2 Kɔl 5:14 - BAEBOLO ANZƐƐ BULUKU NWUANZANWUANZA

¹⁴ Ɔluakɛ Kelaese ɛhulolɛ ne a sie yɛ a, ɔboalekɛ yɛdie yɛto nu kɛ sonla ko wule manle menli kɔsɔɔti, na ye zɔhane ati menli kɔsɔɔti ɛwu.

2 Kɔl 5:14 ပူးပေါင်းရင်းမြစ်များ

1 Edk 11:18

Menli katakyiema nsa ne bɔle vale Filisitiama avinli wɔ ɛleka mɔɔ bɛdɛ la na bɛhɔzale nzule wɔ Bɛtelɛhɛm bula ne mɔɔ wɔ sua ne anlenkɛ kpole ne anloa la bie bɛrɛlɛle Devidi. Noko Devidi anno. Ɔguale ye aze, ɔvale ɔyɛle azubɔdeɛ ɔmanle Ɛdɛnkɛma,

Dwobu Buluku ne 32:18

Ɔluakɛ edwɛkɛ ɛyi me ti tɛkɛɛ, sunsum ne mɔɔ wɔ me nu la se mendendɛ.

Sɔlɔmɔn Edwɛne 1:4

Fa me bɔ ɛ nwo na maa yɛnriandi yɛhɔ. Belemgbunli ne ɛva me ɛra ye sua kunlu. Yɛ mu nwiɔ yɛ nye balie, yɛbahanvo wɔ ɛhulolɛ fɛlɛko ne yɛadɛla nwanye. Ɔnyɛ ɛzulolɛ kɛ mraalɛ kɔsɔɔti kulo wɔ a.

Ayezaya Buluku ne 53:6

Yɛ muala yɛminli kɛ mboane la; yɛ nuhua biala ɔdaye yeva ye adenle ɛdeɛ zo; Ɛdɛnkɛma ɛva yɛ ɛtane ne mɔ amuala ɛgua ɔ nwo zo.

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Edwɛkpa ne kɛmɔ Luku hɛlɛle la 15:24

Ɔluakɛ me ra ɛhye, mefa ye kɛ ɔwule, na kɛkala yera ngoane nu; ɔminlinle, na kɛkala menwu ye.’ Na bɛbɔle ɔ bo kɛ bɛdie bɛ nye.

Edwɛkpa ne kɛmɔ Luku hɛlɛle la 15:32

Noko ɔwɔ kɛ yɛdie yɛ nye na yɛdi fɛlɛko ala, ɔboalekɛ, ɛ diema ye, ɔwule, yɛɛ yezia yera ngoane nu bieko a; ɔminlinle, yɛɛ yɛnwu ye a.’ ”

Edwɛkpa ne kɛmɔ Luku hɛlɛle la 24:29

na bɛzele ye kɛ, “Maa yɛhɔla na mekɛ ne ɛhɔ, aleɛ ɛlɛdwo.” Yemɔti Gyisɛse nee bɛ hɔle sua nu.

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Dw 11:25

Gyisɛse zele ye kɛ, “Mame a mele ewudwazo ne nee ngoane ne a. Mɔɔ kɛlie me kɛli la, saa ɔwu bɔbɔ a ɔkɛnyia ngoane;

Dw 5:25

Meka nɔhalɛ ne meahile bɛ: mekɛ ɛlɛba, yɛɛ yera bɔbɔ, mɔɔ mɔwuamra bade Nyamenle Ara ne ane, na bɛdabɛ mɔɔ bɛkɛde la bɛbadwazo bɛ bɛara ngoane nu.

Ɛzoanvolɛma Gyima ne 18:5

Mɔɔ Saelase nee Temɔte vi Masidonea rale la ɛnee Pɔɔlo ɛva ye mekɛ muala ɛlɛka Edwɛkpa ne ali daselɛ ahile Dwuuma ne kɛ, Mɛzaya ne a le Gyisɛse.

Wulo 2:2

Yɛze kɛ saa Nyamenle tea bɛdabɛ mɔɔ bɛbɔ zezɛhae ɛbɛla la a ɛnee ɔfɛta.

Wulo 5:15

Noko bɛ mu nwiɔ bɛnle ko, ɔluakɛ Nyamenle ɛlolɛ ahyɛlɛdeɛ ne ɛnle kɛ Adam ɛtane ne la. Ɔle nɔhalɛ kɛ sonla ko ne ɛtane ti menli dɔɔnwo wule ɛdeɛ, noko Nyamenle ɛlolɛ ahyɛlɛdeɛ ne mɔɔ ɔlua sonla ko ne, mɔɔ le Gyisɛse Kelaese ɛlolɛ zo ɔfa ɔkyɛ mgbane la wɔ ɛkɛ maa menli somaa.

