2 Kɔl 6:1 - BAEBOLO ANZƐƐ BULUKU NWUANZANWUANZA

¹ Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

2 Kɔl 6:1 ပူးပေါင်းရင်းမြစ်များ

Gyɛlɛmaya Buluku ne 8:8

Kɛ bɛsi bɛkola bɛka kɛ, ‘Yɛze nrɛlɛbɛ, yɛɛ yɛze Ɛdɛnkɛma mɛla ne’ ɛ? Bɛnlea, mɛla kɛlɛhɛlɛvolɛma adalɛ ɛhakyi mɛla ne.

Edwɛkpa ne kɛmɔ Mateyu hɛlɛle la 23:37

“Gyɛlusalɛm, O Gyɛlusalɛm! Mɔɔ ɛku Nyamenle kpɔmanvolɛma, ɛsi menli mɔɔ Nyamenle ɛzoa bɛ wɔ ɛ nwo la awolɛ a! Fane dɔɔnwo yɛɛ mehulo kɛ anrɛɛ menwɔva me sa menwɔbɛla wɔ menli ne amuala kɛ akɔlɛ ɛdane butu ɔ mra anwo zo la, noko wɔammaa me adenle.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 14:3

Noko ɛzoanvolɛma ne dɛnlanle ɛkɛ hyɛle, bɛhanle Awulae anwo edwɛkɛ ne akɛnrasesebɛ zo na Awulae hilele nɔhalɛ mɔɔ wɔ ye ɛlolɛ nwo nolo ne mɔɔ bɛlɛbɔ la anu na ɔmanle bɛ tumi ɔmanle bɛyɛle sɛkɛlɛneɛ nee nwanwane ninyɛne dɔɔnwo.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

1 Kɔl 3:9

Ɔluakɛ yɛ mu nwiɔ yɛle Nyamenle egyinli nu gyimayɛvoma yɛɛ bɛmɛ a bɛle egyinli ne a. Eza bɛle Nyamenle sua.

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:21

Nyamenle ɛlo me kpole, yemɔti menrɛkpo ye amunli. Ɔluakɛ saa sonla di mɛla ne azo kolaa na yeazɔ Nyamenle anye a, ɛnee noko Kelaese wule ewule mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:4

Anzɛɛ bɛkpondɛ kɛ mɔɔ bɛnwu ye nee mɔɔ bɛnyia ye la amuala yɛ mgbane ɔ? Ɔnle kɛ ɔba ye zɔhane fee!

1 Tɛs 3:5

Ɛnee akee mengola ye me kunlu di bieko, ɛhye ati menzoanle Temɔte kɛ ɔranlea kɛ bɛ diedi ne si gyi la. Ɔnrɛyɛ nɔhalɛ kɛ Abɔnsam kɛhola kɛzɔ bɛ muala kɛnlea dedee kɛmaa yɛ gyima mɔɔ yɛyɛle la amuala kɛyɛ mgbane!

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:11

Ɔluakɛ Nyamenle ɛye ye ɛlolɛ ne ɛhile wɔ menli kɔsɔɔti bɛ ngoanelielɛ ti.

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

Kɛlata mɔɔ bɛhɛlɛle bɛhɔmanle Hibuluma la 12:25

Zɔhane ati, bɛnlea boɛ, na bɛamkpo kɛ bɛnrɛdie mɔɔ ɛlɛtendɛ la. Bɛdabɛ mɔɔ bɛkpole kɛ bɛnrɛdie mɔɔ hanle Nyamenle anloa edwɛkɛ ne hilele bɛ wɔ azɛlɛ ye azo la, anvi ɛsalɛ. Na saa akee yɛmɛ yɛkpo kɛ yɛnrɛdie mɔɔ tendɛ fi anwuma lɔ kile yɛ la a, kɛ ɔkɛyɛ na yɛavi ɛsalɛ ɛ?

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

1 Pit 4:10

Kɛmɔ bɛ muala bɛnea bɛ Nyamenle ahyɛlɛdeɛ ngakyile ne mɔ boɛ la, ko biala ɛva ye ɛdeɛ mɔɔ yenyia ye la ɛkpondɛ ɔ gɔnwo mɔ kpalɛ ɛyɛlɛ.

1 Sam 14:45

Na menli ne zele Sɔɔlo kɛ, “Ɛmaa bɛahu Dwɔnatan mɔɔ ɛli konim kpole ɛhye ɛmaa Yizilayɛma la ɔ? Nyamenle ɛkpa ɛgua. Yɛka tease Ɛdɛnkɛma kɛ, ɔ ti enrinli ko bɔbɔ ɛnrɛde ɛnrɛdɔ aze ɛlɛ. Mɔɔ ɔyɛle ɛnɛ la, Nyamenle ɔ.” Yemɔti menli ne liele Dwɔnatan ngoane.