2 Kɔl 6:10 - BAEBOLO ANZƐƐ BULUKU NWUANZANWUANZA

¹⁰ Saa bɛbɔ yɛ rɛle a, yɛ nye die yɛ nwo dahuu; ɔzɔho kɛ yɛle ehyianvolɛma, noko yɛyɛ menli dɔɔnwo sukoavolɛma; ɔzɔho kɛ yɛnlɛ bie, noko nɔhalɛ, yɛlɛ debie biala.

2 Kɔl 6:10 ပူးပေါင်းရင်းမြစ်များ

Edwɛndolɛ Buluku ne 84:11

Ɔluakɛ Ɛdɛnkɛma Nyamenle ne le sɛnzɛne nee enyinlike, ɔdaye a ɔmaa ɛlolɛ nee enililɛ a. Ɛdɛnkɛma ɛnva debie kpalɛ biala ɛnvea bɛdabɛ mɔɔ bɛle tenlenema la.

Mrɛlɛbulɛ Buluku ne 13:7

Sonla ne bie yɛ ɔ nwo kɛ yenyia ɔ nwo, noko ɔnlɛ ɛhwee; bie noko yɛ ɔ nwo kɛ ɔnlɛ bie, noko yenyia ɔ nwo kpole kpalɛ.

Mrɛlɛbulɛ Buluku ne 16:16

Ɛze nrɛlɛbɛ a ɔle kpalɛ ɔtɛla kɛ ɛlɛ ezukoa nvutuke, yɛɛ ɛlɛ ndelebɛbo a ɔle kpalɛ ɔtɛla dwɛtɛ fufule.

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Edwɛkpa ne kɛmɔ Mateyu hɛlɛle la 5:4

“Nyilalɛ ɛha bɛdabɛ mɔɔ nyane ɛha bɛ la; Nyamenle bakyekye bɛ rɛle!

Edwɛkpa ne kɛmɔ Luku hɛlɛle la 6:21

“Nyilalɛ ɛha bɛdabɛ mɔɔ ɛhɔne ɛlɛku bɛ kɛkala la; Nyamenle bamaa bɛ ko ayi. “Nyilalɛ ɛha bɛdabɛ mɔɔ bɛlɛsu kɛkala la; Nyamenle bamaa bɛazele.

Dw 16:22

Zɔhane ala yɛɛ ɔle ɔmaa bɛ a; kɛkala alɔbɔlɛ ɛha bɛ, na mebaranwu bɛ bieko na fɛlɛkolilɛ bayi bɛ ahonle nu tɛkɛɛ, fɛlɛkolilɛ mɔɔ awie biala ɛnrɛhola bɛ sa die ɛlɛ a.

Ɛzoanvolɛma Gyima ne 16:25

Nɔe ne, kɛyɛ alevinli mu nwiɔ avinli, ɛnee Pɔɔlo nee Saelase ɛlɛyɛ nzɛlɛlɛ na bɛlɛto edwɛne bɛaye Nyamenle ayɛlɛ, na menli mɔɔ bɛdabɛ noko bɛgua efiade ne bie la ɛlɛtie bɛ.

Ɛzoanvolɛma Gyima ne 3:6

Na Pita zele ye kɛ, “Menlɛ ezukoa fee, na mɔɔ melɛ ye la a mefa meamaa wɔ la. Ɔlua Gyisɛse Kelaese mɔɔ vi Nazalɛte la duma nu, mese wɔ kɛ, dwazo tia!”

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

Wulo 11:12

Dwuuma ɛtane mɔɔ ɛyɛ la ɛva nyilalɛ dɔɔnwo ɛra ewiade, na bɛ sunsum nu ehyia ɛlilɛ ɛva nyilalɛ ɛrɛlɛ bɛdabɛ mɔɔ bɛnle Dwuuma la. Yemɔti saa Dwuuma amuala baraboka nwo a anrɛɛ nyilalɛ ne bayɛ kpole kpalɛ!

