2 Kɔl 5:17 - BAEBOLO ANZƐƐ BULUKU NWUANZANWUANZA

¹⁷ Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.

2 Kɔl 5:17 ပူးပေါင်းရင်းမြစ်များ

Edwɛndolɛ Buluku ne 51:10

O Nyamenle, bɔ ahonle mɔɔ anu te la wula me nu, na maa me sunsum fofolɛ mɔɔ gyi kpundii la.

Ayezaya Buluku ne 45:17

Ɛdɛnkɛma ɛlie Yizilayɛma ngoane, yemaa bɛ ngoanelielɛ mɔɔ ɛnlɛ awieleɛ, bɛ nyunlu ɛnrɛgua aze anzɛɛ bɛnrɛbɔ anyiemgba ɛlɛ.’ ”

Yizikeɛle Buluku ne 11:19

“ ‘Mebamaa bɛanyia ahonle fofolɛ na meamaa bɛ sunsum fofolɛ. Mebaye bolɛ ahonle ne wɔ bɛ nuhua na meamaa bɛ tieyɛ ahonle.

Yizikeɛle Buluku ne 18:31

Bɛgyakyi bɛ mɛladonlɛ ne mɔ na bɛnyia ahonle fofolɛ nee subane fofolɛ. Duzu ati a bɛkulo kɛ bɛwu ɛ, Yizilayɛma?

Yizikeɛle Buluku ne 36:26

Mebamaa bɛ ahonle fofolɛ, meava sunsum fofolɛ meawula bɛ nuhua, na meaye bolɛ ahonle ne mɔɔ wɔ bɛ nu la na meamaa bɛ ahonle bɛlɛvolɛ.

Edwɛkpa ne kɛmɔ Mateyu hɛlɛle la 12:33

“Baka kpalɛ biala so ma kpalɛ, yɛɛ baka ɛtane biala so ma ɛtane. Baka ne ma a kile ye baka holɛ a.

Edwɛkpa ne kɛmɔ Mateyu hɛlɛle la 24:35

Anwuma nee aze bapɛ nu aze, na me nloa edwɛkɛ ɛnrɛpɛ nu ɛlɛ.

Edwɛkpa ne kɛmɔ Luku hɛlɛle la 5:38

Mɔɔ bɛyɛ la a le kɛ, bɛfa nwanye ndokuma bɛgua nwoma kodoku fofolɛ nu.

Dw 14:20

Saa mekɛ zɔhane dwu a bɛkɛnwu kɛ mede Egya nu na bɛdabɛ noko bɛde me nu, na medame mede bɛ nu la.

Dw 15:2

Me sa ngane biala mɔɔ ɛnzo ma la, ɔkpane ye ɔto, na ɔsiezie ngane ne mɔ mɔɔ so ma la, amaa bɛazo ma dɔɔnwo.

Dw 15:5

“Mame a mele vanye baka ne a, yɛɛ bɛmɛ a bɛle ye ngane ne mɔ a. Mɔɔ kɛdɛnla me nu na menwɔdɛnla ye nu la bazo ma dɔɔnwo; ɔluakɛ saa menle nu a bɛ ngome bɛnrɛhola ɛhwee yɛ.

Dw 17:23

maa mendɛnla bɛ nu, na ɛdawɔ noko tɛnla me nu, amaa bɛayɛ ko kpalɛ kpalɛ, na ewiade amra anwu kɛ ɛdawɔ a ɛzoanle me a, na ɛkulo bɛ kɛmɔ ɛkulo me la.

Dw 3:3

Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Dw 3:5

Gyisɛse buale kɛ, “Meka nɔhalɛ ne meahile wɔ: kyesɛ bɛfa nzule nee Sunsum Nwuanzanwuanza ne bɛsɔne sonla anrɛɛ ɔnrɛnwu Nyamenle Belemgbunlililɛ ne ɛlɛ.

Wulo 16:10

Mebiza Apɛlizi. Ye nɔhalɛlilɛ sɔ Kelaese anye. Mebiza bɛdabɛ mɔɔ bɛwɔ Alesetobulɛse abusua nu la amuala ahye.

