2 Kɔl 4:9 - BAEBOLO ANZƐƐ BULUKU NWUANZANWUANZA

⁹ bɛyɛ yɛ kpɔdekpɔde, noko yɛtɛkyianle agɔnwolɛ nwo ɛlɛ; yɛɛ ɔdwu mekɛ ne bie bɔbɔ a bɛbobɔ yɛ, noko yɛtɛwule.

2 Kɔl 4:9 ပူးပေါင်းရင်းမြစ်များ

Dwobu Buluku ne 22:29

Ɔluakɛ Nyamenle bɛlɛ mgbanyizonlema aze, na ɔmaa bɛlɛvoma zo.

Edwɛndolɛ Buluku ne 129:2

“Ɔvi me ngakula nu, bɛhile me nyane kpalɛ, noko bɛtɛkolale me nwo zo konim di.

Edwɛndolɛ Buluku ne 22:1

Me Nyamenle, me Nyamenle, duzu ati a wɔkpo me a? Duzu ati a melɛkponle na ɛmbamboa me ɛ?

Edwɛndolɛ Buluku ne 37:28

Ɔluakɛ Ɛdɛnkɛma kulo pɛlepɛlelilɛ; ɔnrɛkpo ye menli ne mɔɔ di nɔhalɛ la. Ɔbabɔ tenlenema anwo bane dahuu, na yeaminli amumuyɛma abo zo.

Edwɛndolɛ Buluku ne 42:11

O me ɛkɛla, duzu ati a nyane ɛha wɔ zɛhae ɛ, duzu ati a ɛ nwo mɔra ɛdu zɛhae ɛ? Nyia anyelazo wɔ Nyamenle anu, ɔluakɛ mebaye ye ayɛlɛ bieko kɛ, ɔle me boavolɛ nee me Nyamenle.

Edwɛndolɛ Buluku ne 42:5

O me ɛkɛla, duzu ati a nyane ɛha wɔ zɛhae ɛ, duzu ati a ɛ nwo mɔra ɛdu zɛhae ɛ? Nyia anyelazo wɔ Nyamenle anu, na mebaye ye ayɛlɛ bieko kɛ, ɔle me boavolɛ nee me Nyamenle.

Edwɛndolɛ Buluku ne 9:10

Menli mɔɔ ze wɔ la fa bɛ rɛle wula wɔ nu, ɔluakɛ, O Ɛdɛnkɛma, ɛtɛkpole menli mɔɔ sonle wɔ la.

Mrɛlɛbulɛ Buluku ne 24:16

ɔluakɛ saa tenlenenli tɔ aze fane nsuu bɔbɔ a, ɔdwazo; na amumuyɛnli ne, munzule sɛkye ye.

Ayezaya Buluku ne 43:2

Saa bɛlua nzule buma nu a, me nee bɛ balua; bɛlua azule ne mɔ anu a, bɛnrɛmonla bɛ; saa bɛlua senle nu a, senle ne ɛnrɛyela bɛ, yɛɛ ye ɛzɔlɛ gbolamgbolam ne ɛnrɛyela bɛ.

Ayezaya Buluku ne 62:4

Bɛnrɛvɛlɛ wɔ “Bɛkpo wɔ ” bieko, Yɛɛ bɛnrɛha kɛ wɔ azɛlɛ ne “Ɛdɔ mgbane” bieko; Na bɛbavɛlɛ wɔ “Me anyelielɛ wɔ wɔ nuhua,” Na bɛavɛlɛ wɔ azɛlɛ ne “Awuvolɛ.” Ɔluakɛ Ɛdɛnkɛma anye die ɛ nwo, Yɛɛ wɔ azɛlɛ ne bayɛ awuvolɛ.

Maeka Buluku ne 7:8

O me kpɔvolɛ, mmadi me nwo zo wulupe. Saa metɔ aze a mebadwazo. Saa metɛnla awozinli nu a Ɛdɛnkɛma bayɛ me kɛnlaneɛ.

Habakɛke Buluku ne 3:17

Feege mbaka ɛnrɛzo bɔbɔ ɛdeɛ, yɛɛ ma ɛnrɛra vanye mbaka zo, ɔlivi mbaka ɛnrɛzo bɔbɔ ɛdeɛ, yɛɛ aleɛ ɛnrɛvinde kpɔkɛ nu, mboane ne mɔ amuala bawu bɔbɔ ɛdeɛ, yɛɛ nlankɛ adunli ne mɔ badɔ mgbane,

Dw 15:20

Bɛhakye mɔɔ meha mehile bɛ la; ‘Akɛlɛ ɛnle kpole ɛndɛla ɔ menle.’ Saa bɛyɛle me kpɔdekpɔde a ɛnee bɛbayɛ bɛdabɛ noko kpɔdekpɔde; saa bɛlile me ngilehilelɛ zo a, ɛnee bɛbali bɛdabɛ noko bɛ ngilehilelɛ zo.

Wulo 8:35

Nwane a kɛhola kɛhwe yɛ kɛvi Kelaese ɛhulolɛ ne anwo a? Amaneɛnwunlɛ anzɛɛ anwongyelelɛ, kpɔdekpɔdeyɛlɛ anzɛɛ ɛhɔne, ehyia, anwubɛnyunlu anzɛɛ ewule?

2 Kɔl 7:6

Noko Nyamenle mɔɔ kyekye bɛdabɛ mɔɔ bɛ rɛle ɛbɔ la arɛle la, luale Taetɛse ɛralɛ ne azo kyekyele yɛ rɛle,

2 Tem 3:12

Nɔhalɛ, awie biala mɔɔ kpondɛ kɛ ɔbɔ ɛbɛla kpalɛ na ɔ nee Kelaese Gyisɛse dua la, bɛbayɛ ye kpɔdekpɔde.

Kɛlata mɔɔ bɛhɛlɛle bɛhɔmanle Hibuluma la 13:5

Bɛye ezukoa nwo anyebolo bɛvi bɛ ɛbɛla nu, na bɛmaa bɛ kunlu ɛdwo mɔɔ bɛlɛ ye la anwo. Ɔluakɛ Nyamenle ɛha ye kɛ, “Menrɛgyakyi bɛ ɛlɛ, yɛɛ me rɛle ɛnrɛvi bɛ fee.”