2 Kɔl 5:12 - BAEBOLO ANZƐƐ BULUKU NWUANZANWUANZA

¹² Tɛ kɛ asɛɛ yɛkulo kɛ yɛkanvo yɛ nwo yɛkile bɛ bieko ɔ, na yɛlɛbɔ mɔdenle kɛ bɛkɛva yɛ bɛkɛdu bɛ nwo, na bɛahola bɛanyia edwɛkɛ bɛaha bɛahile bɛdabɛ mɔɔ bɛfa menli gyinlabelɛ a bɛtu bɛ nloa anu na bɛnva bɛ subane a bɛtu bɛ nloa anu la.

2 Kɔl 5:12 ပူးပေါင်းရင်းမြစ်များ

Mrɛlɛbulɛ Buluku ne 27:2

Maa awie gyɛne ɛhanvo wɔ, ɛdawɔ ɛ ngome mmakanvo ɛ nwo; maa ɛyɛvolɛ ɛhanvo wɔ, mmafa ɛ nloa ɛbɔ ɛ nwo ɛhanvolɛ zo.

2 Kɔl 10:12

Yɛnzi yɛ kɛnra yɛmbu yɛ nwo bie anzɛɛ yɛnva yɛ nwo yɛndo menli mɔɔ bɛdabɛ bɛ ngome bɛkanvo bɛ nwo la anwo. Bɛdabɛ mɔɔ bɛfa bɛ nwo bɛto awie mɔ anwo, na bɛnea awie mɔ bɛfa bɛ bɛto bɛ nwo la ɛnze nrɛlɛbɛ.

2 Kɔl 10:18

Ɔluakɛ tɛ sonla mɔɔ kanvo ɔ ngome ɔ nwo la a sɔ Nyamenle anye a, na sonla mɔɔ Awulae kanvo ye la a sɔ Nyamenle anye a.

2 Kɔl 10:7

Anrɛɛ bɛnlea ye boɛ na bɛabua. Awie wɔ ɛkɛ ne mɔɔ ɔbu ɔ nwo kɛ ɔle Kelaese ɛdeɛ a, ɛnee bɛmaa ɔdwenle nwolɛ ɔhakye kɛ saa ɔle Kelaese ɛdeɛ a, ɛnee yɛdayɛ noko yɛle Kelaese ɛdeɛ.

2 Kɔl 10:8

Ɔnyɛ me nyiane kɛ metu me nwo somaa wɔ tumi ne mɔɔ Awulae ɛva ɛmaa yɛ la anwo a, ɔluakɛ Awulae anva ammaa yɛ kɛ yɛva yɛzɛkye bɛ, ɔse yɛva yɛnlea yɛmaa bɛkpazi.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

2 Kɔl 3:1

Asoo mɔɔ meha la eza kile kɛ yɛlɛtu yɛ nloa anu? Anzɛɛ ɔhyia kɛ yɛfa nganvolɛ kɛlata yɛbakile bɛ, anzɛɛ yɛdie bie wɔ bɛ ɛkɛ ne, kɛmɔ bie mɔ yɛ la ɔ?

2 Kɔl 6:4

Wɔ yɛ nyɛleɛ biala anu yɛfa abotane yɛgyinla ngyegyelɛ, anwongyelelɛ nee abodelɛ biala anloa, yɛkile kɛ yɛle Nyamenle sonvolɛma.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:26

amaa saa meba bɛ nwo lɔ bieko a bɛanyia anwosesebɛ bɛava me bɛadu bɛ nwo wɔ bɛ ɛbɛla mɔɔ Kelaese ati bɛlɛbɔ la anwo.