2 Kɔl 5:15 - BAEBOLO ANZƐƐ BULUKU NWUANZANWUANZA

¹⁵ Ɔwule ɔmanle menli muala, amaa bɛdabɛ mɔɔ bɛde ngoane nu la andɛnla ammaa bɛ ngome bɛ nwo, na bɛadɛnla bɛamaa sonla ne mɔɔ bɛ ti a ɔwule na bɛdwazole ye bɛrale ngoane nu la.

2 Kɔl 5:15 ပူးပေါင်းရင်းမြစ်များ

2 Arl 5:17

Na Neeman zele ye kɛ, “Saa ye zɛhae ɛdeɛ a ɛnee mebodo wɔ, maa me adenle maa menva ɛke ɛnwea mɔɔ mgbɔnwɔndua nwiɔ kɛhola ye soa la mengɔ, ɔluakɛ ɔvi ɛnɛ mɔɔ kɔ la, menrɛva ɛyelalɛ azubɔdeɛ menrɛmaa kɛ bɛva bɛbɔ azu yɛɛ menrɛbɔ azu menrɛmaa nyamenle biala kɛ Ɛdɛnkɛma ala.

Yizikeɛle Buluku ne 16:6

“Membanzenle bɛ nwo ɛkɛ, na menwunle kɛ bɛgua bɛ mogya ne anu, na menzele bɛ kɛ,

Yizikeɛle Buluku ne 37:14

Mebava me Sunsum ne meawula bɛ nuhua, na bɛanyia ngoane, na meava bɛ meahɔgua bɛdabɛ bɛ azɛlɛ ne azo; na akee bɛanwu kɛ medame Ɛdɛnkɛma a meha a, yɛɛ meyɛ. Medame Ɛdɛnkɛma, kɛ mese la ɛne.”

Yizikeɛle Buluku ne 37:9

Na Nyamenle zele me kɛ, “Ka Nyamenle nrɛlaleɛ ne kile anwoma. Sonla ra, ka Nyamenle nrɛlaleɛ ne na se anwoma ne kɛ, ‘Awulae Nyamenle ne se: O sunsum, ɛvi anwoma nna ne anu bɛla bagu ɛnwomenle gua menli ɛhye mɔ mɔɔ bɛhunle bɛ la nu maa bɛnyia ngoane.’ ”

Habakɛke Buluku ne 2:4

Nea, awie biala mɔɔ ɛnle tenlene la bakpo aze, noko tenlenenli ne balua ye diedi zo anyia ngoane.”

Zɛkalaya Buluku ne 10:9

Mendele bɛ memkpondenle maanle maanle avinli bɔbɔ ɛdeɛ, noko wɔ moa moa maanle ne mɔ anu lɔ, bɛbahakye me, na bɛ nee bɛ mra bɛbadɛnla ngoane nu na bɛazia bɛara.

Dw 5:24

“Meka nɔhalɛ ne meahile bɛ: Mɔɔ kɛdie me edwɛkɛ na ɔkɛlie mɔɔ zoanle me la kɛli la lɛ ngoane mɔɔ ɛnlɛ awieleɛ. Bɛnrɛbua ye ndɛne, na ɔvi ewule nu yera ngoane nu.

Dw 6:57

Egya mɔɔ zoanle me la de aze, yɛɛ ɔdaye ɔ ti melɛ ngoane. Zɔhane ala yɛɛ mɔɔ kɛva me kɛli la, medame me ti ɔkɛnyia ngoane a.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Wulo 4:25

Bɛyele Gyisɛse bɛmanle ɔwule wɔ yɛ ɛtane ti na bɛdwazole ye bɛrale ngoane nu, amaa bɛalie yɛ kɛ yɛsɔ Nyamenle anye.

Wulo 6:2

Kyɛkyɛ! Saa ɛtane maa yɛwu a, ɛnee kɛ yɛsi yɛtɛnla ɛtane nu bieko ɛ?

Wulo 6:6

Yɛze kɛ yɛ su dɛba ne bɛhunle ye bɛbokale Kelaese anwo wɔ meanubaka ne azo, amaa bɛazɛkye yɛ su ɛtane ne tumi ne na yɛanyɛ ɛtane ngɛkɛlɛ bieko.

