,

Wulo 8:19

Abɔdeɛ muala ɛlɛkendɛ anwolɔlɛ kpole nu kɛ Nyamenle kɛye ɔ mra kɛhile.

Wulo 8:29

Bɛdabɛ mɔɔ Nyamenle ɛkpa nu ɛye bɛ la, yeva bɛ yezie ahane kɛ bɛbayɛ kɛ ɔ Ra ne la, amaa Ralɛ ne ayɛ mediema dɔɔnwo adiema kpanyinli.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:26

Bɛhakye ɛhye: Bɛlie Gyisɛse bɛli la ati bɛ kɔsɔɔti bɛ nee Gyisɛse Kelaese ɛbɔ nu ɛyɛ Nyamenle amra.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:5

Nyamenle bɔle kpɔkɛ dɛba kɛ, ɔlua Gyisɛse Kelaese anwo zo, ɔbamaa yɛayɛ ɔ mra, kɛmɔ ye ɛhulolɛdeɛ ne mɔɔ gyi ɔ nyunlu la de la.

Yekile 1:8

Kɛ tete Awulae Nyamenle Bedevinli ne mɔɔ ɛnee wɔ ɛkɛ, na ɔwɔ ɛkɛ ne kɛkala, na ɔbara la se la ɛne, “Medame a mele ‘Alefa’ ne nee ‘Omiga’ ne a.”

Yekile 21:22

Meannwu ɛzonlenlɛ sua wɔ suakpole ne azo, ɔboalekɛ ye Ɛzonlenlɛ Sua a le Awulae Nyamenle Bedevinli ne ɔdaye mumua ne nee Boaneralɛ ne.

Yekile 21:7

Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.