2 Kɔl 5:6 - BAEBOLO ANZƐƐ BULUKU NWUANZANWUANZA

⁶ Zɔhane ati yɛlɛ akɛnrasesebɛ dahuu. Yɛze kɛ mekɛ mɔɔ yɛde nwonane sua ɛhye anu ala la, ɛnee yɛ nee Awulae yɛ avinli twe.

2 Kɔl 5:6 ပူးပေါင်းရင်းမြစ်များ

1 Edk 29:15

O Ɛdɛnkɛma, ɛdawɔ ɛze kɛ yɛle nyɛvolɛ wɔ ɛbɛla ɛsɛlɛ ye azo na yɛle kɛ menli mɔɔ ɛra nlɔnu wɔ azɛlɛ ye azo a, kɛmɔ yɛ nlenya mɔ yɛle la. Yɛ mekɛ wɔ azɛlɛ ye azo le kɛ ɛlawolɛ mɔɔ ɛlɛse, ɔngyɛ ɛnee yepɛ nuhua.

Edwɛndolɛ Buluku ne 119:19

Mele ɛyɛvolɛ wɔ azɛlɛ ye azo; mmafa wɔ mɛla ne mɔ ɛfea me.

Edwɛndolɛ Buluku ne 39:12

O Ɛdɛnkɛma, tie me nzɛlɛlɛ, na gyele ɛ nzo tie me ɛzunlɛ; mmamaa me monle ɛhwinlɛ yɛ mgbane ɛ nyunlu. Ɔluakɛ mele wɔ ɛyɛvolɛ mɔɔ ɛlɛpɛ nu aze, adendulɛnli, kɛ yɛ nlenya mɔ la.

Mrɛlɛbulɛ Buluku ne 14:26

Sonla mɔɔ sulo Ɛdɛnkɛma la arɛle gyi pi wɔ ye nu, yɛɛ ɔ mra nyia ɛvealeka wɔ Nyamenle anu.

Ayezaya Buluku ne 30:15

Awulae Nyamenle, Yizilayɛ Nwuanzanwuanza Ko ne se, “Saa bɛsia bɛ nzi bɛba me ɛkɛ bɛbadie bɛ ɛnwomenle a, bɛkɛlie bɛ. Saa bɛfa bɛ rɛle bɛwula me nu na bɛsie bɛ nwo diinyi a, bɛkɛnyia anwosesebɛ.” Noko bɛnrɛra!

Ayezaya Buluku ne 36:4

Aselea Safohyenlema Kpanyinli ne zele bɛ kɛ, “Bɛha bɛhile Hɛzikaya kɛ, ‘Aselea Maanle Maanle belemgbunli ne ɛlɛbiza kɛ: Duzu debie yɛɛ bɛ kpundii ɛgyinlanlɛ ne gyi zo a?

2 Kɔl 5:1

Yɛze kɛ saa bɛgolo yɛ nwonane sua ye mɔɔ yɛde nu la bɛgua aze kɛ ndanlɛ sua wɔ ewiade ye anu a, Nyamenle bamaa yɛ sua mɔɔ bɛanva ɛsalɛ bɛanzi, na ɔwɔ ɛkɛ ne dahuu la wɔ anwuma.

2 Kɔl 5:8

Yɛlɛ akɛnrasesebɛ na yɛkɛhulo ye kpalɛ kɛ yɛkɛvi nwonane sua ɛhye anu na yɛ nee Awulae kɛhɔdɛnla.

Kɛlata mɔɔ bɛhɛlɛle bɛhɔmanle Hibuluma la 10:35

Zɔhane ati bɛmmakpo aze fee, ɔluakɛ ɛhye mɔ amuala, ahatualɛ kpole bie li ɔ nzi.

Kɛlata mɔɔ bɛhɛlɛle bɛhɔmanle Hibuluma la 11:13

Diedi nu yɛɛ menli ɛhye mɔ amuala wule a. Bɛ sa anga ɛwɔkɛ ne mɔ mɔɔ Nyamenle bɔle bɛ la, noko bɛnwunle ye bɛ adwenle nu wɔ moa moa na bɛliele bɛdole nu kɛ bɛle nyɛvolɛ mɔɔ ɛra nlɔnu wɔ azɛlɛ ɛhye azo a.

Kɛlata mɔɔ bɛhɛlɛle bɛhɔmanle Hibuluma la 13:14

Ɔluakɛ wɔ azɛlɛ ye azo, yɛnlɛ suakpole biala mɔɔ gyi ɛkɛ ne kpɔkpɔ a; yɛ nye la suakpole kpalɛ bie mɔɔ bara la ade.

1 Pit 5:1

Medame, mele asɔne mgbanyima ne mɔ bie. Mele Kelaese amaneɛnwunlɛ ne anwo dasevolɛ, yɛɛ mebanyia anyunlunyia ne mɔɔ bara la bie. Yemɔti mesɛlɛ bɛdabɛ asɔne mgbanyima mɔɔ wɔ bɛ avinli la kɛ,

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.