Wulo 16:11

Mebiza me busuanli Dwuunli Hilodeɔn nee mediema mɔɔ doa Kelaese abo zo na bɛwɔ Naasesɛse abusua nu la amuala ahye.

Wulo 16:3

Mebiza Pelesela nee Akoyela mɔɔ le me mediema gyimayɛvoma wɔ Kelaese Gyisɛse ɛzonlenlɛ ye anu la ahye.

Wulo 16:7

Me gɔnwo mɔ Dwuuma nwiɔ ne mɔɔ bɛguale yɛ muala efiade, mɔɔ le Andulonaekɛse nee Dwuniase, mebiza bɛ ahye, ɛzoanvolɛma ne mɔ ze bɛ kpalɛ kpalɛ, yɛɛ bɛdoale Kelaese abo zo kolaa na meahakyi mearayɛ Kelaese ɛdoavolɛ.

Wulo 16:9

Mebiza Ɛbeenɛse mɔɔ yɛ muala a yɛyɛ Kelaese gyima ye la, nee Setakese mɔɔ ɔdaye ɔle me gɔnwo la ahye.

Wulo 7:6

Na kɛkala mɔɔ yɛnle mɛla ne tumi bo, na yɛwu yɛvi mɔɔ bɔle yɛ kpanwu la asa anu la, yɛnzonle kɛmɔ ɛnee yɛwɔ mɛla ne abo la. Yɛsonle wɔ adenle fofolɛ ne mɔɔ Sunsum Nwuanzanwuanza ne kile la anu.

Wulo 8:1

Zɔhane ati bɛdabɛ mɔɔ bɛ nee Kelaese Gyisɛse le ko la ɛnlɛ ndeanlɛ biala.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 13:11

Mekɛ mɔɔ mele kakula la, mendendɛle kɛ kakula, mendwenlenle kɛ kakula, yɛɛ menzuzule edwɛkɛ nwo kɛ kakula. Kɛkala mɔɔ meyɛ kpanyinli la, megyakyi ngakula ninyɛne ne mɔ ɛyɛlɛ.

2 Kɔl 12:2

Meze Kelaese ɛdoavolɛ bie mɔɔ ɛvolɛ bulu nee nna mɔɔ ɛraze ɛhɔ la, bɛvale ye bɛhɔle anwuma wɔ Nyamenle anwo lɔ la; (saa nwonane nu o, saa sunsum nu o, menze, Nyamenle a ze a.)

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

2 Kɔl 5:19

Yemɔ a le kɛ, Nyamenle lua Kelaese anwo zo ɛlɛtwe menli muala ayɛ bɛ ɔ gɔnwo mɔ. Nyamenle ambu bɛ ɛtane ne mɔ anwo mgbonda antia bɛ na yeva edwɛkɛ ne mɔɔ fane kɛ menli si yɛ ɔ gɔnwo mɔ la yewula yɛ sa nu.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:28

Zɔhane ati ngakyile biala ɛnle Dwuuma nee sonla mɔɔ ɛnle Dwuunli la avinli, akɛlɛ nee dehelɛ, anzɛɛ nrenya nee raalɛ avinli. Ɔluakɛ Kelaese ati bɛ muala bɛle menli ko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:15

Saa ɔwɔ kɛ awie yɛ ye mrenyanu nzonlɛ o, saa ɔnle kɛ ɔyɛ o, ɔle debie mɔɔ ɛngyia fee a. Mɔɔ hyia la a le kɛ yɛkɛyɛ menli fofolɛ bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:15

Ɔluale ye sonlabaka ne azo ɔpɛle Dwuuma mɛla ne nee nwolɛ ngyehyɛlɛ ne mɔ anu na ɔlua Kelaese ati ɔmanle menli ekpunli nwiɔ ɛhye yɛle menli fofolɛ ko na yɛnyianle anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:21

Yɛbiza Nyamenle menli ne mɔɔ le Kelaese Gyisɛse ɛdeɛ la kɔsɔɔti ahye. Mediema mɔɔ nee me wɔ ɛke la biza bɛ ahye.