2 Kɔl 5:5 - BAEBOLO ANZƐƐ BULUKU NWUANZANWUANZA

⁵ Nyamenle a ɛziezie yɛ ɛmaa ngakyile ɛhye a, na yeva ye Sunsum ne yeli ninyɛne mɔɔ ɔbava yeamaa yɛ la anwo agyinlanu.

2 Kɔl 5:5 ပူးပေါင်းရင်းမြစ်များ

Ayezaya Buluku ne 29:23

Ɔluakɛ saa bɛnwu bɛ mra ne mɔ, medame me sa anloa gyima a, bɛbade me duma ne anwo; bɛbade medame Gyekɔbo Nwuanzanwuanza Ko ne duma ne anwo, na bɛazulo Yizilayɛ Nyamenle ne.

Ayezaya Buluku ne 60:21

Menli ne amuala bayɛ tenlenema; Bɛbava azɛlɛ ne bɛayɛ bɛ ɛdeɛ dahuu. Medame a menzole bɛ a, bɛle me sa anloa gyima, Amaa bɛawula me anyunlunyia.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Wulo 8:23

Na tɛ abɔdeɛ ngome; yɛdayɛ noko mɔɔ yɛnyia Sunsum ne kɛ Nyamenle ahyɛlɛdeɛ mɔɔ lumua la, yɛte nyane wɔ yɛ nu, wɔ mekɛ mɔɔ yɛlɛkendɛ Nyamenle kɛ ɔkɛyɛ yɛ ɔ mra na ɔkɛlie yɛ sonlabaka ne la.

2 Kɔl 1:22

yeyɛ yɛ nzonlɛ yemaa ɔ nwo, na yeva ye Sunsum Nwuanzanwuanza ne yewula yɛ ahonle nu kɛ ninyɛne mɔɔ kenle bie ɔbava yeamaa yɛ la amuala anwo awoba a.

2 Kɔl 4:17

Nyane sikalɛ ekyi ɛhye mɔɔ yɛlɛnwu ye la bava anyunlunyia mɔɔ ɛnlɛ awieleɛ na ɔle kpole kpalɛ ɔtɛla nyane ɛhye la arɛlɛ yɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:30

Bɛmmabɔ Nyamenle Sunsum Nwuanzanwuanza ne arɛle, ɔluakɛ Sunsum ne a le Nyamenle nzonlɛ mɔɔ yeyɛ ye bɛ nwo mɔɔ kile kɛ bɛle ye ɛdeɛ a; sɛkɛlɛneɛ ɛhye kile kɛ Kenle ne dwu a Nyamenle bakpɔne bɛ.

1 Dw 3:24

Awie biala mɔɔ di Nyamenle mɛla ne mɔ azo la nee Nyamenle a lua a yɛɛ Nyamenle nee ye lua. Mɔɔ maa yɛnwu kɛ Nyamenle nee yɛ lua la a le Nyamenle Sunsum ne mɔɔ Nyamenle ɛva ɛmaa yɛ la.