2 Kɔl 6:16 - BAEBOLO ANZƐƐ BULUKU NWUANZANWUANZA

¹⁶ Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

2 Kɔl 6:16 ပူးပေါင်းရင်းမြစ်များ

1 Arl 18:21

Yilaegya rale ɛlɔne ne amuala anyunlu na ɔzele bɛ kɛ, “Duzu ati a bɛ adwenle ɛngya na bɛyɛ bɛ adwenle nwiɔ nwiɔ ɛ? Saa Ɛdɛnkɛma a le Nyamenle a, bɛdoa ye; na saa bɛkɛzonle bozonle Beeyale noko a, ɛnee bɛdoa ye.” Na menli ne mɔ ampili ye.

Edwɛndolɛ Buluku ne 90:1

O Ɛdɛnkɛma, wɔmɔ a wɔyɛ yɛ ɛvealeka wɔ awolɛndoazo kɔsɔɔti anu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:3

“Bɛmmasonle nyamenle gyɛne biala kɛ me ngome ala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:13

“Edwɛkɛ biala mɔɔ meha mehile bɛ la, bɛdie ye boɛ. Bɛmmabɔ nyamenle gyɛne biala duma, yɛɛ bɛmmamaa bie duma finde bɛ nloa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:8

Maa menli ne ɛziezie ɛleka nwuanzanwuanza ɛmaa me, amaa meadɛnla bɛ avinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:45

Mebadɛnla Yizilayɛma avinli na meayɛ bɛ Nyamenle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:14

“Ɔnle kɛ ɛsonle nyamenle gyɛne biala, ɔluakɛ medame Ɛdɛnkɛma mɔɔ me duma a le Nungule la, mele Nyamenle mɔɔ twe nungule a.

Gyɛlɛmaya Buluku ne 24:7

Mebamaa bɛ ahonle meamaa bɛanwu kɛ medame a mele Ɛdɛnkɛma a; bɛbayɛ me menli na meayɛ bɛ Nyamenle, ɔluakɛ bɛbava bɛ ahonle kɔsɔɔti bɛazia bɛara me ɛkɛ.”

Gyɛlɛmaya Buluku ne 31:1

Ɛdɛnkɛma se, “Mekɛ zɔhane, mebayɛ Yizilayɛ mbusua ekpunli ekpunli ne mɔ kɔsɔɔti bɛ Nyamenle, na bɛdabɛ noko bɛbayɛ me menli.

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Gyɛlɛmaya Buluku ne 32:38

Bɛbayɛ me menli, na meayɛ bɛ Nyamenle.

Yizikeɛle Buluku ne 11:20

Bɛbazie me mɛla ne nee me ngyehyɛlɛ ne mɔ na bɛali zolɛ; bɛbayɛ me menli na meayɛ bɛ Nyamenle.

Yizikeɛle Buluku ne 36:25

Mebakponde nzule mɔɔ anye te la bɛ nwo, na bɛ nwo bade avi bɛ ɛtane biala nee bɛ mmonle mɔɔ bɛzonlenle la anwo.

Yizikeɛle Buluku ne 36:28

Bɛbadɛnla azɛlɛ ne mɔɔ menvale memanle bɛ ze mɔ la azo, bɛbayɛ me menli na meayɛ bɛ Nyamenle.

Yizikeɛle Buluku ne 43:7

Ɔse, “Sonla ra, me belemgbunli ebia ne nee ɛleka mɔɔ mefa me gyakɛ mesiezie la ɛne. Mebadɛnla Yizilayɛma avinli dahuu. Yizilayɛma ɛnrɛzɛkye me duma nwuanzanwuanza ne bieko. Bɛdabɛ Yizilayɛma o, anzɛɛ bɛ arelemgbunli o, bɛ biala ɛnrɛva bɛ tuutuulilɛ nee bɛ arelemgbunli avunli ɛnrɛgua me duma nwuanzanwuanza ne anwo evinli.

Yizikeɛle Buluku ne 43:9

Kɛkala maa bɛvuandi bɛ mmonle ne mɔ bɛgua na bɛzie bɛ arelemgbunli ne mɔ avunli wɔ moa moa mɔɔ bɛmbikye me la, na me nee bɛ badɛnla dahuu.”

