2 Kɔl 6:14 - BAEBOLO ANZƐƐ BULUKU NWUANZANWUANZA

¹⁴ Bɛ nee bɛdabɛ mɔɔ bɛnlie Kelaese bɛnli la mmatu. Kɛ ɔkɛyɛ na kpalɛ nee ɛtane adila agɔnwolɛ ɛ? Kɛ ɔkɛyɛ na wienyi nee awozinli abɔ nu adɛnla ɛ?

2 Kɔl 6:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:3

Mekulo kɛ ɛfa Ɛdɛnkɛma, Nyamenle ne mɔɔ bɔle anwuma nee aze la ɛka ndane kɛ, ɛnrɛgya Keenama mɔɔ mede bɛ avinli la amra mraalɛ ne mɔ bie ɛnrɛmaa me ra nrenya ne,

1 Arl 18:21

Yilaegya rale ɛlɔne ne amuala anyunlu na ɔzele bɛ kɛ, “Duzu ati a bɛ adwenle ɛngya na bɛyɛ bɛ adwenle nwiɔ nwiɔ ɛ? Saa Ɛdɛnkɛma a le Nyamenle a, bɛdoa ye; na saa bɛkɛzonle bozonle Beeyale noko a, ɛnee bɛdoa ye.” Na menli ne mɔ ampili ye.

2 Edk 19:2

Na Nyamenle sonla Gyihu, mɔɔ le Haneenae ara ne, hɔyiale ye na ɔbizale belemgbunli ne kɛ, “Asoo ɛnea a ɛnee ɔle kpalɛ kɛ ɔwɔ kɛ ɛboa amumuyɛma na ɛkɛhulo menli mɔɔ kyi Ɛdɛnkɛma la ɔ? Ɔlua ɛhye ati, Ɛdɛnkɛma ɛva ɛ nwo ɛya.

Ɛzela Buluku ne 10:19

Bɛbɔle ɛwɔkɛ kɛ bɛbɔ bɛ mraalɛ ne mɔ ewole, na bɛvale boane nyinli ko kɛ bɛva bɛbɔ bɛ ɛtane ne mɔ anwo azu.

Edwɛndolɛ Buluku ne 106:35

na bɛ nee bɛ bɔle nu dɛnlanle, na bɛzukoale bɛyɛle mɔɔ maanle ne anu amra yɛ la.

Edwɛndolɛ Buluku ne 119:63

Me nee menli mɔɔ sulo wɔ la a tu a; bɛdabɛ mɔɔ bɛdi wɔ mɛla zo la a me nee bɛ tu a.

Edwɛndolɛ Buluku ne 16:3

Anwondelɛma mɔɔ wɔ azɛlɛ ne azo la le menli kpalɛ, me nye die bɛ nwo somaa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:16

Wɔannea a eza bɛ mra mrenya bagya bɛ mra mraalɛ ne bie mɔ, na bɛ mra mrenya ne mɔ noko ali awozonle ɛzonlenlɛ tuutuu, amaa bɛ mra mrenya ne mɔ noko ali awozonle ɛzonlenlɛ tuutuu azonle bɛ awozonle ne mɔ.

Mrɛlɛbulɛ Buluku ne 22:24

Mmafa sonla mɔɔ ye ahonle bikye ye la agɔnwolɛ, yɛɛ ɛ nee sonla mɔɔ fa ɛya mgbane mgbane la mmatu,

Mrɛlɛbulɛ Buluku ne 29:27

Sonla mɔɔ le tenlene la kyibadeɛ a le sonla mɔɔ ɛnli boɛ la, yɛɛ mɔɔ ye ɛbɛlabɔlɛ ne le fɔɔnwo la le kyibadeɛ maa amumuyɛnli.

Sɛlɛ 19:19

“Ɔwɔ kɛ bɛdi me mɛla ne mɔ azo. Ɔnle kɛ bɛmaa nyɛmoa gyɛne fola bɛ nyɛmoa. Ɔnle kɛ bɛdua ma ngakyile nwiɔ wɔ ɛya ko ne ala anu, yɛɛ ɔnle kɛ bɛfa ninyɛne ngakyile nwiɔ bɛnwo tɛladeɛ bɛwula.

Malakae Buluku ne 2:11

Dwudama anli nɔhalɛ, bɛbɔ munzule wɔ Yizilayɛ amuala nee Gyɛlusalɛm. Dwudama ɛva evinli ɛha Ɛleka Nwuanzanwuanza ne mɔɔ Ɛdɛnkɛma anye die ɛkɛ ne la. Bɛhɔgya mraalɛ mɔɔ sonle nyamenle gyɛne la.

Malakae Buluku ne 2:15

Asoo Ɛdɛnkɛma anga bɛ ambɔ nu anyɛ bɛ ko wɔ sunsum nee nwonane nu? Na duzu a ɛnee ɔkpondɛ a? Ɔkpondɛ Nyamenle nu mralɛ. Yemɔti bɛnlea bɛ nwo boɛ kpalɛ na bɛmmabɔ bɛ mraalɛ mɔɔ bɛkɛgya bɛ bɛ mgbavolɛ nu la ewole.

Dw 7:7

Ɛtane ewiade ye ɛmkpɔ bɛ, na mame, ɔkpɔ me, ɔluakɛ meka mekile ye dahuu kɛ ye ndenle ne mɔ ɛnle kpalɛ.

Ɛzoanvolɛma Gyima ne 4:23

Mɔɔ bɛgyakyile bɛ la, Pita nee Dwɔn ziale hɔle bɛ gɔnwo mɔ anwo ɛkɛ na bɛhanle mɔɔ sɛlɛvolɛ mgbanyinli nee maanle mgbanyinli ne mɔ hanle la amuala bɛhilele bɛ.

1 Kɔl 10:21

Ɔnle kɛ bɛno Awulae dwora ne anu na eza bɛanlo mbɔnsam dwora nu; yɛɛ ɔnle kɛ bɛtɛnla Awulae ɛkponle nwo na eza bɛahɔdɛnla mbɔnsam ɛkponle nwo.

1 Kɔl 15:33

Bɛmmamaa bɛbɛlɛbɛla bɛ, “Agɔnwolɛ ɛtane sɛkye ɛbɛla kpalɛ.”

1 Kɔl 5:9

Menganle ye wɔ me kɛlata ne anu kɛ bɛ nee menli mɔɔ bɔ ɛbɛla mgbane mgbane la mmatu.

1 Kɔl 6:6

mɔɔ yemɔti adiema fa adiema kɔ kɔɔto kɔmaa bɛdabɛ mɔɔ bɛnlie Edwɛkpa ne bɛnli la bua bɛ ndɛne a?

1 Kɔl 7:39

Ɔnle kɛ raalɛ te ɔ nwo fi ɔ hu anwo wɔ mekɛ mɔɔ ɔ hu de ngoane nu la. Na saa ɔ hu wu a, ɔlɛ adenle kɛ ɔgya nrenya biala mɔɔ ɔkulo la, noko ɔwɔ kɛ nrenya ne yɛ Keleseɛnenli.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:15

amaa awie annwu nvonleɛ biala wɔ bɛ nwo anzɛɛ anzu bɛ nɔhalɛlilɛ nwo kpolera kɛ bɛle Nyamenle amra mɔɔ evinli fee ɛnle bɛ nwo, wɔ adalɛ nee ɛtane ewiade ye anu a. Saa bɛwɔ bɛ avinli a bɛda kɛ bɛmɛ a bɛle ewiade ahɛnlaneɛ a,

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.