2 Kɔl 5:18 - BAEBOLO ANZƐƐ BULUKU NWUANZANWUANZA

¹⁸ Nyamenle a ɛyɛ ɛhye amuala a, na yelua Kelaese anwo zo yeyɛ yɛ ɔ gɔnwo mɔ, yɛɛ yemaa yɛ gyima kɛ yɛdayɛ noko yɛhwe menli yɛrayɛ bɛ ɔ gɔnwo mɔ.

2 Kɔl 5:18 ပူးပေါင်းရင်းမြစ်များ

Ayezaya Buluku ne 52:7

Ahenle ne mɔɔ lua awoka ne mɔ azo lɔ, mɔɔ lɛ nrɛlaleɛ kpalɛ ɛlɛba la ɛralɛ nu le kɛnlɛma, ɔbɔ anzonudwolɛ nolo, na ɔlɛ nrɛlaleɛ kɛnlɛma kpalɛ, ɔbɔ ngoanelielɛ nolo, na ɔka ɔkile Zayɔn kɛ, “Wɔ Nyamenle ne di belemgbunli.”

Ayezaya Buluku ne 57:19

Anzonudwolɛ, anzonudwolɛ ɛha bɛdabɛ mɔɔ bɛwɔ moa moa nee bɛdabɛ mɔɔ bɛbikye la, medame Ɛdɛnkɛma a mese a; yɛɛ mebayɛ bɛ ayile.

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Sɛlɛ 6:30

Noko ɔnle kɛ bɛdi ɛtane azubɔdeɛ biala mɔɔ bɛkɛva ye mogya ne bie bɛkɛhɔ Ɛdɛnkɛma Ndanlɛ Sua ne anu kɛ bɛkazɛlɛ mgbɔdalɛ wɔ ɛleka nwuanzanwuanza ne la bie. Ɔwɔ kɛ bɛyela ye.

Edwɛkpa ne kɛmɔ Luku hɛlɛle la 10:5

Awuke biala mɔɔ bɛkɛwolo nu la, bɛlumua bɛze kɛ, ‘Nyamenle anzonudwolɛ ɛha awuke ye anu amra.’

Edwɛkpa ne kɛmɔ Luku hɛlɛle la 24:47

Akee bɛbɔ ɔ bo wɔ Gyɛlusalɛm ɛke bɛva me duma bɛbɔ anlubɛnwo nolo bɛhile maanle maanle kɔsɔɔti, na saa bɛdie bɛdi a, Nyamenle ava bɛ ɛtane ahyɛ bɛ.

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 3:27

Dwɔn buale kɛ, “Awie biala ɛnrɛnyia ɛhwee kyesɛ Nyamenle fa maa ye.

Ɛzoanvolɛma Gyima ne 10:36

Bɛdabɛ bɛze kɛ ɔzile mɔɔ ɔlua Gyisɛse Kelaese, mɔɔ le menli kɔsɔɔti Awulae la anwo zo Nyamenle vale anzonudwolɛ nwo Edwɛkpa ne rɛlɛle Yizilayɛma la.

Wulo 11:36

Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

Wulo 5:1

Kɛmɔ ɔlua diedi zo yɛzɔ Nyamenle anye la, yɛlua Awulae Gyisɛse Kelaese anwo zo yɛnyia yɛ ti wɔ Nyamenle ɛkɛ.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 11:12

Ɔluakɛ kɛmɔ bɛbɔle raalɛ bɛvile nrenya nu la, zɔhane ala yɛɛ raalɛ wo nrenya a, yɛɛ ninyɛne kɔsɔɔti vi Nyamenle.

1 Kɔl 12:6

Anwosesebɛ mɔɔ bɛfa bɛyɛ gyima ngakyile dɔɔnwo la wɔ ɛkɛ, noko Nyamenle ko ne ala a maa awie biala anwosesebɛ maa ɔfa ɔsonle a.

1 Kɔl 3:5

Na Apɔlɔso bɔbɔ a le nwane? Pɔɔlo noko a le nwane? Yɛle Nyamenle sonvolɛma ala mɔɔ bɛluale yɛ nwo zo bɛliele Edwɛkpa ne bɛlile a. Yɛ nuhua ko biala yɛ ye gyima mɔɔ Awulae vale manle ye kɛ ɔyɛ la.

1 Kɔl 8:6

yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

Kɔlɔ 1:22

Na kɛkala, ɔlua Kelaese ewule ne azo bɛyɛ Nyamenle agɔnwo mɔ, amaa yeava bɛ yeara ɔ nyunlu kɛ bɛ nwo te nwuanzaanwu mɔɔ fɔlɛlilɛ biala ɛnle bɛ nu a.

Kɛlata mɔɔ bɛhɛlɛle bɛhɔmanle Hibuluma la 2:17

Ɛhye kile kɛ ɔwɔ kɛ ɔyɛ kɛ ɔ mediema ne mɔ la wɔ adenle biala anu, amaa yeayɛ bɛ Sɛlɛvolɛ Kpanyinli mɔɔ di nɔhalɛ na ɔse anwunvɔne wɔ ye Nyamenle gyimayɛlɛ nu, na yeali bɛ ti mgbɔdalɛ, amaa bɛava menli ɛtane bɛahyɛ bɛ.

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.

1 Dw 2:2

Kelaese a le sonla mɔɔ yɛlua ɔ nwo zo mɔɔ bɛva yɛ ɛtane ne mɔ bɛhyɛ yɛ a, yɛɛ tɛ yɛ ngome, na menli mɔɔ wɔ ewiade la amuala boka nwolɛ.

1 Dw 4:10

Ɛhulolɛ kɛ de la ɛne: tɛ yɛmɛ a yɛhulole Nyamenle a, yemɔ a ɔhulole yɛ na ɔzoanle ɔ Ra ne kɛ ɔrayɛ yɛ ɛtane ne mɔ anwo mgbɔdalɛdeɛ, amaa ɔlua ɔ nwo zo bɛava yɛ ɛtane ne mɔ bɛahyɛ yɛ.