Hozia Buluku ne 14:8

O Yifelaem, duzu a me nee mmonle lɛ yɛ a? Medame a mebua bɛ nzɛlɛlɛ nwo, menea bɛ nwo zo a. Mele kɛ sepelɛse baka dokodoko, medame a memaa bɛso ma a.”

Hozia Buluku ne 2:23

Mebalua ye azɛlɛ ne azo meamaa me nwo. Mebaze “Bɛnzebɛanwunvɔne” anwunvɔne, na meaze “Tɛmemenli ɔ” kɛ, “Bɛle me menli” na ɔdaye ɔbaha kɛ, “Ɛle me Nyamenle.”

Sɛlɛ 26:12

Me nee bɛ balua, meayɛ bɛ Nyamenle, na bɛayɛ me menli.

Zɛfanaya Buluku ne 1:5

Bɛdabɛ mɔɔ bɛgyinla sua ti zo bɛbɔ bɛ ti aze bɛmaa anwumaneamra, bɛdabɛ mɔɔ bɛdi amonle bɛkile Ɛdɛnkɛma na eza bɛali amonle bɛahile bozonle Molɛke noko,

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Zɛkalaya Buluku ne 8:8

na meava bɛ meara meamaa bɛaradɛnla Gyɛlusalɛm. Bɛbayɛ me menli na meayɛ bɛ Nyamenle, wɔ nɔhalɛlilɛ nee tenleneyɛlɛ nu.”

Edwɛkpa ne kɛmɔ Mateyu hɛlɛle la 16:16

Saemɔn Pita buale kɛ, “Wɔmɔ a ɛle Kelaese ne, mɔɔ le tease Nyamenle ne Ara ne.”

Edwɛkpa ne kɛmɔ Mateyu hɛlɛle la 6:24

“Awie biala ɛnrɛhola ɛnrɛzonle menlenlɛ nwiɔ, ɔluakɛ saa ɔyɛ ye zɔhane a ɔbahulo ko na yeakpɔ ko, anzɛɛ ɔbali ko eni na yeakpo ko. Zɔhane ala yɛɛ bɛnrɛhola Nyamenle nee ezukoa sonle a.

Edwɛkpa ne kɛmɔ Luku hɛlɛle la 5:36

Gyisɛse eza bule bɛ ɛrɛlɛ ɛhye: “Awie ɛnde tɛladeɛ fofolɛ ɛdanlɛ ɛnda tɛladeɛ dɛba nu; saa ɔyɛ ye zɔhane a, ɛnee yede fofolɛ ne mgbane, ɛdanlɛ fofolɛ ne bɔbɔ nee dɛba ne ɛnrɛyɛ ko.

Dw 14:23

Gyisɛse buale ye kɛ, “Awie biala mɔɔ kulo me la bali me ngilehilelɛ zo. Egya bahulo ye, na me nee Egya yɛbara ɔ nwo ɛkɛ yɛ nee ye aradɛnla.

Dw 6:56

Sonla mɔɔ di me nwonane na ɔno me mogya la de me nu, yɛɛ medame mede ye nu.

Wulo 8:11

Na saa Nyamenle Sunsum ne, mɔɔ dwazole Gyisɛse vile ewule nu la de bɛ nu a, ɛnee noko mɔɔ dwazole Gyisɛse vile ewule nu la bamaa bɛdabɛ noko bɛ sonlabaka ye mɔɔ wu la ngoane wɔ ye Sunsum ne mɔɔ wɔ bɛ nu la ati.

Wulo 8:9

Na bɛmɛ, bɛnde bɛmmaa bɛ sonlabaka ne, na saa Nyamenle Sunsum ne wɔ bɛ nu a, ɛnee noko bɛde bɛmaa Sunsum ne. Mɔɔ ɛnlɛ Kelaese Sunsum ne bie wɔ ye nu la ɛnle Kelaese ɛdeɛ.

Wulo 9:26

Na ɛleka mɔɔ bɛwɔ a bɛzele bɛ kɛ, ‘Bɛnle me menli’ la, ɛkɛ ne ko ne ala yɛɛ bɛbavɛlɛ bɛ tease Nyamenle ne amra a.”