Wulo 8:10

Na saa Kelaese de bɛ nu a, ɛnee saa ɛtane ti bɛwu nwonane nu bɔbɔ a, Sunsum ne anu bɛlɛ ngoane, ɔboalekɛ bɛlie bɛ bɛmaa bɛzɔ Nyamenle anye.

Wulo 8:2

Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

Wulo 8:6

Saa ɛmaa nwonane nu adwenleadwenle keda ɛ nwo zo a, ɔwie ewule; yɛɛ saa ɛmaa Sunsum nu adwenleadwenle keda ɛ nwo zo a, ɔwie ngoane nee anzonudwolɛ.

1 Kɔl 10:33

Bɛyɛ ye kɛmɔ meyɛ ye ala la. Mendwenle me ngome me kpalɛyɛlɛ nwo; mebɔ mɔdenle kɛ menwɔyɛ mɔɔ le kpalɛ maa awie biala la, amaa bɛalie bɛ ngoane.

2 Kɔl 12:10

Kelaese ati, me kunlu dwo me nwo wɔ me bɛtɛɛyɛlɛ, aholoba ɛbɔlɛ, ngyegyelɛ, kpɔdekpɔdeyɛlɛ, yɛɛ munzule nu, ɔluakɛ mɔɔ menwɔyɛ bɛtɛɛ la ɛnee me nwo ɛyɛ se kpalɛ.

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:25

Saa Nyamenle Sunsum ne ɛmaa yɛ ngoane a, ɛnee bɛmaa Sunsum ne ɛli yɛ nyunlu wɔ yɛ ɛbɛlabɔlɛ nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:17

Mekakye bɛ wɔ Awulae duma nu; bɛmmabɔ bɛ ɛbɛla kɛ awozonle ɛzonlenlɛma la bieko mɔɔ bɛndwenle adwenle kpalɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:14

ɔluakɛ debie biala mɔɔ kɛla ali la, ɛnee yeyɛ wienyi. Yemɔti a bɛha ye kɛ, “Wɔmɔ mɔɔ wɔlafe a, tunwue na ɛvi mɔwuamra anu dwazo! Na Kelaese wienyi ne kɛda ɛ nwo.”

Kɔlɔ 2:12

Ɔluakɛ mɔɔ bɛzɔnenle bɛ ala la, ɛnee bɛzie bɛ su ɛtane ne nee Kelaese. Eza wɔ ɛzɔnenlɛ ne anu ala bɛluale bɛ diedi mɔɔ wɔ Nyamenle tumi ne mɔɔ dwazole Kelaese vile ewule nu la azo bɛdwazole bɛdabɛ noko.

Kɔlɔ 3:1

Bɛdwazo bɛ nee Kelaese bɛra ngoane nu. Yemɔti bɛmaa bɛ ahonle ɛdoa ninyɛne mɔɔ wɔ anwuma lɔ, ɛleka mɔɔ Kelaese de ye belemgbunli ebia nu wɔ Nyamenle asa fema zo la abo zo.

Kɔlɔ 3:17

Debie biala mɔɔ bɛyɛ, edwɛkɛ biala mɔɔ bɛka, nyɛleɛ biala anu, bɛyɛ ye wɔ Awulae Gyisɛse duma nu, na bɛlua ɔ nwo zo bɛyɛ Nyamenle Selɛ ne mo.

Kɔlɔ 3:23

Debie biala mɔɔ bɛyɛ la bɛva ahonle kpalɛ bɛyɛ, kɛ asɛɛ bɛyɛ bɛamaa Awulae, na bɛnyɛ bɛmmaa sonla.

1 Tɛs 5:10

Gyisɛse wule manle yɛ amaa ɔba a, saa yɛwu o, yɛde ngoane nu o, yɛ nee ye adɛnla.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

1 Pit 4:6

Ɛhye ati yɛɛ bɛbɔle Edwɛkpa ne nolo bɛhilele mɔwuamra a, amaa saa bɛlua bɛ nwonane ɛhye azo bɛbua bɛ ndɛne, kɛmɔ bɛbua awie biala la a, sunsum nu bɛadɛnla, kɛmɔ Nyamenle kpondɛ la.

1 Dw 4:9

Kɛ Nyamenle zile hilele kɛ ɔkulo yɛ la ɛne: ɔzoanle ɔ Ra kokye ne wɔ ewiade ye anu, amaa ɔlua ɔ nwo zo yɛanyia ngoane.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.