2 Kɔl 5:20 - BAEBOLO ANZƐƐ BULUKU NWUANZANWUANZA

²⁰ Yɛle Kelaese agyakɛ anu gyinlavolɛma, na ɔlua yɛ nwo zo Nyamenle ɛlɛtu folɛ. Zɔhane ati yɛgyi Kelaese agyakɛ anu yɛbodo yɛsɛlɛ bɛ kɛ bɛmaa Nyamenle adenle bɛmaa ɔhakyi bɛ kɛ bɛnle agbɔvolɛ na bɛle ɔ gɔnwo mɔ.

2 Kɔl 5:20 ပူးပေါင်းရင်းမြစ်များ

2 Arl 17:13

Ɛdɛnkɛma ɛmaa ye soanvolɛma nee kpɔmanvolɛma ɛrahakye Yizilayɛma nee Dwudama fane dɔɔnwo kɛ, “Bɛgyakyi ninyɛndane ɛyɛlɛ, na bɛli me edwɛkɛ nee me ngyehyɛlɛ ne mɔ mɔɔ wɔ Mɛla ne mɔɔ menvale memanle bɛ nlenya mɔ, na menluale me sonvolɛ kpɔmanvolɛma anwo zo menvale membɛlɛle bɛ la azo.”

2 Edk 36:15

Ɛdɛnkɛma, bɛ ze mɔ Nyamenle ne, zoanle menli manle bɛrabɔle bɛ kɔkɔ, ɔboalekɛ ɛnee ɔse ye menli ne nee Ɛzonlenlɛ Sua ne anwunvɔne.

Nihɛmaya Buluku ne 9:29

Ɛbɔle bɛ kɔkɔ kɛ bɛli wɔ ngilehilelɛ ne mɔ azo, na mgbanyizonle nu ala bɛkpole wɔ mɛla nee wɔ ngyehyɛlɛ ne mɔ; noko wɔ mɛla zo ɛlilɛ ne a le ngoane adenle ne a. Adubɛnwo nee anzosesebɛ nu, bɛkpole kɛ bɛnrɛli zolɛ.

Dwobu Buluku ne 22:21

“Ɛ nee Nyamenle ɛbɔ nu na nyia anzonudwolɛ, na ɛbakpazi bieko.

Dwobu Buluku ne 33:23

“Saa ɔnyia Nyamenle soanvolɛma apenle apenle ne mɔ anu kamaavolɛ ko, mɔɔ maa yeanwu mɔɔ le kpalɛ maa ye,

Dwobu Buluku ne 33:6

Nea, melua Nyamenle adenle ne anu kɛ ɛdawɔ ala la, medame noko bɛvale ndɛtɛlɛ a bɛbɔle me a.

Mrɛlɛbulɛ Buluku ne 13:17

Soanvolɛ ɛtane fa menli kɔ ngyegyelɛ nu, yɛɛ ɛbɔfoɔ kpalɛ fa anzonudwolɛ ba.

Ayezaya Buluku ne 27:5

Anzɛɛ saa bɛto bɛ nloa aze kɛ bɛkpondɛ kɛ mefa bɛ mewula me kunlu a, ɛnee bɛ nee me ɛdɛnla anzonudwolɛ nu. Ɛhɛe, bɛ nee me ɛdɛnla anzonudwolɛ nu.”

Gyɛlɛmaya Buluku ne 38:20

Gyɛlɛmaya hanle kɛ, “Bɛnrɛye wɔ bɛnrɛmaa bɛ. Wɔmɔ tie edwɛkɛ mɔɔ Ɛdɛnkɛma ɛva ɛzoa me, mɔɔ melɛka meahile wɔ la na ɔbayɛ boɛ yeamaa wɔ, bɛnrɛhu wɔ.

Gyɛlɛmaya Buluku ne 44:4

Menzoanle me sonvolɛma, Nyamenle kpɔmanvolɛma amuala bɛ nwo ɛkɛ ne dahuu kɛ, ‘O, bɛmmayɛ bɛkyi ninyɛne ɛhye mɔ na mekyi!’

Malakae Buluku ne 2:7

Ɔluakɛ ɔwɔ kɛ ndelebɛbo finde sɛlɛvolɛ biala anloa edwɛkɛ nu, yɛɛ ɔwɔ kɛ menli fa ɛzukoalɛdeɛ wɔ ye ɛdendɛlɛ nu, ɔboalekɛ ɔle Tumivolɛ Ɛdɛnkɛma soanvolɛ.

Edwɛkpa ne kɛmɔ Luku hɛlɛle la 10:16

Gyisɛse zele ye ɛdoavolɛma ne kɛ, “Sonla mɔɔ kɛdie bɛ la ɛdie me; sonla mɔɔ andie bɛ la andie me, yɛɛ mɔɔ andie me la andie ahenle mɔɔ zoanle me la.”

Edwɛkpa ne kɛmɔ Luku hɛlɛle la 14:23

Yemɔti awuke menle ne zele ye sonvolɛ ne kɛ, ‘Kɔ ademgbole ne mɔ nee ndenle ngyikyi ne mɔ anu na twe menli maa bɛrɛla bɛrayi me sua ye.

Dw 20:21

Na Gyisɛse zele bɛ bieko kɛ, “Anzonudwolɛ ɛha bɛ. Kɛmɔ Selɛ ne zoanle me la, zɔhane ala yɛɛ medame noko mesoa bɛ a.”

Wulo 5:10

Mɔɔ ɛnee yɛle Nyamenle kpɔvolɛma la, yelua ɔ Ra ne ewule zo ɔ nee yɛ ɛli ngamɔnu na yeyɛ yɛ ɔ gɔnwo mɔ a, ɛnee fane nyɛ yɛɛ akee ɔnrɛlua tease Kelaese ne ati ɔnrɛlie yɛ ngoane ɛ?

2 Kɔl 12:10

Kelaese ati, me kunlu dwo me nwo wɔ me bɛtɛɛyɛlɛ, aholoba ɛbɔlɛ, ngyegyelɛ, kpɔdekpɔdeyɛlɛ, yɛɛ munzule nu, ɔluakɛ mɔɔ menwɔyɛ bɛtɛɛ la ɛnee me nwo ɛyɛ se kpalɛ.

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

2 Kɔl 5:11

Kɛmɔ yɛze kɛ Nyamenlezulolɛ si de la ati, yɛbɔ mɔdenle kɛ yɛkɛmaa menli kɛzulo Nyamenle; na kɛ yɛmɛ yɛde la, Nyamenle ɔdaye ɔze, yɛɛ meze kɛ bɛdabɛ bɛze ye wɔ bɛ adwenle nu.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:20

Edwɛkpa ne ati a mela efiade a, noko mele nwolɛ ɛbɔfoɔ. Bɛzɛlɛ kɛ menwɔva akɛnrasesebɛ menwɔha Edwɛkpa ne kɛmɔ ɔfɛta la.

Kɔlɔ 1:20

Ɛhye ati, ɔlua Ralɛ ne anwo zo, Nyamenle ɛbɔ kpɔkɛ kɛ ɔdie aleɛabo ninyɛne kɔsɔɔti mɔɔ wɔ anwuma nee aze la yeamaa ɔ nwo na yealua ɔ Ra ne ewule mɔɔ ɔwule meanubaka ne azo la azo ɔ nee bɛ ayɛ ko.

1 Tɛs 4:8

Zɔhane ati, mɔɔ kɛkpo ngilehilelɛ ɛhye la ɛmkpo sonla, na yekpo Nyamenle ne mɔɔ ɛva ye Sunsum Nwuanzanwuanza ne ɛmaa bɛ la.