1 Kɔl 10:21

Ɔnle kɛ bɛno Awulae dwora ne anu na eza bɛanlo mbɔnsam dwora nu; yɛɛ ɔnle kɛ bɛtɛnla Awulae ɛkponle nwo na eza bɛahɔdɛnla mbɔnsam ɛkponle nwo.

1 Kɔl 6:19

Asoo bɛnze kɛ bɛ sonlabaka ne le Sunsum Nwuanzanwuanza ne mɔɔ Nyamenle ɛva ɛmaa bɛ na ɔde bɛ nu la ɛzonlenlɛ sua? Bɛdabɛ bɛnlɛ bɛ nwo; bɛle Nyamenle ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:20

Bɛdabɛ noko a bɛle sua mɔɔ bɛlɛsi ye wɔ ɛzoanvolɛma nee Nyamenle kpɔmanvolɛma adiabo ne mɔɔ bɛwula la azo a, na Kelaese ɔdaye mumua ne a ɔle sua ne mgbɛnezo sika ne mɔɔ hyia kpole kpalɛ la a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:22

Kɛmɔ bɛ nee Kelaese ɛyɛ ko la, bɛdabɛ noko bɛlua Nyamenle Sunsum ne azo bɛlɛsi bɛ nee menli kɔsɔɔti kɛ sua la na Nyamenle adɛnla nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17

na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

Mɛla 5:7

“ ‘Bɛmmanyia nyamenle biala kɛ medame me ngome ala.

1 Tem 3:15

Na saa mekyɛ ɛralɛ nu a, kɛlata ɛhye bamaa wɔanwu kɛ ɔwɔ kɛ ɛsi ɛbɔ wɔ ɛbɛla wɔ Nyamenle sua nu la, meka tease Nyamenle ne asɔne ne mɔɔ le nɔhalɛ ne sika nee ye bodane la.

2 Tem 1:14

Sɔ nɔhalɛ ne mɔɔ ɔlua Sunsum Nwuanzanwuanza ne mɔɔ wɔ yɛ nu la tumi zo bɛva bɛwula ɛ sa nu la anu boɛ.

Kɛlata mɔɔ bɛhɛlɛle bɛhɔmanle Hibuluma la 3:6

Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

Kɛlata mɔɔ bɛhɛlɛle bɛhɔmanle Hibuluma la 8:10

Akee ngyekyeleɛ fofolɛ mɔɔ me nee Yizilayɛma bakyekye wɔ mekɛ mɔɔ bara la ɛne: Mebava me mɛla meawula bɛ adwenle nu, na meahɛlɛ ye bɛ ahonle zo. Mebayɛ bɛ Nyamenle, na bɛayɛ me menli.

Gyemise Kɛlata ne 4:5

Bɛmmadwenle kɛ mɔɔ Nyamenle Edwɛkɛ ne ka la le mgbane. Ɔse, “Nyamenle twe ye Sunsum ne mɔɔ yeva yewula yɛ nu la anwo nungule.”

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.

1 Dw 4:12

Awie biala ɛtɛnwunle Nyamenle ɛlɛ, na saa yɛkulo yɛ nwo ngoko ngoko a, ɛnee Nyamenle de yɛ nu, na ye ɛhulolɛ ne ɛli munli wɔ yɛ nu.

1 Dw 4:15

Awie biala mɔɔ ka to gua kɛ Gyisɛse a le Nyamenle ara ne la, Nyamenle nee ye de, yɛɛ ɔdaye noko ɔ nee Nyamenle de.

Yekile 2:1

“Kɛlɛ ɛhye kɔmaa Ɛfɛsɛse asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ nwɔlɔra nsuu ne mɔ ɔ sa fema ne anu na ɔluolua ezukoa nvutuke kɛnlaneɛ mbaka nsuu ne mɔ avinli la ɛkɛ ne.

Yekile 21:3

Mendele ɛnelɛ kpole bie wɔ belemgbunli ebia kpole ne anwo, ɔse, “Kɛkala, akee Nyamenle sua nu a le ye menli avinli. Ɔ nee bɛ badɛnla na bɛayɛ ye menli. Nyamenle mumua ne nee bɛ badɛnla na yeayɛ bɛ Nyamenle.

Yekile 21:7

Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.