2 Kɔl 6:15 - BAEBOLO ANZƐƐ BULUKU NWUANZANWUANZA

¹⁵ Kɛ ɔkɛyɛ na Kelaese nee Abɔnsam anloa azɛ bɛ nwo ɛ? Duzu a diedinli nee bozonle ɛzonlenlɛnli lɛ ye yɛ a?

2 Kɔl 6:15 ပူးပေါင်းရင်းမြစ်များ

1 Arl 18:21

Yilaegya rale ɛlɔne ne amuala anyunlu na ɔzele bɛ kɛ, “Duzu ati a bɛ adwenle ɛngya na bɛyɛ bɛ adwenle nwiɔ nwiɔ ɛ? Saa Ɛdɛnkɛma a le Nyamenle a, bɛdoa ye; na saa bɛkɛzonle bozonle Beeyale noko a, ɛnee bɛdoa ye.” Na menli ne mɔ ampili ye.

Ɛzela Buluku ne 4:3

Na Zɛlɛbabɛle, Dwɔhyua nee Yizilayɛ mbusua mgbanyinli ne mɔ buale bɛ kɛ, “Yɛngyia bɛ moalɛ wɔ yɛ Nyamenle ne Ɛzonlenlɛ Sua ne ɛzilɛ nu gyima biala anwo. Yɛdayɛ yɛbazi Ɛdɛnkɛma, Yizilayɛ Nyamenle ne Ɛzonlenlɛ Sua ne, kɛmɔ Maanle Maanle Belemgbunli Saelɛse ɛze yɛ la.”

Edwɛkpa ne kɛmɔ Maake hɛlɛle la 16:16

Awie biala mɔɔ kɛlie kɛli na bɛkɛzɔne ye la kɛnyia ngoane; na mɔɔ anlie anli la, bɛkɛbu ye ewule fɔlɛ.

Ɛzoanvolɛma Gyima ne 5:14

Menli dɔɔnwo kpalɛ, mraalɛ nee mrenya mɔɔ liele Awulae lile la rabokale bɛ nwo.

Ɛzoanvolɛma Gyima ne 8:20

Na Pita buale ye kɛ, “Abule ɛbu wɔ nee wɔ ezukoa ne amuala, kɛ ɛkɛdwenle kɛ bɛfa ezukoa a bɛtɔ Nyamenle ahyɛlɛdeɛ a!

1 Kɔl 6:6

mɔɔ yemɔti adiema fa adiema kɔ kɔɔto kɔmaa bɛdabɛ mɔɔ bɛnlie Edwɛkpa ne bɛnli la bua bɛ ndɛne a?

1 Tem 5:8

Saa awie ɛngola ye mbusua nea, bɔbɔ ɔngola ye awovolɛ boɛ nea a, ɛnee yekpo diedi ne na yezɛkye yedɛla sonla mɔɔ ɛnlɛ diedi la.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

Maanlebuvolɛma Buluku ne 19:22

Na mekɛ mɔɔ bɛlɛdi debie na bɛ nye ɛlie la, arɛlevilɛ nu ala, suakpole ne azo mrenya bie mɔɔ fa bɛ gɔnwo mɔ mrenya la rabɔle yiale sua ne na bɛbɔle anlenkɛ ne anu ndinlizo. Bɛzele nrenya kpanyinli ne kɛ, “Fa nrenya ne mɔɔ wɔ wɔ sua ne anu la finde maa yɛ nee ye ɛyɛ nrenya nee nrenya.”

Maanlebuvolɛma Buluku ne 20:13

Bɛye menli zɔhane mɔ mɔɔ wɔ Gebɛya, mɔɔ bɔle munzule ɛbɛla ne la bɛrɛla bɛmaa yɛhu bɛ, na yɛkpa munzule ɛhye yɛvi Yizilayɛ maanle ye anu.” Na Bɛngyamanema andie bɛ mediema Yizilayɛma ne ane.

1 Sam 2:12

Nvasoɛ biala amba Yilae amra ne mɔ anwo zo. Bɛambu Ɛdɛnkɛma bie.