Wulo 6:13

Eza ɔnle kɛ bɛtu bɛ sonlabaka ne ɛleka biala bɛmaa ɛtane kɛ bɛva bɛyɛ ninyɛndane biala. Bɛva bɛ nwo bɛmaa Nyamenle kɛ menli mɔɔ bɛye bɛ bɛvi ewule nu bɛra ngoane nu, na bɛdu bɛ nwo ɛleka biala bɛmaa Nyamenle kɛ ɔva ɔyɛ gyima mɔɔ sɔ ɔ nye la.

Wulo 6:6

Yɛze kɛ yɛ su dɛba ne bɛhunle ye bɛbokale Kelaese anwo wɔ meanubaka ne azo, amaa bɛazɛkye yɛ su ɛtane ne tumi ne na yɛanyɛ ɛtane ngɛkɛlɛ bieko.

1 Kɔl 16:22

Awie biala mɔɔ ɛngulo Awulae la, munzule ɛha ye. Yɛ Awulae, bɛla!

1 Kɔl 2:14

Sonla mɔɔ Nyamenle Sunsum ne ɛnle ye nu la ɛngola ɛnnyia Nyamenle Sunsum nu ahyɛlɛdeɛ ne mɔ. Sonla zɛhae ɛnde ninyɛne ɛhye mɔ abo; bɛle ɔ nye zo ɛzɛlɛ edwɛkɛ, ɔboalekɛ kyesɛ sunsum nu ala na bɛade ɔ bo.

2 Kɔl 3:7

Nyamenle anyunlunyia ne lale ali wɔ mekɛ mɔɔ ɔlɛ mɛla ne mɔɔ bɛhɛlɛle ye bolɛ zo la ɔlɛmaa Mosisi la. Na saa ɛnee Mosisi anyunlu ne mɔɔ dale la ɛlɛnu bɔbɔ a, mekɛ ne anu ɔdale kpole kpalɛ mɔɔ ɛnee Yizilayɛma ɛngola ɔ nyunlu nea a. Na saa mɛla ne mɔɔ zolɛ ɛlilɛ fa ewule ba la luale anyunlunyia zɛhae anu a rale a,

2 Kɔl 3:9

Saa ɛzonlenlɛ mɔɔ maa bɛbu menli ewule fɔlɛ la yɛle anyunlunyia a, ɛnee Nyamenle Sunsum ne ɛzonlenlɛ mɔɔ maa bɛbu menli benle la le anyunlunyia kpole kpalɛ mɔɔ bo zolɛ a!

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:24

Nyamenle ɛlolɛ ne nee bɛdabɛ mɔɔ bɛkulo yɛ Awulae Gyisɛse Kelaese ɛhulolɛ mɔɔ ɛmbɔ aze ɛlɛ la ɛdɛnla.

Kɔlɔ 2:13

Mekɛ bie mɔɔ ɛraze ɛhɔ la ɛnee ɔlua bɛ ɛtane ti, nee kɛmɔ bɛnle Dwuuma na bɛnle Mosisi mɛla ne abo la ati, ɛnee bɛwu sunsum nu, na kɛkala Nyamenle ɛva bɛ nee Kelaese ɛra ngoane nu, na yeva yɛ ɛtane ne mɔ amuala yehyɛ yɛ.

Kɔlɔ 3:3

Ɔluakɛ bɛwu na bɛva bɛ ngoane bɛboka Kelaese ɛdeɛ ne bɛvea Nyamenle anu.

1 Tem 2:6

mɔɔ vale ɔ nwo manle kɛ ɔkpɔne menli kɔsɔɔti yeavi bɛ ɛtane nu la. Mekɛ kpalɛ ne dwule la ɔhilele kɛ Nyamenle kpondɛ kɛ menli kɔsɔɔti nyia ngoane.

1 Tem 5:6

Na kunlanvolɛ mɔɔ ɛlɛdi ɔ ti la, kanzɛ ɔde ngoane nu bɔbɔ a yewu dɛbadɛba.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

Kɛlata mɔɔ bɛhɛlɛle bɛhɔmanle Hibuluma la 2:9

Na yɛnwu Gyisɛse mɔɔ mekɛ ekyi bie anu ɔdaye noko bɛyɛle ye ekyi bɛdɛlale Nyamenle soanvolɛma la, kɛ bɛwula ye anyunlunyia na bɛdi ye eni wɔ nyane ewule mɔɔ ɔwule la ati. Nyamenle luale ɔdaye ye ɛlolɛ zo yɛɛ ɔmanle ɔwule wɔ awie biala ati a.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

1 Pit 1:8

Bɛtɛnwunle Gyisɛse ɛlɛ, noko bɛkulo ye. Kɛkala bɔbɔ bɛnnwu ye, noko bɛdie ye bɛdi, na ɔlua zo bɛ nye die na bɛdi fɛlɛko kpole mɔɔ ɛnloanlɛ ɛngola ɛnga a,

1 Dw 5:19

Saa bɔbɔ Abɔnsam di ɛtane ewiade ye azo belemgbunli a, yɛze kɛ yɛmɛ yɛle Nyamenle menli.