Wulo 12:15

Bɛ nee mɔɔ di fɛlɛko la ɛli fɛlɛko na bɛ nee mɔ su la ɛzu.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 8:32

Nea, yeanva ɔ Ra ne yeanyɛ yɛ abokɛ na yeva ye yebɔ azu wɔ yɛ muala yɛ ti! Na saa yeva ɔ Ra ne yemaa wɔ yɛ ti a, ɛnee fane nyɛ yɛɛ akee ɔnrɛva ninyɛne muala ɔnrɛboka ɔ Ra ne anwo ɔnrɛmaa yɛ a?

Wulo 9:2

yɛɛ ɔze nyane mɔɔ melɛdi wɔ me ahonle nu

1 Kɔl 1:5

Ɔluakɛ Kelaese ati bɛnyia bɛ nwo wɔ ninyɛne kɔsɔɔti anu, bɔbɔ wɔ edwɛkɛ ɛhanlɛ nee adwenle nu amuala.

2 Kɔl 2:4

Menvale nyanelilɛ, arɛlebɔlɛ nee monle a mengɛlɛle bɛ a, amaa bɛanwu kɛ mesi mekulo bɛ la, na tɛ kɛ asɛɛ mekulo kɛ mebɔ bɛ rɛle la ati ɔ.

2 Kɔl 4:15

Ɛhye mɔ amuala lua bɛmɛ bɛ ti, amaa mɔɔ Nyamenle ɛlolɛ ne ɛlɛtɛlɛ ahɔ menli dɔɔnwo anwo zo la, bɛava moyɛlɛ bɛawula Nyamenle anyunlunyia.

2 Kɔl 4:7

Noko yɛmɛ mɔɔ yɛlɛ Sunsum nu anwonyia ɛhye la yɛle kɛ mbuakɛ ala, amaa yeala ali kɛ tumi bedevinli ne le Nyamenle ɛdeɛ, na ɔnle yɛ ɛdeɛ.

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:16

kɛ ye anyunlunyia ne kpole ti, ɔlua ye Sunsum ne azo ɔmaa bɛ anwosesebɛ ɔmaa bɛgyinla kpundii wɔ adwenle nu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

1 Tɛs 5:16

Dahuu bɛmaa bɛ nye ɛlie,

1 Tem 4:8

Nwonane agbɔkɛ nu ɛkpundinlɛ hyia kpalɛ, noko sunsum nu ɛdeɛ ne hyia kpole kpalɛ, ɔluakɛ ɔmaa yɛ kɛkala nee kenle bie ngoane mɔɔ ɛnlɛ awieleɛ.

1 Tem 6:18

Ɔwɔ kɛ bɛyɛ nyele, bɛkɔ zolɛ bɛyɛ nyɛleɛ kpalɛ, bɛfa atiakunlukɛnlɛma nee ɛhulolɛ bɛkyɛ debie.

Kɛlata mɔɔ bɛhɛlɛle bɛhɔmanle Hibuluma la 10:34

Bɛ nee menli mɔɔ bɛguale bɛ efiade la lile nyane, yɛɛ mɔɔ bɛzale bɛ bɛliele bɛ nwo ninyɛne bɔbɔ la, yeanvane bɛ nwo fee, ɔboalekɛ ɛnee bɛze kɛ bɛlɛ ninyɛne kpalɛ mɔɔ ɛnzɛkye ɛlɛ la wɔ ɛkɛ.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.

Yekile 2:9

Meze wɔ amaneɛnwunlɛ kpokpoti. Meze wɔ ɛhyianlɛ, noko ɛlɛ anwonyia! Meze munzule edwɛkɛ mɔɔ bɛdabɛ mɔɔ bɛse bɛle Dwuuma noko bɛnle Dwuuma la ɛlɛkeha atia wɔ la. Menli zɔhane mɔ le Seetan eku nu menli.

Yekile 21:7

Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.