2 Kɔl 5:9 - BAEBOLO ANZƐƐ BULUKU NWUANZANWUANZA

⁹ Debie mɔɔ hyia kpalɛ la a le kɛ, saa yɛwɔ yɛ sua nu ɛke o, anzɛɛ nehane o, yɛkɛzɔ ɔ nye.

2 Kɔl 5:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:7

Asoo saa ɛyɛle ye boɛ a, anrɛɛ ɛ nyunlu ɛnrɛra anyia? Na wɔanyɛ ye boɛ la, ɛtane ɛhɔ ɛ nwo nzia; ɔkpondɛ kɛ ɔfo ɛ nwo zo, na wɔmɔ yɛɛ ɔwɔ kɛ ɛfo ɔ nwo zo a.”

Ayezaya Buluku ne 56:7

bɛmɛ yɛɛ mebava bɛ meahɔ me boka nwuanzanwuanza ne azo, na meamaa bɛ nye alie wɔ me nzɛlɛlɛ sua ne anu a; mebalie bɛ ɛyelalɛ azubɔdeɛ nee bɛ azubɔlɛ ne mɔ wɔ me azukponle ne azo. Ɔluakɛ bɛbavɛlɛ me sua ne, menli kɔsɔɔti nzɛlɛlɛ sua.”

Dw 6:27

Bɛmmayɛ gyima bɛkpondɛ aleɛ mɔɔ ɛngyɛ na azɛkye la; bɛyɛ gyima bɛkpondɛ aleɛ mɔɔ fa bɛ kɔ ngoane mɔɔ ɛnlɛ awieleɛ la anu la. Aleɛ ɛhye yɛɛ medame Sonla Ra, mebava meamaa bɛ a, ɔboalekɛ Nyamenle Selɛ ne ɛlie me ɛdo nu na yemaa me tumi kɛ menyɛ ye zɔhane.”

Ɛzoanvolɛma Gyima ne 10:35

Awie biala mɔɔ sulo ye na ɔdi boɛ la ɔdie ye ɔto nu, yɛɛ ɔnnea ɛleka mɔɔ ɔvi nee maanle holɛ ko mɔɔ ɔvi nu la.

Wulo 14:18

Awie biala mɔɔ sonle Kelaese wɔ zɛhae adenle zo la yɛɛ Nyamenle anye die ɔ nwo na ɔsɔ menli nye a.

Wulo 14:8

Saa yɛde aze a, yɛde yɛmaa Awulae, yɛɛ saa yɛwu a, yɛwu yɛmaa Awulae. Yemɔti saa yɛde aze o, yɛwu o, yɛle Awulae ɛdeɛ.

Wulo 15:20

Ɛhye ati mɔɔ mekpondɛ la a le kɛ menwɔva Edwɛkpa ne menwɔdo gua wɔ ɛleka mɔɔ bɛtɛtele Kelaese nganeɛ ɛlɛ la, amaa meangɔnzɔ mɔɔ awie gyɛne ɛbɔ ɔ bo la azo.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

2 Kɔl 5:6

Zɔhane ati yɛlɛ akɛnrasesebɛ dahuu. Yɛze kɛ mekɛ mɔɔ yɛde nwonane sua ɛhye anu ala la, ɛnee yɛ nee Awulae yɛ avinli twe.

2 Kɔl 5:8

Yɛlɛ akɛnrasesebɛ na yɛkɛhulo ye kpalɛ kɛ yɛkɛvi nwonane sua ɛhye anu na yɛ nee Awulae kɛhɔdɛnla.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:6

Bɛmaa yɛye Nyamenle ayɛlɛ wɔ ye nwanwane ɛlolɛ kpole nee ye ahyɛlɛdeɛ ne mɔɔ yelua ɔ Ra ne mɔɔ ɔkulo ye la anwo zo yeva yemaa yɛ la ati.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

Kɔlɔ 1:29

Na ɛhye yɛɛ melɛ anwosesebɛ kpole ne mɔɔ Kelaese fa maa na ɔyɛ gyima ɛsesebɛ wɔ me nu la mepele meyɛ a.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

1 Tɛs 4:11

Bɛva bɛzie bɛ nyunlu kɛ bɛkɛbɔ ɛbɛla mɔɔ le bɛtɛɛ a, bɛdwenle bɛ nwo na bɛbɔ ɛbɛla mɔɔ kɛmaa bɛkɛhola bɛ nwo nea a, kɛmɔ yɛhanle yɛhilele bɛ la.

1 Tem 4:10

Ɛhye ati yɛɛ yɛpele yɛyɛ gyima ɛsesebɛ a, ɔluakɛ yɛva yɛ nye yɛdo tease Nyamenle ne anwo zo. Yemɔ yɛɛ ɔle menli kɔsɔɔti bɛ Ngoanedievolɛ a, bɔbɔ bɛdabɛ mɔɔ bɛdie bɛdi la.

Kɛlata mɔɔ bɛhɛlɛle bɛhɔmanle Hibuluma la 12:28

Zɔhane ati, bɛmaa yɛyɛ Nyamenle mo kɛ yemaa yɛ belemgbunlililɛ kpalɛ mɔɔ abo ɛmkpusu ɛlɛ, na yɛva ɛzulolɛ, enililɛ yɛɛ moyɛlɛ yɛzonle ye yɛmaa ɔzɔ ɔ nye,

Kɛlata mɔɔ bɛhɛlɛle bɛhɔmanle Hibuluma la 4:11

Zɔhane ati, bɛmaa yɛbɔ mɔdenle kɛ yɛkɛnyia ɛnwomenlelielɛ ne, amaa yɛanlea boɛ na yɛ nuhua biala anyɛ anzosesebɛ, kɛmɔ yɛ nlenya mɔ yɛle la.

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.